SAN JUAN 3:11 - Dios Rimashcata Quillcashcami

¹¹ Ñucanchicca imatapish yachashcatami ninchic, imata ricushcatami huillanchic. Ñucanchic huillashcataca mana cringuichicchu. Chaica chashnatacmi can.

Nuevo Testamento en Quichua Cañar 1996

¹¹ Ñucanchicca imatapish yachashcatami ninchic, shinallatac imata ricushcatami huillanchic. Shina cacpipish, ñucanchic ima nishcataca mana cringuichicchu. Chaica chashnatacmi can.

SAN JUAN 3:11 Iomraidhean Croise

ISAÍAS 50:2

Ñuca shamushpaca, ¿imamantatac pitapish mana ricurcani? ¿Ñuca cayacpica, ima nishpatac pi mana cutichirca? ¿Manachu ñuca maquica cancunata quishpichipac? Cancunata quishpichingapacca, ¿manachu poderta charini? Riquichic, ñucaca rimashpallami mama cuchata chaquichini. Jatun yacucunatapish chaquishca pambatami ruhuani. Chaipi tiyac challuacunaca yacu mana tiyashcamantami huañushpa ismun.

ISAÍAS 53:1

Ñucanchic huillashcataca, ¿pitac crishcayari? Mandac Diospac podertaca, ¿pitac ricushcayari?

ISAÍAS 55:4

Ñucami paitaca gentecunaman huillachun, llactacunata mandac cachun churarcani.

ISAÍAS 65:2

Punzhantami mana cazushpa, quiquin munashca ruhuashpa causac gentecunataca maquita chutashpa cayarcani.

SAN MATEO 11:27

Ñuca Taitaca tucuitami ñucamanca curca. Ñuca pipac Churi cashcataca, pi mana yachanchu, ñuca Taitallami yachan. Ñuca Taita pi cashcataca, pi mana yachanchu, ñucallami yachani. Pipish ñuca yuyaita cucllapimi, ñuca Taita pi cashcataca yachan.

SAN MATEO 23:37

¡Jerusalén, Jerusalén! ¡Canmi Dios ima nishcata huillaccunata huañuchingui! Dios huillachun cachashcacunatapish rumihuanmi shitangui. Tauca cutinmi mama huallpa chuchicunata ucllac shina, tandachisha nircani. Chashna tandachisha nicucpipish, mana uyarcanguichu.

SAN LUCAS 10:22

Ñuca Taitaca tucuitami ñucaman curca. Ñuca pipac Churi cashcataca pi mana yachanchu, ñuca Taitallami yachan. Ñuca Taita pi cashcatapish pi mana yachanchu, ñucallami yachani. Pipish ñuca yuyaita cucllapimi, ñuca Taita pi cashcataca yachancuna» nirca.

SAN JUAN 1:11

Paipac gentecunapacmanmi shamurca. Ashtahuanpish paipac gentecunaca mana chasquircachu.

SAN JUAN 1:18

Diostaca jaicapi pi mana ricushcachu. Ashtahuanpish Dios-huan causac, paipac shuclla Churimi Dios ima shina cashcataca ricsichirca. Paica Diosllatacmi.

SAN JUAN 12:49

Mana ñuca munaimantachu rimacuni, ashtahuanpish ñucata cachac Taita imata mandashcallatami huillashpa rimani.

SAN JUAN 14:24

Maijanpish ñucata mana cuyacca, ñuca rimashcacunataca mana cazunchu. Cancuna uyacuc ñuca rimashcacunaca mana ñuca munaimantachu, ashtahuanpish ñucata cachac Taitamantami.

SAN JUAN 3:12

Cai pachapi ima tiyashcamanta huillacpi mana crishpaca, ¿ima shinatac jahua pachamanta huillacpica cringuichicyari?

SAN JUAN 3:13

Jahua pachamanca pi mana rishcachu, ashtahuanpish Runa Tucungapac shamushca ñucallami jahua pachamanta shamurcani. Ñucami jahua pachapi causacca cani.

SAN JUAN 3:3

Shina nicpimi Jesusca: —Maijanpish mana cutin huacharicca, Dios mandacuctaca mana ricungachu. Chaica chashnatacmi canga— nirca.

SAN JUAN 3:5

Shina nicpimi Jesusca: —Maijanpish yacumanta, Diospac Espiritumanta mana huacharicca, Dios mandacucmanca manatac yaicungachu. Chaica chashnatacmi canga.

SAN JUAN 5:43

Ñuca Taitapac shutipi shamucpipish chasquinguichicchu, ashtahuanpish maijan pai quiquinllamanta shamucpica chasquinguichicmanmi.

SAN JUAN 7:16

Shina nicpimi Jesusca: —Ñuca yachachishcaca mana ñuca munaimantachu, ashtahuanpish ñucata cachac Diosmantami.

SAN JUAN 8:14

Shina nicpimi Jesusca: —Ñucaca maimanta shamushcatapish, maiman ricushcatapish yachanimi. Chaimantami ñucallamanta huillacushcapish, mana yangalla can. Ashtahuanpish cancunaca ñuca maimanta shamushcatapish, maiman ricushcatapish mana yachanguichicchu.

SAN JUAN 8:26

Cancunata juchanchishpa, tauca ninacunatami charini. Shina cashpapish ñucata Cachacca imatapish cashcatami nin. Ñucaca pai imata nishcallatami nini— nirca.

SAN JUAN 8:38

Ñucaca, ñuca Taitahuan cashpa, ricushcallatami huillani. Cancunaca cancunapac taita nishcallatami ruhuanguichic— nirca.

HECHOS 22:18

Paica: “Cai Jerusalenmanta utca llucshishi. Can ñucamanta huillashcataca mana uyangacunachu” nirca.

2 CORINTIOS 4:4

Paicunaca mana crinchu. Dios ima shina cashcata ricuchic, sumac Cristomanta achicyachic luz shina alli huillaita ama entendichunmi, paicunapac yuyaitaca cai pachapi mandac Satanasca amsayachishpa charicun.

APOCALIPSIS 1:5

Cai pachapi tiyac jatun mandaccunata Mandac, huañushcacunapuramanta punta causaric, shinallatac Diosmanta allita huillac Jesucristo cancunaman sumac causaita cuchunmi munani. Ñucanchicta cuyac, paipac yahuarhuan juchacunamanta ñucanchicta pichac,

APOCALIPSIS 3:14

Laodicea pueblopi cac tandanacushca criccunata ricuc angelman quillcai: “Dios-huan cai pachapi tucui ima tiyashcatapish ruhuac, imatapish cashcata nic, imatapish pactachic, shinallatac chashna cachunca nicca: