JUECES 1:28 - Dios Rimashcata Quillcashcami

²⁸ Shina cashpapish israelcunaca ashtahuan mirashpa, achca tucushpami cananeocunamanta impuestota chasquishpa charirca. Paicunataca mana llucchishpa cachai pudircacunachu.

JUECES 1:28 Iomraidhean Croise

GÉNESIS 9:25

Chaimantami paica: «Canaán, mana alli nishcami cangui. Cambac huauquicunata serviccunamantapish yalli yanga servicmi cangui» nirca.

GÉNESIS 9:26

Cutinllatac rimashpaca: «Ñucata Mandac Dioslla, ñuca churi Semca alli nishca cachun. Canaanca paita servic cachun.

1 REYES 9:21

Chai gentecunapac huahua huahuacunaca israelcuna chai llactata japishpa, mana tucui tucuchi pudicpi, chai llactapi saquirishpa mirarishcacunami carca. Paicunatami Salomonca cunan punzhacaman impuestota pagachishpa, servichishpa charin.

PROVERBIOS 12:24

Alli trabajac runaca mandashpami causanga. Ashtahuanpish quilla runaca mandashcallami causanga.

DEUTERONOMIO 20:11

Chai llactapi causaccuna cushi causaimanta parlashun nishpa llacta punguta pascacpica, chaipi tucui causaccunami cancunaman impuestota pagashpa, servishpa causanga.

JOSUÉ 17:13

Shina cacpipish, israelcunaca ashtahuan sinchi tucushpami, cananeocunataca impuestota pagachishpa causarca. Chai llactamantaca mana tucui llucchishpa cacharcachu.

JUECES 1:27

Manasés ailluca Bet-seán, Taanac, Dor, Ibleam, Meguido pueblopi causaccunatapish, chai ladopi tiyac uchilla llactacunapi causaccunatapish mana llucchishpa cachai pudircachu. Chaimantami cananeocunaca chai llactallapitac causashpa catirca.

JUECES 1:29

Efraín aillupish Gezer pueblopi causac cananeocunataca mana llucchishpa cachai pudircachu. Ashtahuanpish paicunapac chaupillapitacmi Gezer pueblopi causarca.

1 SAMUEL 14:24

Shina macanacuita mishashca cacpipish Saulca: «Ñucaca, ñucata piñaccunata paicuna llaquichishca shina, manarac tutayacpi llaquichingacaman mana micushachu. Maijanpish micuctaca mana alli nishcami canga» nishpami ari nichishca carca. Chaimantami tucui gentecuna imatapish mana micushpa yalli yarcaihuan huañunalla carca.