SAN JUAN 5:22 - Dios Rimashcata Quillcashcami

²² Ñuca Taitaca pitapish mana taripangachu, ashtahuanpish ñucatami taripachun churarca.

Nuevo Testamento en Quichua Cañar 1996

²² Ñuca Taitaca pita imata mana taripangachu, ashtahuanpish tucui imata taripana cashcataca ñucamanmi cushca.

SAN JUAN 5:22 Iomraidhean Croise

SALMOS 96:13

Chashna cai pachapi causaccunata taripangapac shamuc Mandac Diospac ñaupapi cushicuichicyari. Tucui cai pachapi causaccunataca cashcata ruhuashpami taripanga. Shuctac gentecunataca cashcata nishpami mandanga.

SALMOS 98:9

Chashna cai pachapi causaccunata taripangapac shamuc Mandac Diospac ñaupapi cushicuichicyari. Tucui cai pachapi causaccunataca cashcata ruhuashpami taripanga. Shuctac gentecunataca cashcata nishpami mandanga.

ECLESIASTÉS 11:9

Quipa huiñaicuna, huambrarac cashpa cushicuichic. Huambrarac cashpa cambac shungu cushicuchun saquingui. Cambac shungu munashcata, cambac ñahui ricushcata ruhuailla. Shina cacpipish, tucui chaicunata Dios taripana cashcataca yachanami cangui.

ECLESIASTÉS 12:14

Chaica Diosmi ñucanchic tucui ima ruhuashcataca ricunga. Imata pacalla ruhuashcatapish alli cachun mana alli cachunpish ricuchingami.

SAN MATEO 11:27

Ñuca Taitaca tucuitami ñucamanca curca. Ñuca pipac Churi cashcataca, pi mana yachanchu, ñuca Taitallami yachan. Ñuca Taita pi cashcataca, pi mana yachanchu, ñucallami yachani. Pipish ñuca yuyaita cucllapimi, ñuca Taita pi cashcataca yachan.

SAN MATEO 16:27

Ashtahuanpish Runa Tucungapac shamushca ñucaca, ñuca Taitapac sumaimana achic nicuc-huan, paipac angelcunahuan cutimushpaca, tucuimanmi imata ruhuashca shina cusha.

SAN MATEO 28:18

Jesús paicunapacman cuchuyashpaca: «Diosca ñucamanmi cai pachatapish, jahua pachatapish mandachun poderta curca.

SAN JUAN 17:2

Canca ñucaman cushcacunaman huiñai causaita cuchunmi, tucui gentecunata ñuca maquipi churarcangui.

SAN JUAN 3:35

Diosca paipac Churita yallitami cuyan. Chaimantami tucuita pai mandachun cushca.

SAN JUAN 5:27

Runa Tucungapac shamushca ñuca paipac Churi cashcamantami, taripachun ñucaman poderta curca.

SAN JUAN 9:39

Chashna nicpimi Jesusca: —Ñucaca taripangapacmi cai pachaman shamurcani. Ñahui mana ricuccunata alliyachingapac, cutin ricuccunataca ñahui mana ricucta ruhuangapacmi shamurcani— nirca.

HECHOS 10:42

Diosca ñucanchictami huañushcacunatapish, causaccunatapish taripacca Jesús cashcata huillachun mandarca.

HECHOS 17:31

Diosca pai acllashca punzhapimi, tucui cai pachapi causaccunataca cashcata ruhuashpa taripanga. Chai punzhami pai acllashca runata cachanga. Gentecuna yachachunmi, paitaca huañushcacunapuramanta causachirca— nirca.

ROMANOS 2:16

Alli huillaita ñuca huillashca shinami, ima pacalla ruhuashcatapish Diosca Jesucristohuan taripai punzhapi taripanga.

2 CORINTIOS 5:10

Imalla ruhuashcata ñucanchic ricuchingapacca, tucuita taripac Cristopac ñaupapimi tucui mashna ricurigrina canchic. Chaipica cai aicha causaipi allita ruhuashcamanta, mana allita ruhuashcamantami japina cashcata japigrishun.

2 TIMOTEO 4:1

Canmanca Diospac ñaupapi, shinallatac huañushcacunatapish, causaccunatapish Jatun Mandac, taripangapac shamuc Apunchic Jesucristopac ñaupapimi caitaca mingani.

1 PEDRO 4:5

Shina cacpipish paicunaca huañushcacunatapish, causaccunatapish taripangapac shuyacuc Diospac ñaupapimi, paicuna ima shina cashcata huillangacuna.