SAN JUAN 6:53 - Dios Rimashcata Quillcashcami

⁵³ Shina nicpimi Jesusca: —Runa Tucungapac shamushca ñuca aichata cancuna mana micushpa, ñuca yahuarta mana ubiashpaca, mana causaita charinguichicchu. Chaica chashnatacmi can.

Nuevo Testamento en Quichua Cañar 1996

⁵³ Shina nicpimi Jesusca cashna nirca: —Runa Tucungapac shamushca ñuca aichata cancuna mana micushpa, ñuca yahuarta mana ubiashpaca, causaitaca mana charinguichicchu. Chaica chashnatacmi can.

SAN JUAN 6:53 Iomraidhean Croise

SAN MATEO 18:3

—Cancuna huahuacuna shina mana tucushpa, huahuacuna ruhuac shina mana ruhuashpaca, jahua pacha Dios mandacucmanca mana yaicunguichicchu. Chaica chashnatacmi canga.

SAN MATEO 5:18

Cai pacha, jahua pacha tucuringacaman, mandashcacunamantaca shuc rimaillapish, shuc puntollapish mana chingaringachu, tucui pactacungallami. Chaica chashnatacmi canga.

SAN MATEO 8:20

Chashna nicpimi Jesusca: —Atuccunapish machaita charinmi. Volac animalcunapish cuzhata charinmi. Ashtahuanpish Runa Tucungapac shamushca ñucaca, maipi umata samachinallatapish mana charinichu— nirca.

SAN LUCAS 13:3

Mana, mana yalli juchayuccuna cashcamantachu chashnaca tucurca. Cancunapish juchayuc cashcamanta llaquirishpa, Diosman mana cutirishpaca, tucuimi huañunguichic.

SAN LUCAS 13:5

Mana chaimantachu chashna tucushca. Cancunapish juchayuc cashcamanta llaquirishpa, Diosman mana cutirishpaca, tucuimi huañunguichic— nirca.

SAN JUAN 13:8

Shina nicpimi Pedroca: —¡Jaicapi ñuca chaquita jahuachun, mana saquishachu!— nirca. Shina nicpimi Jesusca: —Cambac chaquita ñuca jahuachun, mana saquishpaca, mana ñuca yachacucchu cangui— nirca.

SAN JUAN 15:4

Ñucahuan shuc shina caichic, ñucapish cancunahuan shuc shinami casha. Ramaca yurapi mana cashpaca, mana pucui pudinchu. Chashnallatacmi cancunapish ñucahuan mana cashpaca, imata mana ruhuai pudinguichic.

SAN JUAN 3:3

Shina nicpimi Jesusca: —Maijanpish mana cutin huacharicca, Dios mandacuctaca mana ricungachu. Chaica chashnatacmi canga— nirca.

SAN JUAN 3:36

Maijanpish paita cricca huiñai causaitami charin. Maijanpish paita mana cricca mana huiñai causaita charinchu, ashtahuanpish paitaca Diosca piñacungallami.

SAN JUAN 3:5

Shina nicpimi Jesusca: —Maijanpish yacumanta, Diospac Espiritumanta mana huacharicca, Dios mandacucmanca manatac yaicungachu. Chaica chashnatacmi canga.

SAN JUAN 6:47

Maijanpish ñucata cricca, huiñai causaitami charin. Chaica chashnatacmi can.

SAN JUAN 6:51

Ñucami jahua pachamanta shamushca, causaita cuc tandaca cani. Maijanpish cai tandata micucca, huiñaita causangami. Cai tandaca ñuca quiquin aichami. Chaitaca cai pachapi causaccuna huiñai causaita charichunmi cusha— nirca.

SAN JUAN 6:55

Chaimanta ñuca aichami micunatac can, ñuca yahuarmi ubianatac can.

SAN JUAN 6:62

Runa Tucungapac shamushca ñuca ñaupa maipi cashcaman ricta ricushpaca, ¿imashi tucunguichic?

1 JUAN 5:12

Maijanpish Diospac Churihuan cacmi, chai causaitaca charin. Maijanpish Diospac Churihuan mana cacca, mana chai causaitaca charinchu.

APOCALIPSIS 2:17

Maijanpish ringrita charicca, Diospac Espíritu tandanacushca criccunaman ima nicushcata uyachun. Maijanpish millaita mishacmanca pacashca tiyacuc maná shuti tandatami carasha. Shinallatac mushuc shutita quillcashca yuranlla rumitami cusha. Chaitaca pipish mana ricsingachu, ashtahuanpish chaita chasquicllami ricsinga” ninmi.

APOCALIPSIS 2:7

Maijanpish ringrita charicca, Diospac Espíritu tandanacushca criccunaman ima nicushcata uyachun. Maijanpish millaita mishacmanca Diospac llactapi cac causaita cuc yuramantami carasha” ninmi.