SAN JUAN 21:19 - Dios Rimashcata Quillcashcami

¹⁹ Jesús chashna nishpaca, Pedro ima shina huañunamanta, shinallatac huañushpa Dios jatun cashcata ricuchinamantami entendichicurca. Chai quipaca: —Ñucata catilla— nircami.

Nuevo Testamento en Quichua Cañar 1996

¹⁹ Jesús chashna nishpaca, Pedro ima shina huañunamanta, shinallatac huañushpa Taita Dios jatun cashcata ricuchinamantami entendichicurca. Chai q'uipaca: —Ñucata c'atilla— nircami.

SAN JUAN 21:19 Iomraidhean Croise

NÚMEROS 14:24

Shina cacpipish, ñucata servic Calebca shuctac yuyaiyuc cashpami ñuca nishcata uyashpa, ñucata catishpa, risha nirca. Chaimantami paitaca ricumushca llactamanca yaicuchisha. Chashnallatac paipac huahua huahuacunami chai allpataca japinga.

SAN MATEO 10:38

Maijanpish cruzpi chacatashca shina llaquita mana apasha nicca, mana ñucapacchu.

SAN MATEO 19:28

Chaimantami Jesusca: —Cai pachata Dios mushucta ruhuacucpimi, Runa Tucungapac shamushca ñucaca, sumaimana achicllapi mandai callarisha. Chaipica cancunapish ñucata caticcuna cashcamantaca, chunga ishcai mandaccuna mandashpa tiyarinapi tiyarishpami, chunga ishcai Israel aillucunata mandanguichic. Chaica chashnatacmi canga.

SAN MATEO 8:22

Shina nicpimi Jesusca: —Saqui, huañushcacuna huañushcacunata enterrachun. Canca catilla— nirca.

SAN JUAN 12:26

Maijanpish ñucata servisha nicca ñucata catichun. Ñucata servicca maipimi ñuca cani, chaipimi canga. Maijanpish ñucata servictaca ñuca Taitami alli ninga.

SAN JUAN 12:33

Chaitaca pai ima shina huañuna cashcata entendichingapacmi nirca.

SAN JUAN 18:32

Chashnami, Jesús pai ima shina huañunata huillashcaca pactarca.

SAN JUAN 21:18

Huambrarac cashpaca, canllatacmi chumbillirishpa maiman risha nishpapish ric carcangui. Shina cacpipish yuyac cacpica, rigrata chutacpimi, cantaca shuc chumbillichinga, shinallatac can mana risha nishcamanmi pushanga. Chaica chashnatacmi canga— nirca.

SAN JUAN 21:22

Chashna tapucpi Jesusca: —Ñuca cutimungacaman paita causacuchunlla nicpipish, ¿canmanca imatac curinyari? Ashtahuanpish canca ñucata catilla— nirca.

FILIPENSES 1:20

Imamanta mana pingaichishca canatami, ñuca tucui shunguhuan munani. Shinallatac ñuca causaipi ima ruhuashcacunahuan, ñuca huañushca quipapish Cristoca tucuipac alli nishca cachunmi munani. Chaimantami cunanpish, tucui punzhacunapish paimanta mana manchashpa huillasha nini.

2 PEDRO 1:14

Ñucanchic Apunchic Jesucristoca ñuca cai pachata saquishpa, utca huañuna cashcatami yachachirca.

1 SAMUEL 12:20

Shina nicpimi Samuelca: —Ama manchaichicchu. Ari cunanca cai tucui juchatami ruhuarcanguichic. Shina cacpipish, chai tucuita ruhuashcamantaca cunanca, Mandac Diosta catinataca mana saquishpami, tucui shunguhuan servina canguichic.