SAN JUAN 2:16 - Dios Rimashcata Quillcashcami

¹⁶ Shinallatac palomata catuccunataca: —¡Caicunata caimanta llucchichic! ¡Ñuca Taitapac huasitaca ama randina, catuna huasita ruhuaichicchu!— nirca.

Nuevo Testamento en Quichua Cañar 1996

¹⁶ Shinallatac palomata c'atuccunatapish: —¡Caimanta palomacunata llucchichic! ¡Ñuca Taitapac huasitaca ama randina, c'atuna huasita ruhuaichicchu!— nirca.

SAN JUAN 2:16 Iomraidhean Croise

JEREMÍAS 7:11

Cancunaca ñuca shutita mañana huasitaca, ¿shuhuaccuna miticuna jutcu cashcatachu yuyanguichic? Cancuna imata ruhuacuctaca ñucapish ricucunimi.

SAN MATEO 21:12

Jesús Diosta mañana huasiman yaicushpaca, chai ucupi catushpa, randishpa tiyaccunatami llucchishpa cacharca. Cullquita cambiana mizacunatapish, paloma catuna mizacunatapish

SAN MATEO 21:13

tigrachishpaca: «Dios quillcachishcapica: “Ñuca huasica, ñucaman mañana huasimi” ninmi. Ashtahuanpish cancunaca shuhuaccuna miticuna machaitami ruhuashcanguichic» nirca.

SAN MATEO 22:5

Chashna cayacpipish, mana uyashpami maijancunaca trabajangapac, maijancunaca catungapac rircacuna.

MARCOS 11:17

Jesusca chaipi caccunataca yachachishpaca: —Dios quillcachishcapica: “Ñuca huasica tucui llactamanta shamuccuna ñucata mañana huasimi canga” ninmi, ashtahuanpish cancunaca shuhuaccuna miticuna machaitami ruhuashcanguichic— nirca.

SAN LUCAS 2:49

Chaimantami Jesusca: —¿Imapactac mashcacurcanguichic? ¿Manachu Taitapac huasipi ñuca cana cashcataca yacharcanguichic?— nirca.

SAN JUAN 10:29

Paicunata ñucaman cuc Taitaca tucuimanta yallimi. Paipac maquimantaca pi mana quichungachu.

SAN JUAN 2:15

Chaita ricushpaca, anguta patarishpami chaipi catuccunataca ovejandi, huagrandi tucui llucchishpa cacharca. Cullquita cambiaccunatapish, mizacunata tigrachishpami shic-huarca.

SAN JUAN 20:17

Shina nicpimi Jesusca: —Ñucaca manarac ñuca Taitapacman huichai rinichu. Chaimanta ama ashtahuan tuparichu. Shina cacpipish ri, ñuca yachacuccunamanca: ‘Ñucaca ñucapacpish, cancunapacpish Taitapacman, shinallatac ñucapacpish, cancunapacpish Diospacmanmi huichai rigrini’ ninmi, nishpa huillagri— nirca.

SAN JUAN 5:17

Ashtahuanpish Jesusca: —Ñuca Taitaca cunancamanmi caicunataca ruhuacun. Ñucapish caicunata ruhuacunimi— nirca.

SAN JUAN 8:49

Shina nicpimi Jesusca: —Ñucaca mana supaihuan canichu. Ñucaca Taitatami jatunyachini, ashtahuanpish cancunaca ñucataca mana jatunyachinguichicchu.

1 TIMOTEO 6:5

Cashcata nishcata saquishpa millai yuyaiyuccunahuan mana alli tucushpa piñanacuna yuyaillami can. Paicunaca chayucyana yuyaillahuanmi Diosta cric tucuncuna.

2 PEDRO 2:3

Paicunaca cullquita japingaraicumi, cancunamanca yachachishpa chayucyangacuna. Paicunataca ña utcamanta pachami, llaquimanmi ringuichic nishca can. Chai llaquimantaca manatac quishpiringacunachu.