SAN JUAN 19:41 - Dios Rimashcata Quillcashcami

⁴¹ Jesusta chacatashca cuchupica, shuc huertami tiyarca. Chai huertapica pitapish manarac enterrashca, shuc mushuc sepulturami tiyarca.

Nuevo Testamento en Quichua Cañar 1996

⁴¹ Maipimi Jesusta chacatashca cashcapica, shuc huertami tiyarca. Chai huertapica shuc mushuc sepulturami tiyarca. Chaipica pitapish manarac enterrashcami carca.

SAN JUAN 19:41 Iomraidhean Croise

2 REYES 23:30

Chashna huañuchicpimi, paita serviccunaca Meguido pambamanta shuc carretapi Jerusalenman apashpa paita enterrana jutcullapitac enterrarca. Chai quipami Judá llactapi causaccunaca Josiaspac churi Joacazta paipac randi jatun mandac cachun aceitehuan cahuirca.

ISAÍAS 22:16

“¿Canca caipica imatatac charingui? Mana cashpaca, ¿pitac enterrangapacta lomacunapi, quingraicunapi jutcuta ruhuaccuna shina, enterrana jutcuta caipi ruhuachircangui?

SAN MATEO 27:60

Chashnami cunanlla ruhuashca enterrana jutcupi churarca. Chai jutcutaca Josellatacmi ruhuachishca carca. Chaipimi Jesuspac cuerpota churashpa, jatun rumihuan jarcashpa rirca.

SAN LUCAS 23:53

Jesuspac cuerpota cruzmanta uricuchishpa pañohuan pillushpami, rumi quingrai jutcushca sepulturapi churarca. Chaipica pitapish manarac enterrashcami carca.

SAN JUAN 19:42

Israelcuna Pascua fiestapac allichirina punzha chayamucushcamanta, chai sepultura cuchullapi cashcamantami, Jesuspac cuerpotaca utca chaillapi churarca.

SAN JUAN 20:15

Jesusca chai huarmitaca: —¿Ima nishpatac huacacungui? ¿Pitatac mashcacungui?— nirca. Shina nicpi, chai huarmica “huertata cuidacmi canga” yuyashpami: —Amito, can maipi churangapac apashca cashpaca huillai, ñuca mashcangapac ringapac— nirca.