SAN JUAN 7:12 - Dios Rimashcata Quillcashcami

¹² Gentecunapurapi maijan huashalla parlanacushpaca: “Chai runaca alli runami”, cutin maijancunaca: “Paica mana alli runachu. Gentecunata umashpami purin” ninacurca.

Nuevo Testamento en Quichua Cañar 1996

¹² Gentecunapurapica caishuc chaishuc parlanacushpaca: “Chai runaca alli runami” nircacunami. Cutin maijancunaca: “Paica mana alli runachu. Gentecunata umashpami purin” nircacunami.

SAN JUAN 7:12 Iomraidhean Croise

SAN MATEO 10:25

Yachacuc yachachic shina tucushpaca, allimi canman. Servicpish amo shina tucushpaca, allimi canman. Huasipi taita shina ñucata ‘supaicunata mandac Beelzebumi’ nishpaca, cancunatacarin, ¡imatachari ningacuna!

SAN MATEO 21:46

Chaimantami Jesustaca prezu japishun nircacuna. Gentecunaca Jesustaca Dios ima nishcata huillacmi nicmi carca. Chaimantami manchashpa mana imata ruhuashpa saquirca.

SAN MATEO 27:63

Chaiman rishpaca: —Jatun mandaclla. Cai llullac runa causacushpa: “Quimsa punzhapica causarishami” nishcatami yuyarinchic.

SAN LUCAS 18:19

Chashna tapucpimi Jesusca: —¿Imamantatac ‘alli’ ningui? Allica shucllami tiyan, chaica Diosmi.

SAN LUCAS 23:47

Mandac soldado chaita ricushpa, Diosta “allimari cangui” nishpaca: —Cai runaca cashcata ruhuacmi cashca— nirca.

SAN LUCAS 23:50

Judea llacta Arimatea pueblomanta José shuti runami tiyarca. Paica israelcunata mandacpuramanta cashcata ruhuac runami carca.

SAN LUCAS 6:45

Alli runaca, shungupi alli yuyaiyuc cashcamantami allita riman. Mana alli runaca shungupi millai yuyai junda cashcamantami mana allita riman. Shungupi ima tiyashcatami shimica riman.

SAN LUCAS 7:16

Chaipi caccuna mancharishpa, Diosta pagui nishpaca: —Dios ima nishcata jatun huillacmi ñucanchic chaupipica ricurishca. Diosmi, pai acllashca gentecunata ricungapac shamushca— nircacuna.

SAN JUAN 6:14

Jesús chai milagrota ruhuacta gentecuna ricushpaca: «Cai runaca cai pachaman shamuna cashca Dios ima nishcata huillacmi» nirca.

SAN JUAN 7:32

Fariseocunaca gentecuna Jesusmanta parlanacuctami uyarca. Chaimantami fariseocunapish, curacunata mandac curacunapish Jesusta japichun soldadocunata cacharca.

SAN JUAN 7:47

Shina nicpimi fariseocunaca: —¿Cancunatapish crichircachu?

SAN JUAN 7:52

Shina nicpimi paicunaca: —¿Canpish Galilea llactamantachu cangui? Dios quillcachishcata ricui. Chaipica: “Galileamantaca pi huillac mana shamushcachu” ninmi— nirca. [

SAN JUAN 9:16

Shina nicpi, maijan fariseocunaca: —Samana punzhata mana cazunchu, paica mana Diosmantachu shamushca— nirca. Cutin maijanca: —Shuc juchayuc runaca, ¿ima shinatac milagrocunataca ruhuangayari?— nirca. Chashna ninacushpami, paicunapura chicanyarinacurca.

HECHOS 11:24

Bernabeca alli runa, alli cric, Diospac Espíritu jundami carca. Chaimantami pai huillacpica, achca gentecuna Apunchic Jesusta crirca.

ROMANOS 5:7

Pipish cashcata ruhuac runamantaca mana huañungachu. Maijan allita ruhuac runamanta huañusha nic tiyangapishchari.

FILIPENSES 2:14

Ama huashalla rimanacushpa, ama piñanacushpa imatapish ruhuaichicchu.