JUECES 11:1 - Dios Rimashcata Quillcashcami

¹ Galaad llactapica Jeftemi macanacungapacca alli sinchi runa carca. Paica cullquimanta huainayac huarmipac huahuami carca. Taitaca Galaadmi carca.

JUECES 11:1 Iomraidhean Croise

2 REYES 5:1

Siria llactata jatun mandacpac soldadocunata mandac Naamanca paipac amopac ñaupapica mai alli nishcami carca. Mandac Diosca Siria llactataca Naamanmantami macanacuita mishachishca carca. Chaimantami paica mai alli nishca carca. Paica alli sinchi runa cashpapish lepra ungüitami charirca.

HEBREOS 11:32

Ashtahuanca, ¿imatatac nisha? Gedeonmantapish, Baracmantapish, Sansonmantapish, Jeftemantapish, Davidmantapish, Samuelmantapish, Dios ima nishcata huillaccunamantapish mana tucui parlai pudinichu.

JUECES 10:18

Galaad llactapi causac pushac israelcuna paicuna tapunacushpaca: —Maijanpish amonitacunahuan macanacuita callarichicmi tucui Galaad llactapi causaccunata mandanga— nircacuna.

JUECES 11:2

Galaadpac huarmipish huahuacunata charishcami carca. Chai huahuacuna huiñashpami Jeftetaca: «Canca shuctac huarmipi tiyashca cashcamantaca mana ñucanchic taita charishcacunata japinguichu» nishpami llucchishpa cacharca.

JUECES 6:12

Chaipimi Mandac Dios cachashca ángel ricurishpaca: —¡Sinchita macanacuc runalla, Mandac Diosca canhuanmi!— nirca.

1 SAMUEL 12:11

Chaimantami Mandac Diosca cancunapac muyundipi causac cancunata piñaccunapac maquimanta quishpichichun Jerobaalta, Baracta, Jefteta shinallatac Samuelta cacharca. Chaimantami ima llaquipish mana japicpi, sumacta causarcanguichic.