SAN JUAN 7:29 - Dios Rimashcata Quillcashcami

²⁹ Ñucataca Diosmi cacharca. Paimanta shamushca cashpami, paitaca ricsini— nirca.

Nuevo Testamento en Quichua Cañar 1996

²⁹ Taita Dios cachashca, paimanta shamushca cashcamantami, paitaca ricsini— nirca.

SAN JUAN 7:29 Iomraidhean Croise

SAN MATEO 11:27

Ñuca Taitaca tucuitami ñucamanca curca. Ñuca pipac Churi cashcataca, pi mana yachanchu, ñuca Taitallami yachan. Ñuca Taita pi cashcataca, pi mana yachanchu, ñucallami yachani. Pipish ñuca yuyaita cucllapimi, ñuca Taita pi cashcataca yachan.

SAN JUAN 1:18

Diostaca jaicapi pi mana ricushcachu. Ashtahuanpish Dios-huan causac, paipac shuclla Churimi Dios ima shina cashcataca ricsichirca. Paica Diosllatacmi.

SAN JUAN 13:3

Jesusca paiman Dios poderta cushcatapish, Dios cachashca shamushcatapish, paipacman cutina cashcatapish yacharcami.

SAN JUAN 17:18

Ima shinami cai pacha gentecunapacman cacharcangui, chashnallatacmi paicunatapish cai pacha gentecunapacman cachacuni.

SAN JUAN 6:46

Pipish Diosta mana ricushcachu, ashtahuanpish paipacmanta shamushca ñucallami ricurcani.

SAN JUAN 8:55

Cancunaca paitaca mana ricsinguichicchu. Ñucaca ricsinimi. Ñuca “mana ricsinichu” nishpaca, cancuna shinallatac llullacmi caiman. Ñucaca ricsinitacmi. Chaimantami pai ima nishcataca cazuni.

1 JUAN 1:2

Causaita cuctaca Dios cachacpimi ricurcanchic. Chaita ricushpami paimanta cancunaman parlanchic, shinallatac huiñai causaita cuc cashcata huillanchic. Paica Dios-huanmi carca. Chaimanta shamushpami, ñucanchicman ricurirca.

1 JUAN 4:14

Ñucanchicllatacmi Dios cachashca paipac Churi cai pachapi causaccunata quishpichingapac shamushcataca ricurcanchic. Chaimantami huillanchic.

1 JUAN 4:9

Ñucanchic paimanta huiñai causaita charichunmi, Diosca paipac shuclla Churita cai pachaman cachashpa, pai cuyac cashcataca ricuchirca.