SAN JUAN 4:22 - Dios Rimashcata Quillcashcami

²² Cancunaca pita mañacushcata mana yachanguichicchu. Ñucanchicca pita mañacushcataca yachanchicmi. Diosca israelcunapuramantami Quishpichicta cachasha nishca.

Nuevo Testamento en Quichua Cañar 1996

²² Samaria llactapi causac cancunaca Taita Diosman mañangapac tandanacushpapish, piman mañacushcata mana yachanguichicchu. Ñucanchicca piman mañacushcataca yachanchicmi. Taita Diosca israelcunapuramantami Quishpichicta cachasha nishca.

SAN JUAN 4:22 Iomraidhean Croise

GÉNESIS 49:10

Judá, cambac mandana varataca pi mana quichungachu. Varataca chasquingacamanmi charicunguilla. Cantaca tucui gentecunami cazunga.

ESDRAS 4:2

Zorobabelpacman, ñaupa taitacunapac huasi ucupuracunata mandaccunapacman shamushpaca: —Cai huasita ruhuanataca ñucanchicpish ayudashun ninchicmi. Ñucanchicpish cancuna shinallatacmi cancunapac Diosta mashcanchic. Asiria llactata jatun mandac Esar-hadón ñucanchicta cai llactaman apamushca punzhamanta pachami cancuna shinallatac Diosman animalcunata cushpa rupachinchic— nirca.

SALMOS 147:19

Paimi Jacobopac huahuacunaman pai rimashcataca huillarca. Israelcunamanca mandashcacunatapish, pactachichun cushca shimicunatapish curcami.

SALMOS 68:20

Ñucanchic Diosca quishpichic Diosmari. Mandac Diosmi huañuimantapish quishpichin.

ISAÍAS 12:2

¡Mandac Diosca ñucata quishpichicmi! ¡Ñucata sinchiyachic, ñuca cantana, ñucata quishpichic Diosmi! Chaimanta paipi shunguta churashpaca imatapish mana manchashachu» ningui.

ISAÍAS 12:6

Sionpi causaccunalla, yallita cushicushpa cantaichicyari. Cancunapac chaupipi causacuc israelcunapac jucha illac Diosca jatunmari» nichicyari.

ISAÍAS 2:3

Achca gentecuna shamushpaca: «Mandac Dios munashca shina causanata yachachicpi, allita yachacushpa, paipac alli ñanta catingapac paipac urcuman rishunchic. Jacobopac Diospac huasiman jacuchic» ningami. Chaica Sión llactamantami mandashcacunaca llucshinga. Jerusalenmantami Mandac Dios rimashcaca llucshinga.

ISAÍAS 46:13

Cashcata ruhuanaca mana carupichu. Mana caruyangachu. Ñuca quishpichinaca mana unayangachu. Sión llactapimi quishpirinataca churasha. Ñucaca Israel llactapica sumaimana nishcami casha” nini» nirca.

ZACARÍAS 9:9

¡Sionpi causaccunalla, yallita cushicuichicyari! Jerusalenpi causaccunalla, cushicushpa caparichicyari. Riquichic, cancunata jatun mandacca mama burropac huahua maltón burritopimi cancunapacman shamunga. Paica cashcata ruhuac, quishpichic, cuyac shungumi canga.

SAN LUCAS 24:47

Chai shinami, Jerusalén pueblomanta callarishpa, tucui llactacunapi juchayuc cashcamanta llaquirishpa, paipac shutipi Diosman cuti richun huillashca cana can.

HECHOS 17:23

Cai pueblopi puricushpaca, cancunapac dioscunata yuyarina huasicunatami ricurcani. Shinallatac shuc altarpica: “Mana Ricsishca Diospac altarmi” nishpa quillcashcatami ricurcani. Chai Diostaca mana ricsishpapish, yuyariccunami cashcanguichic. Ñucaca chai Diosllamantatacmi huillacuni.

HECHOS 17:30

Diosca utcaman runacuna mana yachashcamanta juchallishcataca cungarircami. Ashtahuanpish cunanca tucui cai pachapi causaccuna juchayuc cashcamanta llaquirishpa, paipacman cutirichunmi mandan.

HECHOS 3:26

Dios, paipac Churita causachishpaca, cancunaman allicunata cuchunmi, cancunapacman punta cacharca. Cancuna millai causaita saquishpa, alli causachunmi, cacharca» nirca.

ROMANOS 11:18

Shina cashpapish ama: “Caishuc ramacunamanta yallimi cani” nichu. Canca mana yurata charic sapichu cangui, ashtahuanpish sapimi canta charicun.

HEBREOS 7:14

Ashtahuanpish ñucanchic Apunchic Jesusca Judapac aillumantami carca. Shina cacpipish, Moisesca chai aillupuramanta cura shamuna cashcataca, jaicapi mana nircachu.