SAN JUAN 7:37 - Dios Rimashcata Quillcashcami

³⁷ Fiesta tucuri jatun punzhapi Jesús jatarishpa sinchita rimashpaca: —Maijanpish yacunayachicca ñucapacman shamushpa, yacuta ubiaichic.

Nuevo Testamento en Quichua Cañar 1996

³⁷ Carpa huasipi Diosman mañana punzhacuna ña tucurimucucpica, tucuita yalli jatun punzhami carca. Chai punzhapimi Jesusca jatarishpa sinchita rimashpaca: —Maijanpish yacunachicca ñucapacman shamushpa, yacuta ubiaichic.

SAN JUAN 7:37 Iomraidhean Croise

NEHEMÍAS 8:18

Esdrasca Dios mandashcataca callari punzhamanta canchis punzhacamanmi punzhanta rezacurca. Chai jatun fiestata canchis punzhacaman ruhuashpaca pusac punzhapica ima shina ruhuachun mandashca shinallatacmi jatun tandanacuita ruhuarcacuna.

SALMOS 143:6

Chaita yuyarishpami cambacman ñuca maquicunata chutani. Ñuca almaca chaquishca allpa tamyata shuyac shinami canta shuyacun.

SALMOS 42:2

Ñuca almaca yacunayaihuan huañucuc shinami, causac Diosta mashcan. ¿Ima horastac Diospac ñaupapi ricuringapac rishayari?

SALMOS 63:1

¡Dioslla, ñuca Diosmi cangui! Manarac achicyacpimi cantaca mashcarcani. Ñuca almaca yacunayaihuan shinami canta mashcan. Ñuca cuerpopish can yuyaillami. Yacunayachicuc chaquishca allpa shinami cani.

PROVERBIOS 1:20

Alli yachaica ñancunapimi caparishpa cayacun. Plazacunapimi paipac rimaicunaca uyarin.

PROVERBIOS 8:1

¿Alli yachaica manachu cayacun? ¿Alli yuyaipish manachu sinchita caparicun?

PROVERBIOS 8:17

Ñucata cuyaccunataca cuyanimi. Ñucata mashcaccunaca tarinmi.

PROVERBIOS 8:3

Pungu ladocunapi, puebloman yaicuna pungu huashacunapi caparishpaca:

PROVERBIOS 9:3

Quipaca paita servic huarmicunatami jatun pueblo muyundi pirca jahuamanta cayachun cachan. Paicunaca:

CANTARES 5:1

Ñuca panilla, ñuca huarmilla, ñuca huertamanmi shamurcani. Ñuca mirratapish, mishquilla ashnacuctapish ñami japini. Bunga mishquitapish ñami micuni. Vinotapish, lechetapish ñami ubiani. Ñuca ricsishcacunalla, ñuca cuyashcacunalla, cushicushpa achcata micuichiclla, ubiaichiclla.

ISAÍAS 12:3

Cancunaca cushicushpami, quishpichic yacu jundumantaca yacuta llucchinguichic.

ISAÍAS 40:2

Jerusalenpi causaccunaman sumacta huillashpaca: “Cancunapac juchacunata perdonana huatacunaca ñami pactamushca. Cancunapac juchacunamantaca ñami chaupi yalli llaquihuan Mandac Diosca llaquichishca” nichic» ninmi.

ISAÍAS 40:6

Shuc rimashca uyarishpaca: «¡Caparishpa huillaiyari!» nirca. Shina nicpimi ñucaca: «¿Imapactac caparishpa huillashayari?» nircani. Shina nicpimi: «Tucui gentecunaca quihua shinallami. Paicuna sumac cashcapish pambapi tiyac sisa shinallami.

ISAÍAS 44:3

Ñucami chaquishca pambapi tamyachishpa, jatun yacucunata ruhuasha. Cancunapac huahua huahuacunaman ñuca Espirituta cachashami. Paicunapac huahuacunata bendiciashami.

ISAÍAS 55:1

¡Tucui yacunayaihuan causaccuna, yacuta ubiangapac shamuichic! ¡Cullquita mana chariccunapish, japishpa micungapac shamuichic! Ima cullquitapish mana cushpa vinota, lecheta japingapac shamuichic.

ISAÍAS 55:3

Cancunapac ringrihuan uyashpa, ñucapacman cuchuyaichic. Chashna ruhuacpica, cancunapac almaca causangami. Davidhuan ari nishca shinami, cancunahuanpish huiñai huiñaita ari nisha.

ISAÍAS 58:1

Mandac Diosca: «¡Sinchita caparishpa huillaiyari! Trompetapi tocac shina mana manchashpa capariyari. ¡Ñuca acllashcacuna mana cazushcatapish, Jacobopac huahuacuna juchata ruhuashcatapish huillaiyari!

JEREMÍAS 16:19

Mandac Dioslla, canca ñucapac sinchi torre shinami cangui. Ñucaman fuerzata cushpa, llaqui punzhacunapi ñucata cuidacmi cangui. Tucui cai pachamanta cambacman shamushpaca: «Ñucanchic taitacunaca imapacpish mana valic, llulla yanga dioscunatami charishca.

JEREMÍAS 2:2

«Jerusalenpi causaccunaman huillashpa, Mandac Diosca: “Ñucaca canta yuyarinimi. Cunan huiñai cashpaca, allimi cazurcangui. Cunanlla cazarashca shinami, ñucata cuyarcangui. Chaimantami ima mana pucuc shitashca pambatapish ñucata catimurcangui.

EZEQUIEL 47:9

Tucui causaita chariccuna cai yacupi yaicucpica, cai yacu maita pasacpipish, challuami yallita miranga. Cai yacuca mishquimi tucunga.

LEVÍTICO 23:36

Canchis punzhatami Mandac Dios ñucaman cushpa rupachina canguichic. Pusacniqui punzhapica ñucapaclla tandanacuita ruhuashpami ñucaman cushpa rupachina canguichic. Chai punzhapica ima sinchi trabajota ama ruhuanguichicchu.

LEVÍTICO 23:39

Chai canchis quillallapitac, chunga pichca punzhapi cancunapac allpapi pucushca granota ña tucui cosechashca quipaca Mandac Dios ñucamanmi canchis punzhata fiestata ruhuana canguichic. Chai fiesta callari punzhapish, tucuri pusac punzhapish samarinami canguichic.

MIQUEAS 6:9

Judá llactapi causaccunalla, Mandac Dios llactapi causaccunata quishpichingapac cayanmi. Paipac ñaupapi cumuriccunaca yachaisapami. Mandaccunapish uyaichic.

ZACARÍAS 9:15

Tucuita Mandac Diosmi paicunataca ayudanga. Chaimantami paicunaca, paicunata piñaccunataca tucui tucuchishpa, huaraca rumicunatapish sarunacunga. Vinota ubiac shinami yahuarta ubianga. Tazonpi jundachishca shina, gachucuna altarpi yahuarta jundachishca shinami ruhuanga.

NÚMEROS 29:35

Pusacniqui punzhaca ñucata yuyarina punzhami. Chai punzhapica ama ima trabajota ruhuanguichicchu.

SAN MATEO 11:28

Aparishca, shaicushca shina causaccuna, tucuilla ñucapacman shamuichic. Ñucami cancunataca samachisha.

SAN MATEO 3:3

Juanmanta Dios ima nishcata huillac Isaías huillashpaca: «Shitashca pambapi shuc runa caparishpaca: “Quishpichic shamuna ñanta allichichic, quingu ñancunatapish derechaichic” nicunmi» nirca.

SAN MATEO 5:6

Yarcaihuan yacunayaihuan shina, cashcata ruhuanata munaccuna, ¡cushicuichic! Diosmi chaita pactachichun saquinga.

SAN JUAN 1:23

Shina nicpimi Juanca: —Dios ima nishca huillac Isaiasca: “Quishpichic shamuna ñanta derechaichic” nishpa, shitashca pambapi caparicuc shinami cani— nirca.

SAN JUAN 14:6

Shina nicpimi Jesusca: —Ñucami cashcata nicpish, ñanpish, causaita cucpish cani. Maijanpish ñucallamantami Diospacman chayanga.

SAN JUAN 4:10

Shina nicpimi Jesusca: —Canca Dios imata cusha nicushcatapish, pi yacuta mañacuctapish mana yachanguichu. Yachashpaca, canracmi: “Yacuta carai” ninguiman. Chashna mañacpica, causaita cuc yacutami cuiman— nirca.

SAN JUAN 4:11

Shina nicpimi, chai huarmica: —Amito, yacu jundupish ucumi. Imahuan llucchinatapish mana charinguichu. ¿Ima shinatac causaita cuc yacutaca cunguiyari?

SAN JUAN 4:14

Ashtahuanpish maijanpish ñuca cushca yacuta ubiacca, jaicapi mana yacunayachingachu. Ñuca cushca yacuca paipica huiñai causaita cuc, tucyacuc yacu shinami canga— nirca.

SAN JUAN 5:40

Cancunaca huiñai causaita charingapac mana ñucapacman shamushun ninguichicchu.

SAN JUAN 6:35

Shina nicpimi Jesusca: —Ñucami huiñai causaita cuc tandaca cani. Maijanpish ñucapacman shamucca manatac yarcachingachu. Maijanpish ñucata cricca manatac yacunayachingachu.

SAN JUAN 6:37

Tucui ñuca Taita cushcacunami ñucapacman shamun. Chai shamuccunataca manatac cutichishpa cachashachu.

SAN JUAN 6:55

Chaimanta ñuca aichami micunatac can, ñuca yahuarmi ubianatac can.

SAN JUAN 7:28

Jesús Diosta mañana huasipi yachachishpaca: —¿Ñuca maimanta cashcatapish, pi cashcatapish yachanguichicchu? Mana ñuca quiquinllamantachu shamurcani, ashtahuanpish cashcata ruhuac Dios cachacpimi shamurcani. Paitaca cancunaca mana ricsinguichicchu.

1 CORINTIOS 10:21

Mana (chai ratollatac) Apunchic Jesuspac vasomantapish, diablopac vasomantapish ubiai pudinguichicchu. Shinallatac mana Apunchic Jesuspac mizamantapish, diablopac mizamantapish micui pudinguichicchu.

1 CORINTIOS 10:4

Dios cushca ubianatami ubiarcacuna. Paicunahuan ricuc Rumimanta llucshicuc yacutami ubiarcacuna. Chai Rumica Cristomi carca.

1 CORINTIOS 11:25

Shinallatac vaso vinota japishpaca: «Cai vaso vinoca mushuc ari ninacuita ricuchic, ñuca yahuarmi. Ñucata yuyarishpa ubiacunguichiclla» nirca.

1 CORINTIOS 12:13

Chaica, tucui ñucanchicmi Israel cashpa, mana Israel cashpa, servic, mana servic cashpapish, Diospac shuclla Espirituhuan bautizarishca canchic. Diosca chai Espiritullatatacmi yacuta ubiachic shina, curca.

EFESIOS 5:18

Ama machaichicchu. Machaccunaca imapipish mana jarcarincunachu. Chaipac randica, Diospac Espíritu junda caichic.

APOCALIPSIS 21:6

Chai quipaca ñucataca: «¡Ñami tucui pactachishca! Ñucaca callari A shina, tucuri Z shinami tucuita callarichicpish, tucuchicpish cani. Maijanpish yacunayaita charicmanca, huiñai causaita cuc tucyacuc yacutami yanga ubiachisha.

APOCALIPSIS 22:1

Chai quipaca chai angelmi causaita cuc, cristalman riccha callpacuc yacuta ricuchirca. Chai yacuca Diospacpish, Pactalla Ovejapacpish tiyarinamantami llucshicurca.

APOCALIPSIS 22:17

Diospac Espiritupish, Pactalla Ovejapac huarmipish Jesustaca «¡shamui!» ninmi. Shinallatac maijan caita uyacpish «¡shamui!» nichun. Maijanpish yacunayaihuan cashpa shamusha nicca shamushpa, causaita cuc yacuta mana imata cushpa ubiachunlla.