SAN JUAN 4:10 - Dios Rimashcata Quillcashcami

¹⁰ Shina nicpimi Jesusca: —Canca Dios imata cusha nicushcatapish, pi yacuta mañacuctapish mana yachanguichu. Yachashpaca, canracmi: “Yacuta carai” ninguiman. Chashna mañacpica, causaita cuc yacutami cuiman— nirca.

Nuevo Testamento en Quichua Cañar 1996

¹⁰ Shina nicpi Jesusca: —Canca Taita Dios imata cusha nicushcatapish, shinallatac pi yacuta mañacushcatapish mana yachanguichu. Yachashpacarin, canracmi ñucaman ‘yacuta carai’ nishpa mañanguiman. Chashna mañacpica, causaita cuc yacutami cuiman— nirca.

SAN JUAN 4:10 Iomraidhean Croise

SALMOS 10:17

Mandac Dioslla, yangalla runacuna mañashcataca uyashcanguimi. Paicuna mañashcata uyashpami, paicunapac shungutapish cushichingui.

SALMOS 46:4

Shuc jatun yacumi jahua pachapi causac Diospac pueblopi tiyac paipaclla huasita cushichicun.

ÉXODO 17:6

Ñucaca Horeb urcu jahuapimi cambac ñaupapi casha. Can rumipi varahuan huactacpica, chaimanta yacuca llucshingami. Chaipica ubiangallami— nirca. Moisesca israelcunata pushaccunapac ñaupapimi chashna ruhuashpa ricuchirca.

CANTARES 4:15

¡Huertapi tucyacuc yacu shina, Libanomanta shamushpa, jundumanta llucshicuc yacu shinami cangui!

ISAÍAS 12:3

Cancunaca cushicushpami, quishpichic yacu jundumantaca yacuta llucchinguichic.

ISAÍAS 35:6

Suchupish taruga shinami saltanga. Mana rimai pudicpish sumactami cantanga. Shitashca pambapi allacpipish yacuca llucchingami. Chaquishca pambacunatami yacuca callpacunga.

ISAÍAS 42:6

«Mandac Dios ñucami cantaca cashcata ruhuachun cayashpa, maquimanta aisashpa cuidasha. Cantaca ñuca acllashcacunahuan ari nishcata ruhuachun, shuc llactapi causaccunapac luz shina cachun,

ISAÍAS 43:20

Ñuca acllashcacuna ubiachun shitashca pambapi yacuta llucchicpi, chaquishca pambapi yacuta cucpimi, sacha animalcunapish, chacal animalcunapish, huahua avestruzcunapish ñucata alli ningacuna.

ISAÍAS 44:3

Ñucami chaquishca pambapi tamyachishpa, jatun yacucunata ruhuasha. Cancunapac huahua huahuacunaman ñuca Espirituta cachashami. Paicunapac huahuacunata bendiciashami.

ISAÍAS 49:10

Paicunataca yarcaipish, yacunayaipish mana japingachu. Intipish mana rupachingachu. Paicunata llaquic, Dios ñucami yacu llucshic pushtuman pushasha.

ISAÍAS 9:6

Shuc cari huahuami huacharishca. Shuc churitami ñucanchicman cushca. Mandanaca paipac maquipimi. Paipac shutica “Mancharina cunac”, “Imatapish ruhuac Dios”, “Huiñaita causac Taita”, “Cushi causaita cucmi” canga.

JEREMÍAS 2:13

Ñuca acllashcacunaca cai ishcai mana allitami ruhuarca. Puntaca tucyacuc yacu shina, causaita cuc ñucatami saquirca. Chai quipaca yacu mana jundaric chictarishca jutcucunatami yacu tandarichun ruhuarca.

EZEQUIEL 16:35

Huainayac huarmi, Mandac Dios rimashcata uyai.

ZACARÍAS 13:1

Chai punzhapica Davidpac huahuacunapish, Jerusalenpi causaccunapish tucyacuc yacutami charinga. Chaihuanmi juchata ruhuashpa mapayashcataca chuyayanga.

ZACARÍAS 14:8

Causaita cuc yacumi Jerusalenmantaca llucshinga. Chai yacuca tamya punzhacunapipish, usyai punzhacunapipish chaupica inti llucshina lado mama cuchaman, chaupica inti tigrana lado mama cuchamanmi ringa.

SAN LUCAS 11:13

Cancuna mana alli cashpapish, huahuacunamanca allitami cunguichic. Ashtahuanpish jahua pacha Dioscarin, jucha illac Espiritutami mañacpica cunga— nirca.

SAN JUAN 16:3

Ñuca Taitatapish, Ñucatapish mana ricsishcamantami chashna ruhuanga.

SAN JUAN 17:3

Cai huiñai causaitaca, shuclla Dios cashcata crishpa, Jesucristoca Dios cachashca cashcata crishpami chasquinga.

SAN JUAN 3:16

Diosca cai pachapi causaccunata yallita cuyashpami, paipac shuclla Churita cai pachaman cacharca. Pipish paita cricca ama chingarichun, ashtahuanpish huiñai causaita charichunmi, chashnaca cacharca.

SAN JUAN 4:14

Ashtahuanpish maijanpish ñuca cushca yacuta ubiacca, jaicapi mana yacunayachingachu. Ñuca cushca yacuca paipica huiñai causaita cuc, tucyacuc yacu shinami canga— nirca.

SAN JUAN 6:35

Shina nicpimi Jesusca: —Ñucami huiñai causaita cuc tandaca cani. Maijanpish ñucapacman shamucca manatac yarcachingachu. Maijanpish ñucata cricca manatac yacunayachingachu.

SAN JUAN 6:51

Ñucami jahua pachamanta shamushca, causaita cuc tandaca cani. Maijanpish cai tandata micucca, huiñaita causangami. Cai tandaca ñuca quiquin aichami. Chaitaca cai pachapi causaccuna huiñai causaita charichunmi cusha— nirca.

HECHOS 9:11

Shina nicpimi, Apunchic Jesusca: —Jatari, Derecha shuti ñanman ri. Judaspac huasipi yaicushpa, Tarso pueblomanta Saulota tapui. Chai huasipimi paica Diosta mañacun.

ROMANOS 8:32

Diosca, paipac quiquin Churitapish tucui ñucanchicmanta llaquita apachun, mana jarcarishpa, cushpaca, ¿manachu paipac Churita cushca shina imatapish cunga?

1 CORINTIOS 1:30

Ashtahuanpish Diosllatacmi cancunataca Cristo Jesus-huan shucllata ruhuarca. Diosmi Cristomantaca jatun yachacta, cashcata ruhuacta, jucha illacta ruhuashpa quishpichirca.

1 CORINTIOS 10:4

Dios cushca ubianatami ubiarcacuna. Paicunahuan ricuc Rumimanta llucshicuc yacutami ubiarcacuna. Chai Rumica Cristomi carca.

2 CORINTIOS 9:15

¡Ima shina mana pagui nipac allicunata Dios cushcamantami, paitaca pagui nicunchiclla!

EFESIOS 2:8

Cancunaca Dios cuyashcallamantami Jesucristota crishpa quishpirishca canguichic. Chaitaca mana cancuna allita ruhuashcamantachu chasquircanguichic, ashtahuanpish chaica Dios cushcallami can.

HEBREOS 6:4

Maijanpish Dios yuyaita achicyachicpi, mishquilliric shina Dios cushcacunata yachashpa, Diospac Espiritutapish chasquishpa,

1 JUAN 5:20

Diospac Churi shamushpa ñucanchicman yuyaita cushpami, cashcata nic Diostaca ricsichirca. Chaimantami cashcata nic-huan shuclla causanchic. Paica Diospac Churi Jesucristomi. Paillatacmi huiñai causaita cucpish, shinallatac cashcata nic Diospish can.

APOCALIPSIS 21:6

Chai quipaca ñucataca: «¡Ñami tucui pactachishca! Ñucaca callari A shina, tucuri Z shinami tucuita callarichicpish, tucuchicpish cani. Maijanpish yacunayaita charicmanca, huiñai causaita cuc tucyacuc yacutami yanga ubiachisha.

APOCALIPSIS 22:17

Diospac Espiritupish, Pactalla Ovejapac huarmipish Jesustaca «¡shamui!» ninmi. Shinallatac maijan caita uyacpish «¡shamui!» nichun. Maijanpish yacunayaihuan cashpa shamusha nicca shamushpa, causaita cuc yacuta mana imata cushpa ubiachunlla.

APOCALIPSIS 7:17

Ashtahuanpish mandashpa tiyarina chaupipi cac Pactalla Ovejami michinga. Paillatacmi huiñai causaita cuc yacumanpish pushanga. Shinallatac paicunapac ñahuicunamantaca Diosmi tucui huiquita pichanga» nirca.