SAN JUAN 8:33 - Dios Rimashcata Quillcashcami

³³ Shina nicpimi paicunaca: —Ñucanchicca Abrahampac huahua huahuacunami canchic. Jaicapi huatashca shina servicca mana canchicchu. ¿Ima nishpatac cacharichingami ninguiyari?— nirca.

Nuevo Testamento en Quichua Cañar 1996

³³ Shina nicpi paicunaca: —Ñucanchicca ñaupa taita Abrahampac huahua huahuacunami canchic. Jaicapi pipac huatashca mana canchicchu. ¿Ima nishpatac canca cacharichingami ninguiyari?— nircacuna.

SAN JUAN 8:33 Iomraidhean Croise

GÉNESIS 15:13

Mandac Diosca Abramtaca: —Caitami alli yachana cangui. Cambac huahua huahuacunaca shuctac llactapimi causagringa. Chaipimi catushca shina servinga. Chai llactapica chuscu patsac huatatami llaquita causanga.

ESDRAS 9:9

Ñucanchic chashna servishpa causacucpipish, ñucanchic Dioslla, mana saquishpami, Persia llactata jatun mandacpac ñaupapipish ñucanchicta llaquishcata ricuchircangui. Cambac huasi tigrashcata, urmashcata cutin shayachichunmi causaita curcangui. Judá llactapipish Jerusalenpipish cuidashcanguimi.

LEVÍTICO 25:42

Paicunaca ñucata serviccunami. Ñucaca Egipto llactamantami paicunataca llucchimurcani. Chaimantami huatashca shina causachunca, mana catushca cana can.

SAN MATEO 3:9

Ama cancunapac shungupi: “Ñucanchicca Abrahampac huahua huahuacuna cashcamantaca quishpirishunllami” nishpa, ama yuyacuichicchu. Ashtahuanpish ñucaca: Diosca cai rumicunatapish Abrahampac huahua huahuacunata ruhuanmanllami.

SAN LUCAS 3:8

Grano allita pucucuc shina, Diosman cutirishca cashcataca ricuchichicyari. Ama cancunapac shungupi: “Abrahampac huahua huahuacuna cashcamantaca quishpirishunllami” nishpa yuyacuichicchu. Ñucaca ninmi: Dios cai rumicunatapish Abrahampac huahua huahuacunata ruhuanmanllami.

SAN JUAN 19:25

Jesusta chacatashca cuchupica paipac mamapish, paipac mamapac ñañapish, Cleofaspac huarmi Mariapish, Magdala pueblomanta Mariapishmi carca.

SAN JUAN 8:37

Cancuna Abrahampac huahua huahuacuna cashcataca yachanimi. Chashna cacpipish, ñuca yachachishcata mana entendishpami, ñucataca huañuchishun nicunguichic.

SAN JUAN 8:39

Shina nicpimi paicunaca: —Ñucanchic taitaca Abrahammi— nirca. Shina nicpimi Jesusca: —Cancuna Abrahampac huahuacuna cashpaca, Abraham ruhuashcatachari ruhuanguichicman.

SAN JUAN 8:43

¿Ima nishpatac ñuca rimashcataca mana entendinguichic? Ñuca rimashcata mana uyashun nishpami, mana entendinguichic.

ROMANOS 9:7

Abrahampac huahua huahuacunapish mana tucui paipac huahuacunatac cashcamantami chashna nini. Ashtahuanpish Diosca Abrahamtaca: «Cambac churi Isaacpac huahua huahuacunallami cambac huahuacuna canga» nishcami.

JUECES 2:18

Juezcunata churashpaca Mandac Diosca paicunahuanmi carca. Chaimantami tucui juezcuna causacui punzhapica paicunata piñaccunapac maquimanta quishpichirca. Mandac Diosca paicunata llaquichicpi, cuyaillata huacacpimi, israelcunataca quishpichirca.

JUECES 3:8

Chaimantami Mandac Diosca nina japiric shina piñarishpa, israelcunataca Mesopotamia llactata mandac Cusan-risataimpac maquipi churarca. Chaipimi paicunaca pusac huatata servirca.

JUECES 4:3

Jatun mandac Jabinca iscun patsac fierro carretatami charirca. Shinallatac ishcai chunga huatatami yallita llaquichirca. Chaimantami israelcunaca Mandac Diosta caparishpa mañarcacuna.