SAN JUAN 7:7 - Dios Rimashcata Quillcashcami

⁷ Cai pacha gentecunaca cancunataca mana piñanchu, ashtahuanpish paicuna mana allita ruhuashcata ñuca huillashcamantami, ñucataca piñancuna.

Nuevo Testamento en Quichua Cañar 1996

⁷ Cai pachapi causaccunaca cancunataca mana p'iñanchu, ashtahuanpish paicuna mana allita ruhuashcata ñuca huillashcamantami, ñucataca p'iñancuna.

SAN JUAN 7:7 Iomraidhean Croise

1 REYES 21:20

Acabca Eliasta ricushpaca: —Ñucahuan mana alli cac runami caipi tupangapac shamushcangui— nirca. Shina nicpimi Eliasca: —Canllatac caturic shina, Mandac Diospac ñaupapi mana allita ruhuashcamantami canhuan tupangapac shamuni.

1 REYES 22:8

Shina nicpi, Israel llactata jatun mandacca Josafattaca: —Mandac Dios ima nishcata huillac shuc runaca tiyanracmi. Paica Imlapac churi Micaiasmi. Paica allitaca mana huillanchu ashtahuanpish mana allitami huillan. Chaimantami paitaca mana ricunayan— nirca. Shina nicpimi Josafatca: —Jatun mandac, ama chashna nichu— nirca.

SALMOS 109:5

Paicunaman allita ruhuacpipish, ñucamanpish mana allitami ruhuarca. Paicunata cuyacpica, yallitami ñucataca mana ricunayachirca.

PROVERBIOS 15:12

Burlashpa asic runaca paita cunactaca piñanmi. Yachaisapacunahuanca mana tandarinchu.

PROVERBIOS 8:36

Ashtahuanpish ñucamanta caruyacca paillatacmi causaita chingachin. Ñucata tucui piñaccunaca huañuitami cuyacun» nishpami caparicun.

ISAÍAS 29:21

shuccunata juchallichiccunapish, llacta pungupi cancunata rimaccunata urmachingapac tucllata churaccunapish, cashcata ruhuac runata yanga juchanchishpa, llaquichiccunapish tucuringami.

ISAÍAS 49:7

Israelcunata quishpichic, jucha illac Diosmi shuctac llactacuna mana ricunayachishpa millana servic gentecunata: «Mandac Dios ñuca cancunata acllashcamanta, pactachic, jucha illac Dios cashcamantami jatun mandaccunapish, shamushpa cancunapac ñaupapi cumuringa» ninmi.

JEREMÍAS 20:8

Ñuca caparishpa huacashpaca: «Yalli llaquichinallata, tucurinallatami» huillacuni. Mandac Dioslla, can rimashcata huillacpica, punzhantami rimashpa, pingaichishpa asincuna.

LEVÍTICO 13:10

Curami chai ungushca runataca ricunga. Cuerpo punguillishca cacpi, chaipi millmapish yuracyashca cacpi, shinallatac ucucaman sisushca cacpica, curallatacmi:

ZACARÍAS 11:8

Shuc quillallapimi quimsa michiccunata tucuchircani. Ñuca shungupish paicunata mana ricunayachircachu. Paicunapac shungupish ñucata mana ricunayachircachu.

MALAQUÍAS 3:5

Tucuita Mandac Diosca: «Chaipimi brujocunatapish, huainayaccunatapish, llullashpa ari niccunatapish taripashpa llaquichisha. Cullquimanta trabajaccunata, viuda huarmita, taita mama illac huahuacunata, caru llacta runacunata llaquichishpa, ñucata mana manchashpa causaccunatapish llaquichisha» ninmi.

SAN LUCAS 6:26

¡Tucui gentecunapac alli nishcacunalla, imachari tucunguichic! Chai shinallatacmi ñaupa taitacunapish, llullac huillaccunataca alli nic nirca.

SAN JUAN 17:14

Can rimashcata paicunaman huillashcanimi. Chaimantami cai pachapac caccunaca paicunata piñancuna. Paicunaca ña mana cai pachamantachu, ñucapish mana cai pachamantachu cani.

SAN JUAN 3:19

Paicunapac mana alli ruhuacushcacuna ama ricurichunmi Achicyachic shamucpica, mana munashpa amsapi causanallata ashtahuan munarca. Chaimantami juchanchishca canga.

ROMANOS 8:7

Juchata ruhuana yuyailla caccunaca Diostaca piñanmi. Paicunaca Dios mandashcacunata mana cazuncunachu, mana cazui pudincunachu.

GÁLATAS 4:16

¿Cancunaman cashcata huillashcamantachu ñucataca piñanguichic?

SANTIAGO 4:4

¡Aij, Diosta mana cazuc gentecunalla! Cai pachapaclla caccunata cuyacca, Diostaca piñanmi. Chaitaca, ¿manachu yachanguichic? Maijanpish cai pachapaclla caccunata cuyasha niccunaca, Diosta piñaccunami tucun.

1 JUAN 4:5

Paicunaca cai pachapaclla cashpami cai pachallamanta rimancuna. Chaitaca cai pachapaclla causaccunaca uyancunami.