SAN JUAN 2:25 - Dios Rimashcata Quillcashcami

²⁵ Jesusca gentecuna imata yuyacushcataca pi mana huillacpipish ña yacharcami. Gentecunapac shungu imata yuyacushcataca tucuitami yacharca.

Nuevo Testamento en Quichua Cañar 1996

²⁵ Jesusca paicuna ima laya cashcata pi mana huillacpipish, ña paicunapac shungu imata yuyacushcataca yacharcami.

SAN JUAN 2:25 Iomraidhean Croise

1 REYES 8:39

Shina mañacpica, can causana jahua pachapi uyashpami, paicunapac juchacunata perdonangui. Shina perdonashpaca, paicuna imata ruhuashpa causashca shinallatac cungui. Gentecunapac shungutaca canllami ricsingui. Canllami yachangui.

ISAÍAS 11:3

Paica Mandac Diosta manchashpami cushicunga. Paica mana ñahuita ricushpalla, shinallatac mana shuccuna nishcata uyashpalla taripangachu.

SAN MATEO 9:4

Jesús paicunapac yuyaita yachashpami, paicunataca: —¿Ima nishpatac cancunaca mana allita yuyacunguichic?

SAN JUAN 1:42

Andresmi Simontaca Jesuspacman pusharca. Chashna pushacpi, Jesús Simonta ricushpaca: —Juanpac churi Simonmi cangui. Cunanmantaca Cefas shutimi cangui— nirca. (“Cefas” nishpaca, “Pedro” nisha ninmi).

SAN JUAN 1:47

Jesús, Natanael cuchuyacta ricushpaca: —Israel runatacmi shamushpa caipi can. Paica jaicapi mana llullanchu— nirca.

SAN JUAN 13:11

Jesusca maijan paita japichigricushcata yachashcamantami: “Mana tucuichu chuyanlla canguichic” nirca.

SAN JUAN 6:61

Chashna nishcamanta, huashalla parlanacucucta Jesús yachashpaca: —¿Cai nishcaca llaquichinchu?

SAN JUAN 6:64

Shina cacpipish, cancunapuramanta maijancunaca mana cringuichicchu— nirca. Jesusca utcamanmi maijanlla paita mana crigricushcatapish, maijan japichigricushcatapish yacharca. Chaimantami chashna nirca.

DEUTERONOMIO 31:21

Paicuna manchaihuan, llaquihuan cacpica, cai cantomi paicunata yuyachinga. Paicunapac ñaupa taitacunaman cushami nishca llactaman manarac yaicucpimi, paicunapac yuyaicuna ima shina cashcata ñucaca yachasha. Chaimanta paicunapac huahuacunami chaita cantashpa yuyaringa» nirca.