SAN JUAN 19:36 - Dios Rimashcata Quillcashcami

³⁶ Caicunaca Dios quillcachishcapi: “Shuc tullullatapish mana paquingachu” nishcami pactarca.

Nuevo Testamento en Quichua Cañar 1996

³⁶ Caicunaca Dios quillcachishcapi nishca pactachunmi, chashnaca tucurca. Chaipica: “Shuc tullullatapish paitaca mana p'aquingachu” ninmi.

SAN JUAN 19:36 Iomraidhean Croise

2 REYES 15:12

Mandac Dios Jehuta rimashpaca: «Cambac huahuacunami chuscu miranacuicaman Israel llactata mandanapi tiyaringa» nirca. Chaica chashnami tucurca.

SALMOS 22:14

Ñucaca talliricuc yacu shinami tucuricuni. Ñuca tullucunapish tucui quihuirishcami. Ñuca shunguca huira nuyucuc shinami tucuricun.

SALMOS 34:20

Paitaca shuc tullullapish paquirichunca mana saquingachu.

SALMOS 35:10

Chaimantami ñuca tullucuna cushicushpaca: «Mandac Dioslla, ¿Pitac can shina tiyanyari? Canmi llaquilla runataca paita yalli sinchi runacunapac maquimanta cacharichingui. Imata mana charictapish, huaccha runatapish llaquichic runapac maquimantami quishpichingui» ningacuna.

ÉXODO 12:46

Chai micunataca huasimanta mana llucchishpami huasillapi micuna canguichic. Shinallatac tullucunatapish mana paquinachu canguichic.

NÚMEROS 9:12

Chaitaca cayandi punzhapacca mana huacaichinachu, shinallatac chai animalpac tullutapish mana paquinachu. Ima shina mandashca shinami ruhuana can.

SAN MATEO 1:22

Tucui chaicunaca ñaupa Dios paimanta huillacman huillachishca pactachunmi, chashnaca tucurca.

SAN JUAN 13:18

Mana tucui cancunamantachu nicuni. Maijanlla ñuca acllashca cashcataca yachanimi. Dios quillcachishcapi: “Ñucahuan micucucllatacmi ñucataca piñanga” nishca pactachunmi, chashnaca tucunga.

SAN JUAN 19:24

Chaimantami soldadocunaca: —Ama lliquishun, ashtahuanpish suerteta ruhuashpa, japishun— ninacurca. Chashnami Dios quillcachishcapi: «Ñuca churanacunataca chaupinacurcami. Cutin ucu churanataca suerteta ruhuashpami japirca» nishcaca pactarca. Chashnami soldadocunaca ruhuarca.

SAN JUAN 19:28

Chai quipami, Jesusca tucuita pactachishcata ña yachashpa, Dios quillcachishcapi nishca pactachun “yacunayanmi” nirca.