SAN JUAN 7:34 - Dios Rimashcata Quillcashcami

³⁴ Ñucata mashcashpapish mana taringuichicchu. Ñuca maipi cashcamanca mana chayai pudinguichicchu— nirca.

Nuevo Testamento en Quichua Cañar 1996

³⁴ Ñuca maipi cashcamanca mana chayanata pudinguichicchu. Chaimantami cancunaca ñucata mashcashpapish manatac taringuichic— nirca.

SAN JUAN 7:34 Iomraidhean Croise

OSEAS 5:6

Ovejacunata, vacacunata apashpami, Mandac Diosta mashcanga. Shina mashcashpapish mana taringachu. Paicunamantaca anchurircanimi.

SAN MATEO 23:39

Ñucaca: Cunanmanta pacha Dios cachashca ñuca cutimucpi “¡allimari cangui!” ningacaman, ñucataca manatac ricunguichu ninimi» nirca.

SAN JUAN 14:3

Ñuca rishpaca cancuna causanata allichishpami cancunata apangapac cutimusha. Maipimi ñuca causani, chaipimi cancunapish ñucahuan causanguichic.

SAN JUAN 14:6

Shina nicpimi Jesusca: —Ñucami cashcata nicpish, ñanpish, causaita cucpish cani. Maijanpish ñucallamantami Diospacman chayanga.

SAN JUAN 17:24

Taitalla, cai pacha manarac tiyacpimi, ñucataca cuyashcangui. Chaimantami can cushcacunaca ñuca maipimi cani, paicunapish chaipi cachun munani. Chaipi cashpami ñuca jatunyachishca cashcata ricunga.

SAN JUAN 7:36

Pai: “Ñucata mashcashpapish mana taringuichic. Ñuca maipi cashcamanca mana chayai pudinguichicchu” nishpaca, ¿imatatac nisha nin?— ninacurca.