SAN JUAN 7:42 - Dios Rimashcata Quillcashcami

⁴² ¿Manachu Dios quillcachishcapica: “Cristoca mandac Davidpac aillupuramanta, pai huacharishca Belén pueblomanta shamunga” nin?» ninacurca.

Nuevo Testamento en Quichua Cañar 1996

⁴² ¿Manachu Dios quillcachishcapica: ‘Quishpichic Cristoca mandac Davidpac aillupuramanta, pai huacharishca Belén pueblomanta shamunga’ nin?— nircacuna.

SAN JUAN 7:42 Iomraidhean Croise

1 CRÓNICAS 2:51

Belenpac taita Salmami carca. Cutin shucca Bet-gaderpac taita Harefmi carca.

SALMOS 132:11

Mandac Diosca pactachishatacmi nishpami Davidhuan ari ninacushpaca: «Can mandashpa tiyarinapica cambac huahua huahuapurallatatacmi churasha.

SALMOS 89:4

«Huiñaitami cambac huahuacunatapish mandachun churasha. Cambac jatun tiyarinapica paicunami huahua huahuacunacaman tiyaringa» nircanguimi.

ISAÍAS 11:1

Isaimantaca shuc yura retoñac shinami, shuc jatun mandac llucshinga.

JEREMÍAS 23:5

Shamuc punzhacunapica Davidpac huahua huahuapuramantami cashcata ruhuac mandacta churasha. Paica Jatun Mandacmi. Allita mandashpami, cai pachapica imatapish alli ricushpa, cashcata ruhuashpa mandanga.

MIQUEAS 5:2

Mandac Diosca: «Efrata nishca Belenlla, canca Judá llacta familiapurapica tucuimanta yalli uchilla pueblomi cangui. Canmantami Israel llactata Mandacca llucshinga. Paica ñaupa huata miranacuimantami shamun» ninmi.

SAN MATEO 1:1

Taita Abrahammanta jatun mandac Davidcaman causac Jesucristopac ñaupa taitacunaca caicunami:

SAN MATEO 2:5

Chashna nicpimi paicunaca: —Diosmanta ñaupa huillacca: “Judea llacta Belén pueblopimi huacharinga” nincunami. Paicuna quillcashca:

SAN MATEO 2:6

“Judea llacta Belenlla, canca tucui Judea pueblocunamanta alli nishca pueblomi cangui. Canmantami shuc mandac llucshinga. Paimi ñuca acllashca israelcunataca pushanga” nishcami— nirca.

SAN LUCAS 2:11

Cunanmi David huacharishca Belén pueblopi Quishpichic huacharishca. Paica tucuita Mandac, Quishpichic Cristomi.

SAN LUCAS 2:4

Joseca Davidpac huahua huahuapura cashcamantami, Galilea llacta Nazaret pueblomanta ñaupa mandac Davidca huacharishca Judea llacta Belén puebloman rirca.

SAN JUAN 7:27

Ashtahuanpish pai maimanta cashcataca yachanchicmi. Shamuna cashca Cristo shamucpica, maimanta shamushcataca pi mana yachangachu— ninacurca.

1 SAMUEL 16:1

Mandac Dios Samueltaca: —¿Saulmantaca ima horascamantac huacacugringui? Paitaca ñucami israelcunata jatun mandac cachun mana munarcani. Gachupi aceiteta jundachi. Ñucami Belén pueblopi causacuc Isaipacman cachagrini. Paipac churicunamantami shuctac jatun mandac cachun acllarcani— nirca.

1 SAMUEL 16:18

Shina nicpimi, servicpuramanta shucca: —Ricui, ñucami Belén pueblopi causac alli tocanata yachac Isaipac shuc churita ricsini. Paica imatapish mana manchac sinchi, allita yuyarishpa rimac sumac huambrami. Shinallatac Mandac Diospish paihuanmi— nirca.

1 SAMUEL 16:4

Samuelca Mandac Dios mandashca shinami ruhuarca. Belén puebloman pai ña chayacpica, chai pueblopi causac pushac yuyaccunaca manchaihuanmi tupangapac llucshirca. Chashna llucshishpaca: —¿Canca cushi causaita huillangapacchu shamurcangui?— nishpa tapurca.

1 SAMUEL 17:58

Chaipimi Saulca: —¿Canca pipac churitac cangui?— nishpa tapurca. Shina tapucpi Davidca: —Ñucaca Belén pueblomanta canta servic Isaipac churimi cani— nirca.