JUECES 1:10 - Dios Rimashcata Quillcashcami

¹⁰ Chaimanta rishpaca, Hebronpi causac cananeocunahuan macanacushpami, Sesai, Ahimán, Talmai mandaccunatapish huañuchirca. Utcapica Hebronca Quiriat-arba shutimi carca.

JUECES 1:10 Iomraidhean Croise

GÉNESIS 23:2

Saraca Canaanpi tiyac Quiriat-arba nishca Ebrón llactapimi huañurca. Chashna huañucpimi, Abrahamca yallita llaquirishpa huacangapac shamurca.

GÉNESIS 37:14

Chashna nicpimi, taita Israelca: —Cunanca, cambac huauquicunatapish, ovejacunatapish ima shina cashcata ricushpa, ñucaman huillangapac cutimugri— nirca. Chashna nishpami, taita Israelca paipac churi Josetaca Hebrón pambamantaca Siquemman cacharca.

ECLESIASTÉS 9:11

Inti achicyachicuc cai pachapica caitapish ricurcanimi: Jatun callpaipica mana sinchi callpaccunachu mishan. Macanacuipipish mana sinchicunachu mishan. Micunatapish mana yachaccunallachu micun. Mana yuyaisapacunallachu chayucyan. Mana allita rimaccunallachu alli nishca can. Ashtahuanpish tucuimanmi alli punzhapish, mana alli punzhapish shamun.

JEREMÍAS 9:23

Mandac Diosca: «Yachac runapish, pai yachashcamantaca ama allimi cani nichun. Sinchi runapish, sinchi cashcamanta ama allimi cani nichun. Chayuc runapish, chayuc cashcamantaca ama jatun tucuchun.

NÚMEROS 13:22

Neguevta huichai rishpaca, Anacpac huahua huahua Ahimán, Sesai, Talmai causana Hebronmanmi chayarca. Hebronca Egiptopi cac Zoán llacta manarac tiyacpi, canchis huata ñaupaman ñami tiyashca.

NÚMEROS 13:33

Chashnallatac Anacpac manchana jatun churicunatapish ricurcanchicmi. Paicunaca yalli jatuncunami. Paicunahuan chimbapuracpica, ñucanchicca shuc curu shinallami carcanchic. Paicunapish ñucanchictaca chashnallatacmi ricurca— nirca.

JOSUÉ 10:36

Chai quipaca Josuepish, tucui israelcunapish Eglón pueblomantaca Hebrón puebloman huichai rishpami chaipi causaccunahuan macanacurca.

JOSUÉ 14:15

Hebrón pueblopi utca huatapica anaquitapuramanta mai jatun Arbami causarca. Chaimantami utca huatapica chai puebloca Quiriat-arba shuti carca. Shinami chai llactapi mana macanacui tiyacpi samarirca.

JUECES 1:20

Moisés nishca shinallatacmi Hebrón pueblotaca Calebman curca. Chai pueblomantami paica Anacpac quimsa churicunata llucchishpa cacharca.

JUECES 1:9

Chai quipaca Judá ailluca urcucunapi, Neguev pambacunapi, Sefela pambacunapi causac cananeocunahuanmi macanacugrirca.