SAN JUAN 5:35 - Dios Rimashcata Quillcashcami

³⁵ Juan huillashcaca luz achicyachicuc shinami carca. Cancunaca ashacamanllami achicpi canata munarcanguichic.

Nuevo Testamento en Quichua Cañar 1996

³⁵ Juan huillashcaca shuc micha japirishpa, achicyachicuc shinami carca. Chaitami cancunaca ashacamanlla cushicushpa uyarcanguichic.

SAN JUAN 5:35 Iomraidhean Croise

2 SAMUEL 21:17

Ashtahuanpish Sarviapac churi Abisaimi Davidta misashpa, chai runata chugrichishpa huañuchirca. Chaimantami Davidpac runacunaca paitaca: «Cunanmanta pacha ñucanchic-huan macanacungapacca ña mana llucshinguichu. Canta huañuchishpaca, israelcunapac mecha shinami huañushca canga» nirca.

ÉXODO 34:35

Moisesca paipac ñahui achic nicucta israelcuna ricushcamantami cutin paipac ñahuita pañohuan jarcaric carca. Moisesca Mandac Dios-huan parlanacungapac cutin yaicungacamanmi, ñahuita pañohuan jarcarishca cac carca.

EZEQUIEL 33:31

Paicunapish ñuca acllashca gentecuna shinami, can rimashcata uyangapac cambac ñaupaman shamun. Shina cashpapish mana pactachincunachu. Chai gentecunaca shimillahuanmi alli nincuna, ashtahuanpish shungupica chayucyana manaihuanmi purin.

DANIEL 12:3

Alli yachaccunaca jahua pachamanta achicyachic shinami achicyachinga. Shinallatac cashcata ruhuanata taucacunaman yachachiccunaca lucero shinami, huiñaita achicyachinga.

SAN MATEO 11:11

Cai pachapica Bautizac Juanmanta yallica manatac tiyashcachu. Chashna cacpipish jahua pacha Dios mandacucpica, yangalla imapish mana cacmi, Juanta yalli alli nishcaca. Chaica, chashnatacmi can.

SAN MATEO 21:26

Cutin: “Runacunallami cacharca” nicpica, gentecuna piñaringami. Juantaca tucui gentecunami ‘Dios ima nishcata huillacmi’ nincuna— ninacurca.

MARCOS 1:5

Chashna huillacucpimi, tucui Jerusalén pueblomantapish, Judea llactamantapish pai huillashcata uyangapac shamurca. Juanca paicuna llaquirishpa, juchacunata huillacpimi, Jordán yacupi bautizarca.

MARCOS 6:20

Herodesca Juantaca cashcata ruhuac, Diospaclla causactami yacharca. Chaimantami paita manchashpa, cuidashpa charirca. Imata ruhuanata yuyacushpapish, Juan huillacpica, cushillami uyac carca.

SAN LUCAS 7:28

Cai pachapi huacharishcapurapica, Bautizac Juanmanta yalli alli huillacca manatac tiyashcachu. Chashna cacpipish, Dios mandacucpica, yangalla runami Juanta atishpa alli nishcaca. Chaica chashnatacmi can— nirca.

SAN JUAN 6:66

Chaimanta pachami Jesusta caticcunaca caruyashpa, mana Jesus-huan purirca.

2 PEDRO 1:19

Chaita urcupi ricushcaca, Diosmanta ñaupa huillaccuna huillashca chashnatac cashcatami ricuchin. Chai huillaica tuta punzhayangacaman amsata achicyachic lámpara shina, shinallatac tutamanta achicyachic lucero llucshic shinami, cancunapac shungutaca achicyachicun. Chai huillaita cancuna alli uyashpaca, allimi ruhuanguichic.