JUECES 10:10 - Dios Rimashcata Quillcashcami

¹⁰ Chaimantami israelcunaca Mandac Diosta caparishpa mañashpaca: —Canta servinata saquishpa shuctac Baal dioscunata servishpami canta piñachishpa juchallishcanchic— nirca.

JUECES 10:10 Iomraidhean Croise

SALMOS 107:13

Chashna llaquihuan cashpa Mandac Diosta caparishpa mañacpica, llaquimanta quishpichircami.

SALMOS 107:19

Chashna llaquihuan cashpami, Mandac Diosta caparishpa mañarcacuna. Paimi chai llaquimantaca quishpichirca.

SALMOS 107:28

Chashna llaquihuan cashpa Mandac Diosta mañacpimi, paica chai llaquimantaca quishpichirca.

JEREMÍAS 2:27

Shuc yurata: “Canmi ñuca taita cangui” niccunapish, shuc rumita: “Canmi ñuca mama cangui” niccunapish, pingai tucungami. Paicunaca ñucaman ñahuita ricuchina shinaca, huashatami ricuchin. Cutin llaqui japicpica: “¡Quishpichingapac jatariyari!” nicuncunami.

JUECES 10:9

Chai quipaca amonitacunaca Jordán yacuta pasashpami Judapac, Benjaminpac aillucunahuan, Efrainpac huasi ucu familiahuan macanacungapac rirca. Chashnami israelcuna mai llaquita aparca.

JUECES 3:9

Israelcuna chashna llaquita apashpa Mandac Diosta caparishpa mañacpimi, Mandac Diosca chai llaquimanta llucchirca. Chai llaquimanta llucchicca Cenazpac churi Calebpac quipa huauqui Otonielmi carca.

JUECES 4:3

Jatun mandac Jabinca iscun patsac fierro carretatami charirca. Shinallatac ishcai chunga huatatami yallita llaquichirca. Chaimantami israelcunaca Mandac Diosta caparishpa mañarcacuna.

JUECES 6:6

Madianitacunamantami israelcunaca yallita huacchayashpa Mandac Diosta caparishpa mañarca.

1 SAMUEL 12:10

Chaimantami paicunaca Mandac Diostaca: “Mandac Diosta saquishpa Baal, Astarte yangalla dioscunata servishpami juchallishcanchic. Cunanca ñucanchicta piñaccunapac maquimanta quishpichiyari. Canllatacmi servishpa causashun ninchic” nishpa caparishpa mañarca.

1 SAMUEL 7:6

Israelcunaca Mizpa pueblopi tandanacushpami yacuta llucchishpa, Mandac Diospac ñaupapi tallirca. Chai punzhami ayunashpa: «Juchata ruhuashpami Mandac Diostaca llaquichishcanchic» nirca. Samuelca israelcuna piñanacushcamantaca Mizpa pueblopimi allichirca.