SAN JUAN 8:32 - Dios Rimashcata Quillcashcami

³² Chashnami cashcata nic cashcata ricsinguichic. Chai cashcata nic rimashcami cacharichinga— nirca.

Nuevo Testamento en Quichua Cañar 1996

³² Chai rimashcaca cashcata nic cashcatapish ricsinguichicmi. Chai cashcata nic rimashcami huatashca shina caccunataca cacharichinga— nirca.

SAN JUAN 8:32 Iomraidhean Croise

SALMOS 119:45

Can mandashcacunata tucui yuyaihuan mashcashcamantaca, pi mana llaquichishcami purisha.

SALMOS 25:5

Ñucata quishpichic Dioslla, cantami punzhanta shuyani. Cashcata ruhuanata yachachic ñanpi churashpa yachachiyari.

PROVERBIOS 1:23

¡Ñuca rimashcata uyashpa cutimuichicyari! ¡Riqui, ñuca rimashcacunata yachacuchunmi munani! ¡Cancunapac jahuapica ñuca Espiritutami tallic shina cachasha!

PROVERBIOS 1:29

Alli yachaita piñashpami, Mandac Diosta mana manchasha nircacuna.

PROVERBIOS 4:18

Ashtahuanpish cashcata ruhuaccunapac ñanca achicyamucucmanta chaupi punzhacaman achicyacuc luz shinami.

ISAÍAS 2:3

Achca gentecuna shamushpaca: «Mandac Dios munashca shina causanata yachachicpi, allita yachacushpa, paipac alli ñanta catingapac paipac urcuman rishunchic. Jacobopac Diospac huasiman jacuchic» ningami. Chaica Sión llactamantami mandashcacunaca llucshinga. Jerusalenmantami Mandac Dios rimashcaca llucshinga.

ISAÍAS 30:21

Chaimantami huashamanta cancunapac ringripica: «¡Caitami ñanca, caita purichic! Caimantaca alli ladomanpish, lluqui ladomanpish ama ladoyanguichicchu» nishcami uyaringa.

ISAÍAS 35:8

Chaipica chaqui ñanmi tiyanga. Chai ñantaca jucha illac ñan ningacunami. Chai ñantaca juchayuc runapish, yuyai illacpish mana puringachu. Chai ñantaca Mandac Dios munashca shina causaccunallami puringa.

ISAÍAS 54:13

Cambac huahuacunataca Mandac Dios ñucami yachachisha. Cambac huahuacunaca ashtahuan cushi causaitami causanga.

ISAÍAS 61:1

Mandac Diosmi ñucataca aceitehuan cahuirca. Chaimantami paipac Espíritu ñucapica causan. Ñucataca llaquilla causaccunaman alli huillaita huillachun, shungu paquirishcacunata ayudachun, prezumanta llucchinata huillachun, carcelpi tiyacuccunaman paicuna llucshina chayamucushcata huillachunmi cacharca.

JEREMÍAS 6:16

Mandac Diosca: «Ñancunapi shayarishpa ricuichicyari. Ñaupa ñancunata tapushpa, maijan ñan alli cashcata acllashpa purichicyari. Chashna ruhuacpica, cancunapac alma samaringami» nirca. Shina nicpipish cancunaca: «Chai ñantaca mana purishunchu» nircanguichicmi.

OSEAS 6:3

Mandac Diosta mashcashpa, paimanta yachacushunchic. Paica tutamanta inti llucshishpa achicyachic shinami ñucanchicpacman shamunga. Punta tamya, quipa tamya allpapi urmac shinami ñucanchicpacman shamunga» nincuna.

LEVÍTICO 25:41

Chai huata pactashca quipaca cambac huasita saquishpami, huahuacunata pushashpa, paipac familiapacman rishpa, paipac taitacunapac allpapi causanga.

MALAQUÍAS 4:2

Ashtahuanpish ñuca shutita manchac cancunamanca cashcata ruhuac intimi llucshinga. Paipac alascunapimi quishpirinataca apamunga. Chaimantami becicuna chuchushca quipa saltashpa llucshic shina saltanguichic.

SAN MATEO 11:29

Yugota apac shina, ñucata catichic, ñucamanta yachacuichic. Ñucaca mana piñaric, alli shungumi cani. Samaringuichicmi.

SAN JUAN 1:14

Chai Rimashca Shimillatacmi runa tucushpa, ñucanchic-huan causarca. Paica yallita cuyac, cashcata nicmi. Paica Diospac shuclla Churi cashpami, yalli poderyuc carca. Chashna cactami ricurcanchic.

SAN JUAN 1:17

Diosca, pai mandashcacunata ricuchichunca, Moisestami cacharca. Ashtahuanpish Dios cuyac, cashcata nic cashcataca, Jesucristo cachashpami ricuchirca.

SAN JUAN 14:6

Shina nicpimi Jesusca: —Ñucami cashcata nicpish, ñanpish, causaita cucpish cani. Maijanpish ñucallamantami Diospacman chayanga.

SAN JUAN 16:13

Cashcata nic Diospac Espíritu shamushpaca, mana paipac munaillamantachu rimanga, ashtahuanpish imata uyashcallatami huillanga. Chaimantami cashcata ruhuanata yachachinga. Shinallatac tucui imalla tucugricushcatapish yachachinga.

SAN JUAN 17:17

Paicunata cambaclla cachun cambac rimashca shimihuan millaimanta huacaichingui. Canca cashcata nicmi cangui.

SAN JUAN 6:45

Dios ima nishcata huillaccuna quillcashcapica: “Tucuimi Dios yachachishca canga” nin. Chaimantami, maijanpish Dios ima nishcata uyashpa, paimanta yachacucca, ñucapacman shamunga.

SAN JUAN 7:17

Maijanpish Dios munashcata ruhuanata munaccunami, ñuca yachachishcaca ñuca munaimanta cashcata, mana cashpaca Diosmanta cashcata yachac chayancuna.

SAN JUAN 8:36

Chaimanta Diospac Churi cancunata huatashca shinamanta cacharichicpica, cacharishcatacmi canguichic.

ROMANOS 6:22

Cunan juchamanta Dios cacharichicpica, paita serviccunami canguichic. Chaimantaca Diospaclla chicanyarishpa, huiñai causaitami japircanguichic.

ROMANOS 8:15

Cancunaca mana cutinllatac manchaita cuc, huatashca shinata charic espiritutachu chasquircanguichic, ashtahuanpish Diospac huahuata ruhuac Espiritutami chasquircanguichic. Chai Espiritumantami: «Ñuca Taitalla» nishpa mañanchic.

ROMANOS 8:2

Chaica, Jesucristohuan shuc shinalla tucucpimi, Diospac Espirituca jucha mandashpa charinamantapish, huañuimantapish cacharichirca.

1 CORINTIOS 7:22

Maijan servic cashpapish, Apunchic Jesusta crishpaca, ña mana servicchu can, ashtahuanpish cunanca Apunchic Jesusta servicmi. Maijan mana servic cashpapish, cunanca Apunchic Jesusta servicmi.

GÁLATAS 5:1

Ama huatashca shina causachunmi, Cristoca ñucanchicta cacharichirca. Shina cashcamanta ama cutinllatac huatashca shina tucunata yuyaichicchu.

GÁLATAS 5:13

Cuyashca criccuna, cancunataca ña ama huatashca shina causachunmi cayarca. Cunanca “ña mana huatashca shinachu canchic” nishpaca, imapish mana alli munaicunataca ama ruhuanguichicchu. Chaipac randica caishuc chaishuc-huan cuyanacushpa, ayudanacushpa causaichic.

2 TIMOTEO 3:7

Paicunaca punzhanta yachacushpapish, cashcata nic yachachishcataca mana yachac chayancunachu.

SANTIAGO 1:25

Ashtahuanpish huatashca shina cashcamanta cacharichic, Dios mandashpa rimashca shimita uyashpa, mana cungarishpa, shungupi huacaichicca imata ruhuashpapish cushicungami.

SANTIAGO 2:12

Ñucanchicta huatashca shinamanta cacharichic mandashcapi nishca shinami, Diosca taripanga. Shina cashcamanta imatapish allita rimaichic, allita ruhuaichic.

1 PEDRO 2:16

Huatashcamanta cacharichishca shina caichic. Shina cashpapish chaipi achacarishpalla ama ima millaitapish ruhuaichicchu. Chaipac randica Diospacta ruhuaccuna shina causaichic.

2 JUAN 1:1

Ñucaca criccunata pushac cashpami, Dios acllashca tandanacushca criccunamanpish, mashnalla chaipi caccunamanpish tucui ñuca cuyaihuan caita quillcani. Mana ñucallachu cuyani, ashtahuanpish tucui mashnalla cashcata nic huillashcata uyashpa criccunami cuyancuna.