SAN JUAN 8:48 - Dios Rimashcata Quillcashcami

⁴⁸ Chaimantami mandac israelcunaca Jesustaca: —Ñucanchic: “Canca Samaria llactamantami cangui, shinallatac supaihuanmi cangui” nishpaca, allitami nishcanchic— nirca.

Nuevo Testamento en Quichua Cañar 1996

⁴⁸ Chaimantami mandac israelcuna*f** Jesustaca: —‘Canca Samaria llactamantami cangui, shinallatac supaihuanmi cangui’ nishpaca, allillatacmi nishcanchic— nircacuna.

SAN JUAN 8:48 Iomraidhean Croise

ISAÍAS 49:7

Israelcunata quishpichic, jucha illac Diosmi shuctac llactacuna mana ricunayachishpa millana servic gentecunata: «Mandac Dios ñuca cancunata acllashcamanta, pactachic, jucha illac Dios cashcamantami jatun mandaccunapish, shamushpa cancunapac ñaupapi cumuringa» ninmi.

ISAÍAS 53:3

Gentecunapac mana ricunayachishca, millashcami carca. Paica yalli nanaihuanpish, llaquihuanpishmi carca. Paita mana ricusha nishpami shuc ladota ricuc carcanchic. Paitaca yangalla cashcata yuyashpami, mana ricunayachircanchic.

SAN MATEO 10:25

Yachacuc yachachic shina tucushpaca, allimi canman. Servicpish amo shina tucushpaca, allimi canman. Huasipi taita shina ñucata ‘supaicunata mandac Beelzebumi’ nishpaca, cancunatacarin, ¡imatachari ningacuna!

SAN MATEO 10:5

Chai chunga ishcai yachacuccunata Jesús cachashpaca: «Mana israelcunapacmanca ama ringuichicchu. Samaria llacta pueblocunamanpish ama yaicunguichicchu.

SAN MATEO 11:18

Vinotapish mana ubiac, mana achcata micuc Juan shamucpica: “Paica supaihuanmi” ninguichicmi.

SAN MATEO 12:24

Chaita uyashpami fariseocunaca: «Cai runaca supaicunata mandac Beelzebuhuan cashpami, supaicunataca llucchishpa cachan» nircacuna.

SAN MATEO 12:31

Chaimantami cancunataca: Ima juchata ruhuashcatapish, camishcatapish Diosca perdonangami. Ashtahuanpish Diospac Espirituta camishpa rimactaca, Diosca manatac perdonangachu.

SAN MATEO 15:7

¡Cancunaca mishqui shimi, jayac shungucuna! Dios ima nishcata huillac Isaías cancunamanta huillashpaca, allitami nirca. Paica:

SAN JUAN 1:19

Juan pi cashcata yachangapacmi Jerusalén pueblomanta curacunatapish, curacunata ayudac levitacunatapish tapuchun cacharca.

SAN JUAN 10:20

Paicunapuramanta taucacunami: —¿Ima nishpatac paita uyanguichic? Paica supaihuanmi, shinallatac yuyai illacmi— ninacurca.

SAN JUAN 13:13

Cancuna ñucata ‘Yachachic’ shinallatac ‘Apunchic Jesús’ nishpaca, allitami ninguichic. Chaica, chaimi cani.

SAN JUAN 4:9

Samaria huarmica Jesustaca: —¿Ima shinatac canca israelcunapura cashca jahua ñucaman yacuta mañangui? Ñucaca Samaria huarmimi cani— nirca. (Israelcunaca Samaria llactapi causaccunahuanca mana apanacucchu carca).

SAN JUAN 7:20

Shina nicpimi gentecunaca: —¡Supai japishcami cangui! ¿Pitac cantaca huañuchisha nicun?— nirca.

SAN JUAN 8:22

Chaita uyashpami mandac israelcunaca: —¿Pai: “Ñuca ricushcamanca mana ri pudinguichicchu” nishpaca, paillatac huañunamantachu nicun?— ninacurca.

SAN JUAN 8:52

Shina nicpimi, mandac israelcunaca: —Cunancarin supaihuan cashcata yachanchictacmi. Abrahampish, Dios ima nishcata huillaccunapish huañurcami. Shina cacpica, ¿ima nishpatac canca “maijanpish ñuca nishcata cazuccunaca mana huañungachu” ninguiyari?

ROMANOS 15:3

Cristopish mana quiquinlla alli canata munarcachu, ashtahuanpish Dios quillcachishcapica: «Canta camishpa rimashpaca, ñucatami riman» nishcami.

HEBREOS 13:13

Chaimanta ñucanchicpish Jesús shinallatac pingai tucushpa, llaquita apangapac pueblomanta llucshishunchic.

SANTIAGO 2:19

Canca shuclla Dios tiyashcatami cringui. Shina crishpaca, allitami ruhuangui. Supaicunapish crincunami, shinallatac manchaihuanmi chucchuncuna.