JUECES 1:27 - Dios Rimashcata Quillcashcami

²⁷ Manasés ailluca Bet-seán, Taanac, Dor, Ibleam, Meguido pueblopi causaccunatapish, chai ladopi tiyac uchilla llactacunapi causaccunatapish mana llucchishpa cachai pudircachu. Chaimantami cananeocunaca chai llactallapitac causashpa catirca.

JUECES 1:27 Iomraidhean Croise

1 REYES 9:21

Chai gentecunapac huahua huahuacunaca israelcuna chai llactata japishpa, mana tucui tucuchi pudicpi, chai llactapi saquirishpa mirarishcacunami carca. Paicunatami Salomonca cunan punzhacaman impuestota pagachishpa, servichishpa charin.

2 REYES 23:29

Jatun mandac Josías mandacui punzhacunami Egipto llactata jatun mandac Necaoca Asiria llactata jatun mandac-huan Eufrates jatun yacu ladoman rirca. Shina ricpimi, jatun mandac Josiasca paihuan tupangapac rirca. Ashtahuanpish Necaoca paita ricushcahuanmi Meguido pambapi huañuchirca.

2 REYES 9:27

Chaita ricushpami, Judá llactata jatun mandac Ocoziasca huerta chaupipi tiyac huasiman rina ñanta miticushpa callparca. Chashna callpacpimi Jehuca: «¡Paitapish huañuchi!» nishpa catirca. Chaimantami Ibleam pueblo ladollapi tiyac Gur huichaita carretapi callpacucpi chugrichirca. Ocoziasca Miguido pueblomanmi miticushpa callparca. Ashtahuanpish chaipimi huañurca.

ÉXODO 23:32

Paicunahuanpish, paicunapac dioscunahuanpish imata ruhuangapac ama ari ninacunguichu.

JEREMÍAS 48:10

¡Mandac Dios ruhuachun nishcata mana alli ruhuacca mana alli nishca cachun! ¡Jatun macanacuita cachacpi, mana huañuchishpa cutic runapish mana alli nishca cachun!

DEUTERONOMIO 7:2

Mandac Dios chai llactapi causaccunata cancunapac maquipi churacpimi, tucuita tucuchinguichic. Paicunahuan ama ari ninacunguichicchu, paicunata ama llaquinguichicchu.

JOSUÉ 21:25

Manasespac chaupi aillupac llactamantaca Taanac, Gat-rimón pueblocunatami michina pambacunandi curca. Tucuica ishcai pueblocunatami curca.

JUECES 1:1

Josué huañushca quipami, israelcunaca Mandac Diostaca: —¿Ñucanchicpuramanta cananeocunahuan macanacungapacca maijanta puntaca rina canchic?— nishpa tapurcacuna.

JUECES 1:21

Shina cacpipish, Benjamín ailluca Jerusalenpi causac jebuseocunataca mana llucchishpa cachai pudircachu. Chaimantami jebuseocunaca Benjamín ailluhuan cunancaman chaillapitac causancuna.

JUECES 1:26

Chai runaca heteocuna causana llactaman rishpami shuc pueblota ruhuashpa, Luz shutita shutichirca. Chai shutimi cunan punzhacaman can.

JUECES 1:28

Shina cashpapish israelcunaca ashtahuan mirashpa, achca tucushpami cananeocunamanta impuestota chasquishpa charirca. Paicunataca mana llucchishpa cachai pudircacunachu.

JUECES 5:19

Canaán llactata jatun mandaccunaca Miguido yacu ladopi tiyac Taanac pueblopimi macanacungapac shamurca. Shina macanacushpa atishpapish ima cullquita mana aparcachu.

1 SAMUEL 15:9

Saulpish, paipac soldadocunapish Agagtaca mana huañuchircachu. Shinallatac alli ovejacunatapish, huagracunatapish, tucui huira animalcunatapish, cari ovejacunatapish, tucui allicunataca mana tucuchishpami imapish mana valic yangacunallata tucui tucuchirca.

1 SAMUEL 31:10

Shinallatac Saulpac macanacunataca Astarot huarmi diospac huasipi churashpa, paipac cuerpotaca Bet-sán pueblo pirca cuchupimi huarcurcacuna.