SAN JUAN 2:5 - Dios Rimashcata Quillcashcami

⁵ Shina nicpimi, mamaca serviccunataca: —Tucui pai nishcata ruhuanguichic— nirca.

Nuevo Testamento en Quichua Cañar 1996

⁵ Shina nicpi, serviccunata paipac mamaca: —Tucui pai ima nishcata ruhuanguichic— nirca.

SAN JUAN 2:5 Iomraidhean Croise

GÉNESIS 41:55

Tucui Egipto llactapi causaccunata yarcai japicpica, Faraonmanmi micunata cui ningapac rircacuna. Shina ricpimi, Faraonca tucui Egiptopi causaccunataca: «Josepacman rishpa, pai ima nishcata ruhuaichic» nirca.

GÉNESIS 6:22

Shina mandacpica, Noeca Dios nishca shinami ruhuarca.

EZEQUIEL 12:7

Shina nicpica, pai mandashca shinami, punzha pacha prezucuna shina, quipita apashpa llucchircani. Ña amsayanatami ñuca quiquin maquihuan pircata jutcushpa, paicuna ricucucpi, quipita humbroschishpa llucshircani.

SAN MATEO 12:46

Jesús huillacucpimi, paipac mamapish, huauquicunapish paihuan parlasha nishpa, canzhapi shayacurca.

SAN JUAN 15:14

Cancuna ñuca mandashcacunata pactachishpaca, ñuca amigocunami canguichic.

HECHOS 9:6

Chaimanta Saulo manchaihuan chucchushpaca: —Cunanca, ¿imatatac ruhuachun ningui?— nirca. Shina nicpimi, Apunchic Jesusca: —Jatarishpa, Damasco pueblollamantac ri. Chaipimi can imata ruhuana cashcataca huillanga— nirca.

HEBREOS 11:8

Crishcamantami Abrahampish Dios cayacpica, cazushpa Dios cusha nishca llactaman rirca. Paica maiman ricushcata mana yachashpapish llucshircallami.

HEBREOS 5:9

Chai shina tucui Dios nishcata pactachishpami, tucui paita cazuccunapac huiñaita quishpichic tucurca.

JUECES 13:14

Uvasmanta ruhuashcataca imatapish ama micunguichu, vinotapish, machana yacutapish ama ubianguichu. Shinallatac imapish mapayachictaca ama micunguichu. Tucui ñuca mandashcatami pactachina can— nirca.

RUT 3:6

Rut trillana pambaman rishpaca paipac suegra nishca shinami tucuita ruhuarca.