SAN JUAN 4:45 - Dios Rimashcata Quillcashcami

⁴⁵ Galilea llactapi causaccunapish Pascua fiesta punzhapi Jerusalenman rishpa, tucui imallata ruhuashcata ricurca. Chaimantami, paicunapac llactaman Jesús chayacpica, cushicushpa chasquirca.

Nuevo Testamento en Quichua Cañar 1996

⁴⁵ Galilea llactapi causaccunaca Jerusalenman rishpa Jesús pascua*f** punzhacunapi tucui imallata ruhuashcata ricushcamantami, paicunapac llactaman Jesús chayacpica, cushicushpa chasquircacuna.

SAN JUAN 4:45 Iomraidhean Croise

SAN LUCAS 13:1

Chai punzhallatami maijancuna Jesuspacman shamushpaca: —Galilea llacta runacunatami Diosman animalta cushpa huañuchicucpi, mandac Pilato huañuchichirca. Chashna huañuchicpimi, chai runacunapac yahuarca animalcunapac yahuarhuan chapurirca— nishpa huillarca.

SAN LUCAS 8:40

Achca gentecunami Jesusta shuyacurca. Chaimantami pai cutimucpica, cushilla tuparca.

SAN LUCAS 9:53

Ashtahuanpish Samaria llacta gentecunaca Jesús Jerusalenman ricucta yachashpami, mana chasquishun nircacuna.

SAN JUAN 2:23

Pascua fiesta punzhacunapimi, Jesusca Jerusalén pueblopi milagrocunata ruhuarca. Chashna ruhuacta ricushpami, achcacuna paita crirca.

SAN JUAN 3:2

Pai Jesuspacman tuta rishpaca: —Yachachic, canca Dios cachashca yachanchicmi. Pipish can ruhuacuc shina, milagrocunataca mana Dios-huan cashpaca, mana ruhuanmanchu— nirca.

SAN JUAN 4:54

Chai ishcai milagrotami Jesusca Judea llactamanta Galilea llactaman shamushca quipa ruhuarca.

DEUTERONOMIO 16:16

Cancunapac llactapi causac tucui caricunami huatapi quimsa cutin Mandac Dios acllashca pushtuman, paipac ñaupaman rina can. Chai fiestacunaca: levadura illac tandata micuna fiesta, pentecostés fiesta, chucllacunata ruhuana fiestami can. Chai fiestacunamanca pipish mana chushacllachu shamuna can.