SAN JUAN 20:9 - Dios Rimashcata Quillcashcami

⁹ Paicunaca Dios quillcachishcapi: “Paica causaringatacmi” nishpa huillashcataca manarac entendircachu.

Nuevo Testamento en Quichua Cañar 1996

⁹ Shina cacpipish, paicunaca Dios quillcachishcapi: “Paica causaringatacmi” nishpa huillashcataca manarac entendircacunachu.

SAN JUAN 20:9 Iomraidhean Croise

SALMOS 16:10

Ñuca almata Seolpica mana saquinguichu. Cambaclla ñuca aichatapish mana ismuchun saquinguichu.

SALMOS 22:15

Ñuca shimipish chaquishca callana shinami. Ñuca callupish chaquishpami, palancarapi llutarin. Huañushpa allpa tucuchunmi saquishcangui.

ISAÍAS 25:8

Mandac Diosca huañuitaca huiñaipacmi tucuchinga. Tucuipac ñahuimantami huiquita pichanga. Pai acllashcacunata pingaichiccunatapish tucui cai pachamanta anchuchingami. Chaitaca Mandac Diosmi nin.

ISAÍAS 26:19

Cambac huañushcacunaca causaringami. Huañushca cuerpoca jataringami. ¡Allpapi samaricuccunalla, riccharishpa cantaichicyari! Garua tamyahuan muyu huiñac shinami, allpamanta llucshimunga. Cai pachaca huañushcacunata cutichingami.

OSEAS 13:14

Paicunataca, ¿Seolman rinamanta anchuchishachu? ¿Huañuimanta quishpichishachu? Ñuca anchuchingapacca, ¿maipitac huañuica? Ñuca canta tucuchingapac, ¿maipitac Seolca? Cai runacunataca mana llaquinichu.

SAN MATEO 22:29

Chashna nicpimi Jesusca: —Cancunaca, Dios quillcachishcatapish, Diospac podertapish mana yachashpami, yalli pandaricunguichic.

SAN LUCAS 24:26

¿Manachu Cristoca jahua pachapi Dios alli nishca cangapacca, llaquitarac apana carca?— nirca.

SAN LUCAS 9:45

Yachacuccunaca Jesús chashna nishcataca mana entendircachu. Chaica, paicunaca chaita entendingapacca manarac yuyaita charircachu. Chashna mana entendishpapish, manchashpami mana tapurcacuna.

SAN JUAN 2:22

Chaimantami paipac yachacuccunaca Jesús causaricpica, pai chashna nishcata yuyarishpa Dios quillcachishcatapish, Jesús ima nishcatapish crircacuna.

HECHOS 17:3

Chaipimi Pabloca Quishpichic Cristoca llaquita apashpa, huañuna cashcamantapish, huañushcacunapuramanta causarishcamantapish entendichicurca. Chashna entendichishpami Pabloca: «Ñuca cancunaman huillacushca Jesusca Quishpichic Cristomi» nirca.

HECHOS 2:24

Chashna huañuchicpipish, Diosca llaquiman apac huañuimantaca cacharichishpami causachirca. Huañuica Jesustaca mana charicui pudircachu.

1 CORINTIOS 15:4

Shinallatac Dios quillcachishcapi nishca shinami, enterrashca cashpapish, quimsa punzhapica causarirca.