SAN JUAN 2:4 - Dios Rimashcata Quillcashcami

⁴ Shina nicpimi Jesusca: —Mamita, ¿ima nishpatac chashna ningui? Ñuca pi cashcata ricsichina horasca manarac chayamunchu— nirca.

Nuevo Testamento en Quichua Cañar 1996

⁴ Shina nicpi Jesusca: —Mamita, ¿ima nishpatac chashnaca nicungui? Ñuca imatapish ruhuana pachaca manarac chayamunchu— nirca.

SAN JUAN 2:4 Iomraidhean Croise

2 SAMUEL 16:10

Shina nicpimi, jatun mandacca: —Sarviapac huahuacunalla, ¿Caicunataca ñucaca ima ricunatatac charini? Mandac Diosllatac: “Davidta maldiciai” nishca cacpica, ¿pitac paicunataca “mana allitami ruhuacungui” ninga?— nirca.

2 SAMUEL 19:22

Shina nicpimi Davidca: —Sarviapac huahualla, ¿ima nishpatac ñucataca piñanacuipi churashun ninguichicyari? ¿Cancunataca imatatac ruhuashcaniyari? Israelcunata jatun mandacmi cani. Israelpuramantaca shucllapish mana huañungachu— nirca.

1 REYES 17:18

Chaimantami chai huarmica Eliastaca: —Diospac runa cantaca ¿Ima mana allitatac ruhuashcaniyari? ¿Ñuca juchacunata yuyachishpa, ñuca cari huahuata huañuchingapacchu ñucapacman shamurcangui?— nirca.

ECLESIASTÉS 3:1

Cai pachapica tucui ruhuaipacmi punzha tiyan. Tucui ruhuaicunami quiquin horasta charin.

SAN MATEO 15:28

Shina nicpimi Jesusca: —¡Huarmi, canca tucui shunguhuanmi crishcangui! Chaimanta can munashca shina ruhuarichun— nirca. Shina nincami, chai huarmipac huahuaca alli tucurca.

SAN MATEO 8:29

Paicuna Jesuspacman chayashpaca: —Diospac Churi Jesús, ¿imatatac nic shamungui? ¿Canca manarac llaquichina punzha chayamucpichu llaquichi shamungui?— nishpa caparirca.

SAN LUCAS 2:49

Chaimantami Jesusca: —¿Imapactac mashcacurcanguichic? ¿Manachu Taitapac huasipi ñuca cana cashcataca yacharcanguichic?— nirca.

SAN JUAN 12:23

Shina huillacpimi Jesusca: —Runa Tucungapac shamushca ñucata jatunyachina punzhami chayamushca.

SAN JUAN 13:1

Pascua fiesta punzhacuna manarac chayacpimi, Jesusca cai pachamanta paipac Taitapacman rina horas chayashcata yacharca. Cai pachapica paita caticcunataca yallitami Jesusca cuyarca. Shinami tucuringacaman cuyarca.

SAN JUAN 2:3

Chai bodapi vino tucuricpimi, Jesuspac mamaca: —Vino tucurishcami— nirca.

SAN JUAN 20:13

Chai angelcuna tapushpaca: —¿Ima nishpatac huacacungui?— nicpimi paica: —Ñucata Mandac Apunchic Jesuspac cuerpotami maimanchari apashcacuna. Maipi churashcata mana yachanichu— nirca.

SAN JUAN 20:15

Jesusca chai huarmitaca: —¿Ima nishpatac huacacungui? ¿Pitatac mashcacungui?— nirca. Shina nicpi, chai huarmica “huertata cuidacmi canga” yuyashpami: —Amito, can maipi churangapac apashca cashpaca huillai, ñuca mashcangapac ringapac— nirca.

SAN JUAN 7:30

Jesusta prezushun nicushpapish manarac prezuna horas cacpimi, pi mana japirca.

SAN JUAN 7:6

—Ñucapac horasca manarac chayamunchu. Cancunamanmi ima horaspish alli.

SAN JUAN 7:8

Chai fiestamanca richiclla. Ñucapac horas manarac chayamushcamantami, ñucaca mana rini— nirca.

SAN JUAN 8:20

Jesusca caicunataca Diosta mañana huasipi, ofrenda churana ladopimi yachachirca. Paita japina horas manarac chayamucpimi, paitaca pi mana japirca.

2 CORINTIOS 5:16

Ñucanchicca pitapish caimanta ñaupamanca gentecuna yuyashca shinaca, ña mana yuyanchic. Ñaupaman gentecuna Cristomanta yuyashca shina yuyac cashpapish, cunanca ña mana chashna yuyanchicchu.

DEUTERONOMIO 33:9

Paimi taita mamataca: “Mana ricsinichu” nirca. Paipac huauquicunatapish, huahuacunatapish mana ricsircachu. Paicunaca cambac nishcacunata cazurcami. Pai ari nishcatapish pactachircami.