SAN JUAN 8:12 - Dios Rimashcata Quillcashcami

¹² Cutinllatac Jesusca israelcunataca: —Ñucami tucui cai pachapi causaccunapac achicyachic luz cani. Maijanpish ñucata caticca mana amsapi puringachu, ashtahuanpish causaita cuc luztami charinga— nirca.

Nuevo Testamento en Quichua Cañar 1996

¹² Jesusca israelcunaman*f** cutin huillashpaca: —Ñucaca cai pachapi causaccunata achicyachic luzmi cani. Maijanpish ñucata c'aticca mana amsapi puringachu, ashtahuanpish causaita cuc luztami charinga— nirca.

SAN JUAN 8:12 Iomraidhean Croise

JOB 33:28

Diosmi paitaca enterrana jutcumanta quishpichinga. Shina cacpica, achicta ricushpami paica causanga.

SALMOS 18:28

Mandac Dioslla, canmi ñuca lamparataca japichishpa charingui. Ñucata Mandac Dios canmi amsapi cacpipish achicyachingui.

SALMOS 49:19

huañushpaca paipac ñaupa taitacunahuanmi tandanacugringa. Chashna tucushpaca achic punzhataca jaicapi mana ricungachu.

SALMOS 97:11

Cashcata ruhuaccunapacca luzca tarpushca shinami tiyacun. Shungupi millai yuyaita mana chariccunapacca cushicunaca tarpushca shinami tiyacun.

ISAÍAS 49:6

Paica: «Jacobopac aillucunata, maijan saquirishca israelcunata cutin allichishpa, ñucata servinaca ñucamanca ashallami. Ashtahuanpish ñuca tucui cai pachapi causaccunata quishpichichun, llactacunapi causaccunapac luz cachunmi cantaca acllarcani» ninmi.

ISAÍAS 50:10

Cancunapuramantaca, ¿pitac Mandac Diosta manchashpa, paita servic huillashcatapish uyaccuna canguichic? Luz illac cashcamanta amsa purapi puricushpaca Mandac Diospac shutipi shunguta churaichic. Paipac maquipi chariraichic.

ISAÍAS 9:2

Tutapi causaccunaca jatun luztami ricurca. Huañunalla llandupi causaccunataca luzmi achicyachirca.

OSEAS 6:3

Mandac Diosta mashcashpa, paimanta yachacushunchic. Paica tutamanta inti llucshishpa achicyachic shinami ñucanchicpacman shamunga. Punta tamya, quipa tamya allpapi urmac shinami ñucanchicpacman shamunga» nincuna.

MALAQUÍAS 4:2

Ashtahuanpish ñuca shutita manchac cancunamanca cashcata ruhuac intimi llucshinga. Paipac alascunapimi quishpirinataca apamunga. Chaimantami becicuna chuchushca quipa saltashpa llucshic shina saltanguichic.

SAN MATEO 5:14

Cancunaca cai pachapi causaccunapacca, luz shinami canguichic. Urcu jahuapi tiyac huasicunaca, mana pacallachu.

SAN LUCAS 2:32

Mana israelcunamanca, achicyachic luz shinami canga. Pai acllashca israelcunapacca mandacmi canga» nirca.

SAN JUAN 12:35

Chaimantami Jesusca: —Asha punzhacamanllami Achicyachicca cancunahuan canga. Achicyachic cancunahuan cashcacamanca, achicpi purichic. Amsapi puricca maiman ricushcatapish mana yachanchu.

SAN JUAN 12:36

Cancunahuan Achicyachic cacpirac Achicyachicta crichic. Chashnami Achicyachicpac huahua canguichic— nirca. Shina nishca quipaca, Jesusca paicunapacmanta rishpa chingarircallami.

SAN JUAN 12:46

Maijanpish ñucata cricca ama amsapi cachunmi, ñucaca achicyachic luz shina cai pachaman shamurcani.

SAN JUAN 14:6

Shina nicpimi Jesusca: —Ñucami cashcata nicpish, ñanpish, causaita cucpish cani. Maijanpish ñucallamantami Diospacman chayanga.

SAN JUAN 3:19

Paicunapac mana alli ruhuacushcacuna ama ricurichunmi Achicyachic shamucpica, mana munashpa amsapi causanallata ashtahuan munarca. Chaimantami juchanchishca canga.

SAN JUAN 7:17

Maijanpish Dios munashcata ruhuanata munaccunami, ñuca yachachishcaca ñuca munaimanta cashcata, mana cashpaca Diosmanta cashcata yachac chayancuna.

SAN JUAN 9:5

Cai pachapi cashcacamanca, cai pachapi causaccunata achicyachic luzmi cani— nirca.

HECHOS 13:47

Mandac Diosca ñucanchicta mandashpaca: “Mana israelcunaman luz shina achicyachichunmi churarcani. Tucui cai pachapi causaccunapish can huillashcamanta quishpirichunmi, churarcani” nishcami— nircacuna.

HECHOS 26:23

Paicunaca: “Quishpichic Cristoca llaquita apashpami huañunga. Shina cashpapish, pairacmi huañushcacunapuramanta causaringa. Israelcunamanpish, mana israelcunamanpish achicyachic luz shinami quishpirinamanta huillanga” nishpami, huillashca carca— nirca.

2 PEDRO 2:17

Chai pandata yachachiccunaca yacu illac jundu, shinallatac puyuta huaira apashca shinacunami. Shina cashpami, paicunaca huiñaicaman jatun amsapi shitashca cangapac cancuna.

2 PEDRO 2:4

Diosca paipac angelcuna juchallicpipish mana perdonarcachu, ashtahuanpish ucu pacha amsapimi shitarca. Chaipimi paicunaca Dios taripashpa llaquichina punzhacaman cadenahuan huatashca shuyacun.

1 JUAN 1:6

Paihuanca shucllami canchic nishpapish, amsallapitac causacushpaca, llullanchicmi, shinallatac pai nishcataca mana ruhuanchicchu.

SAN JUDAS 1:13

Paicunapac pinganayaita mana allita ruhuashcacunaca, mama cuchata huaira caiman chaiman shitacpi, puscuta shitashca shinami can. Lucerocuna ñanta chingachishca shinami cancuna. Paicunamanca yallita amsa pachami huiñaicaman huacaichishca tiyacun.

SAN JUDAS 1:6

Shinallatac angelcunatapish, paicuna mandacushca jahua sumac causanata shitashpa rishcamantaca, amsa pachapimi tucuri punzhapi taripashpa llaquichingapac huiñaita huatashpa charicun.

APOCALIPSIS 21:24

Chai pueblo achicyachicpimi, tucui llactacunapi causaccunaca achicpi puringacuna. Shinallatac cai pachapi causac jatun mandaccunapish tucui ima charishcacunatami chaimanca apangacuna.