JUECES 1:29 - Dios Rimashcata Quillcashcami

²⁹ Efraín aillupish Gezer pueblopi causac cananeocunataca mana llucchishpa cachai pudircachu. Ashtahuanpish paicunapac chaupillapitacmi Gezer pueblopi causarca.

JUECES 1:29 Iomraidhean Croise

1 REYES 9:15

Jatun mandac Salomonca Mandac Diospac huasitapish, paipac huasitapish, Milo nishcatapish, Jerusalén muyundi jatun pircatapish, Hazor, Meguido, Gezer pueblocunatapish ruhuangapacmi gentecunata tandachirca.

1 REYES 9:16

Egipto llactata jatun mandac Faraón huichai shamushpami, Gezer pueblotaca macanacushpa quichushca carca. Chai pueblota rupachishpami, chaipi causac cananeocunatapish huañuchishca carca.

JOSUÉ 10:33

Chaimantami Gezer pueblota jatun mandac Horamca Laquis pueblopi causaccunata ayudangapac rirca. Ashtahuanpish Josueca paitapish, paipac macanacuc runacunatapish tucuimi huañuchirca.

JOSUÉ 16:10

Shina cacpipish, Efrainpac ailluca Gezer pueblopi causac cananeocunataca mana llucchishpa cacharcachu. Chaimantami cananeocunaca impuestota cushpa cunancaman paicunapac chaupipi causancuna.

JUECES 1:28

Shina cashpapish israelcunaca ashtahuan mirashpa, achca tucushpami cananeocunamanta impuestota chasquishpa charirca. Paicunataca mana llucchishpa cachai pudircacunachu.

JUECES 1:30

Shinallatac Zabulón aillupish Quitrón pueblopi, Nahalal pueblopi causac cananeocunataca mana llucchishpa cachai pudircachu. Chai runacunaca paicunapac chaupillapitacmi impuestota cushpa causarca.