SAN JUAN 5:45 - Dios Rimashcata Quillcashcami

⁴⁵ Ñuca Taitapac ñaupapi, ñuca juchanchina cashcataca ama yuyanguichicchu. Ashtahuanpish cancuna shunguta churashpa, shuyacushca Moisesmi juchanchinga.

Nuevo Testamento en Quichua Cañar 1996

⁴⁵ Ñucallatac ñuca Taitapac ñaupapi juchanchina cashcataca ama yuyanguichicchu. Cancunata ‘ñaupa taita Moisés alli ningallami’ nishpa shuyacucpipish, Moisesllatacmi cancuna mana allita ruhuashcataca juchanchinga.

SAN JUAN 5:45 Iomraidhean Croise

SAN LUCAS 16:29

Chashna nicpimi Abrahamca: “¡Moisés mandashcacunatapish, Dios ima nishcata huillaccuna quillcashcacunatapish charincunami! ¡Chaicunata uyashpa, cazuchun!” nirca.

SAN JUAN 12:48

Maijanpish ñucata piñashpa ñuca rimashcata mana cazucca, taripashcami canga. Ñuca rimashcallatacmi, tucuri punzhapica juchanchinga.

SAN JUAN 7:19

Moisesmi mandashcacunataca curca. Ashtahuanpish cancunaca shucllapish mana cazunguichicchu. ¿Ima nishpatac ñucataca huañuchishun ninguichic?— nirca.

SAN JUAN 8:9

Chaita uyashpaca, shungupi nanarishpami shucllancaman shucllancaman rirca. Yuyacmanta callarishpami chai huarmillata Jesus-huanca saquishpa rircacuna.

ROMANOS 2:12

Moisés mandashcacunata mana yachashpa juchalliccunaca, chai mandashcacunata mana yachashpami huañunga. Ashtahuanpish mandashcacunata yachashca jahua juchalliccunaca, mandashcapi nishca shinami taripashca canga.

GÁLATAS 3:10

Mandashcacunata pactachishpalla Dios alli tucusha niccunaca jatun llaquitami apangacuna. Dios quillcachishcapica: «Mandashcacunata mana tucui allita pactachictaca, llaquichingapac chicanyachishcami canga» ninmi.