SAN JUAN 20:1 - Dios Rimashcata Quillcashcami

¹ Semana callari punzha, manarac alli achicyacpimi, Magdala pueblomanta Mariaca Jesusta enterrashcaman rirca. Chayashpaca enterrashca pungupi churashca rumita anchuchishcatami ricurca.

Nuevo Testamento en Quichua Cañar 1996

¹ Semana callari domingo punzha manarac alli achicyamucucpimi, Magdala pueblomanta Mariaca maipi Jesusta enterrashcaman rirca. Pai chaiman chayashpaca, enterrashca pungupi churashca rumita anchuchishcatami ricurca.

SAN JUAN 20:1 Iomraidhean Croise

SAN MATEO 27:56

Paicunapurapica Magdala pueblomanta Mariapish, Jacobopac, Josepac mama Mariapish, Zebedeopac churicunapac mamapishmi carca.

SAN MATEO 27:60

Chashnami cunanlla ruhuashca enterrana jutcupi churarca. Chai jutcutaca Josellatacmi ruhuachishca carca. Chaipimi Jesuspac cuerpota churashpa, jatun rumihuan jarcashpa rirca.

SAN MATEO 27:64

Chaimanta quimsa punzhacaman cuerpo enterrashcata cuidachun cachai. Pacta yachacuccuna tuta shamushpa, paipac cuerpota shuhuanman. Chashna shuhuashpaca: “Jesusca ñami causarishca” nishpami, gentecunata crichinga. Chashna ruhuashpacarin, punta llullashcata atishpami ashtahuan llullanga— nircacuna.

SAN MATEO 27:66

Chashnami chai jutcuta huichcashca rumita ama pipish cuyuchichun, sellota churashpa, soldadocunatapish cuidachunmi saquirca.

SAN MATEO 28:1

Samana punzha cayandi domingo pacarinatami Magdala pueblomanta Mariaca caishuc Mariahuan Jesusta enterrashcata ricungapac rirca.

SAN MATEO 28:2

Paicuna chayacucpimi, cungailla allpa yallita chucchurca. Mandac Diospac angelmi jahua pachamanta shamushpa, Jesusta enterrashcata huichcashca rumita anchuchishpa, chai rumi jahuapi tiyarirca.

MARCOS 15:46

Chaimantami Joseca shuc jatun lienzo pañota randishpa, Jesuspac cuerpota uricuchishpa, chai lienzohuan pillushpa, rumi quingrai jutcushcapi churarca. Chaimantaca shuc jatun rumita singuchishpami, chai jutcu pungutaca jarcarca.

MARCOS 16:9

[Jesús semana callari punzha, tutamanta causarishpaca, Magdala pueblomanta Mariamanmi punta ricurirca. Chai Mariamantami Jesusca canchis supaicunata llucchishca carca.

SAN JUAN 11:38

Cutinllatacmi Jesusca shungupi llaquirishpa, chai enterrashca cuchuman rirca. Chai jutcuca quingraipimi jatun rumihuan jarcashca carca.

SAN JUAN 11:41

Jesús shina nicpimi, enterrashcata tapashca rumita cutichirca. Jesús jahua pachata huichailla ricushpaca: —Taitalla, ñuca mañashcata uyashcamanta pagui ninimi.

SAN JUAN 19:25

Jesusta chacatashca cuchupica paipac mamapish, paipac mamapac ñañapish, Cleofaspac huarmi Mariapish, Magdala pueblomanta Mariapishmi carca.

SAN JUAN 20:26

Pusac punzha quipami, cutin yachacuccunaca chai ucullapitac tandanacushca carcacuna. Shinallatac Tomaspish chaipimi carca. Huasi pungucuna huichcashca cacpimi, Jesusca cutin paicunapacman chayashpa chaupipi shayarishpaca: —Cushicuichic, ama manchaichicchu— nirca.

HECHOS 20:7

Semana callari punzhapica, tucui criccunami Jesús huañushcata yuyarishpa, tandata micungapac tandanacurcanchic. Pabloca cayandi ña rina cashcamantami, chaupi tutacaman yachachicurca.

1 CORINTIOS 16:2

Ñuca chayac rato mana tandacungapacca, cada semana callari punzhapimi, tucui mashna asha ofrendata tandachishpa charicuna canguichic.

APOCALIPSIS 1:10

Chaipimi, Apunchic Jesuspac punzhapi Diospac Espíritu ñucata japicpi, ñuca huashamantaca shuc cornetapi tocac shina sinchita rimashca uyarishpaca: