JUECES 1:33 - Dios Rimashcata Quillcashcami

³³ Neftalipac aillupish Bet-semes pueblopi, Bet-anat pueblopi causac cananeocunataca mana llucchishpa cachai pudishpami, paicunallahuantac tandarishpa chai llactapi causarca. Bet-semes, Bet-anat pueblopi causaccunaca impuestota cushpami causarca.

JUECES 1:33 Iomraidhean Croise

SALMOS 18:24

Mandac Diosca ñuca cashcata ruhuashpa causac cacpimi allicunata curca. Ñuca maquihuan ima millaita mana ruhuashcamantami cuna cashcataca curca.

JOSUÉ 15:10

Baala pueblomantaca inti tigrana ladoman tiyac Seir urcu ladomanmi muyucurca. Cutin jahua ladota rishpaca, Jearim urcuta rishpami Quesalón puebloman chayacurca. Chaimantaca Bet-semes puebloman urai rishpami Timna pueblocaman carca.

JUECES 1:30

Shinallatac Zabulón aillupish Quitrón pueblopi, Nahalal pueblopi causac cananeocunataca mana llucchishpa cachai pudircachu. Chai runacunaca paicunapac chaupillapitacmi impuestota cushpa causarca.

JUECES 1:32

Aser aillucunaca chai llactapi causac cananeocunata mana llucchishpa cachai pudishpami, paicunallahuantac tandarishpa causarca.

JUECES 1:34

Cutin Dan aillutaca amorreocunaca pugru pamba llactacunaman mana yaicuchun saquishpami urcucunallapi causachun saquirca.

JUECES 1:35

Chaimantami Heres urcupipish, Ajalón, Saalbim pueblopipish causarca. Shina cacpipish, Josepac huasi ucupuramanta mirarishpami amorreocunamantaca impuestota chasquishpa causarca.