JUECES 1:15 - Dios Rimashcata Quillcashcami

¹⁵ Shina nicpimi paica: —Ñuca mañashcata uyaiyari. Neguev allpata cushpaca yacucunatapish cuiyari— nirca. Shina nicpimi, Calebca yacu llucshicuc junducunataca jahuapipish, urapipish curca.

JUECES 1:15 Iomraidhean Croise

GÉNESIS 33:11

Cai convidanacunata apamushcataca chasquiyari. Diosca ñucamanca achcata cushpami, ñucataca chayucyachirca. Imapish mana illanchu— nirca. Jacoboca chashnami Esaú chasquingacaman mañacurcalla.

2 CORINTIOS 9:5

Chaimantami cai huauquicunarac ricungapac rishpa, cancuna alli shunguhuan ñaupaman ayudasha nicushcata tandachinacuchun, cachana alli caipac cacpi ñaupachishpa cachani. Chashna ruhuacpimi mana ñucanchic nishcallamanta, ashtahuanpish cancuna cuna munaihuan cushcaca yacharinga.

HEBREOS 6:7

Allpaca achca tamya urmacpica, yacuta sungashpa trabajac runaman alli granota pucushpa cunmi. Chashnami Dios bendiciashcata japincuna.

JOSUÉ 15:19

Shina nicpimi paica: —Ñuca mañashcata uyaiyari. Neguev allpata cushpaca yacu allpatapish cuiyari— nirca. Shina nicpimi, Calebca jundu yacu tiyac allpata uramanpish, jahuamanpish curca.

1 PEDRO 3:9

Shuccuna mana allita ruhuacpipish, ama cancunapish chai shinallatac ruhuaichicchu. Camishpa rimacpipish, ama cancunapish camishpa rimaichicchu. Chaipac randica Dios allicunata cuchun nishpa munaichic. Diosca allicunata chasquichunmi, cancunataca cayarca.

JUECES 1:14

Paihuan ricucpimi Otonielca paipac huarmitaca: “Cambac taita allpata cuchun mañai” nishpa, huarmitaca cunarca. Acsa burromanta uricucpimi Calebca: —¿Imatatac ningui?— nirca.

JUECES 1:16

Moisespac suegro Ceneopac huahuacunami palmacuna tiyac pueblomanta Judá ailluhuan, Judá shitashca pambaman rirca. Chai pambaca Arad pueblo ladollapi cac Neguev pambami carca. Paicunaca chai gentecunahuanmi causangapac saquirirca.

1 SAMUEL 25:18

Shina nicpimi, Abigaíl huarmica utcashpa ishcai patsac tandata, ishcai puñu vinota, pichca oveja aicha cusashcata, chaupi quintal camchata, patsac racimo uvasmanta ruhuashca tortillata, chaquishca higomanta ruhuashca ishcai patsac tandata burrocunapi apachirca.

1 SAMUEL 25:27

Cunanca, ñuca mandacman carangapac canta servic ñuca apamushcata chasquishpa, ñucata mandacta catishpa puric runacunaman carai.