SAN JUAN 19:30 - Dios Rimashcata Quillcashcami

³⁰ Chai vinagreta Jesús ubiashpaca: “Ña tucuchishcami” nircami. Chashna nishpaca, umata huarcushpa, paipac espirituta Diosman mingashpa huañurcallami.

Nuevo Testamento en Quichua Cañar 1996

³⁰ Chai vinagreta Jesús ubiashpaca: “Ña tucuchishcami” nircami. Chashna nishpaca, umata huarcushpa, paipac espirituta Diosman mingashpaca huañurcallami.

SAN JUAN 19:30 Iomraidhean Croise

GÉNESIS 3:15

Canhuan, cai huarmihuan, cambac huahuacunahuan, cai huarmipac huahuacunahuan piñanacuchunmi churani. Cai huarmipac huahuaca cantaca umapimi sarunga. Canca chaqui talonllapimi caningui— nirca.

SALMOS 22:15

Ñuca shimipish chaquishca callana shinami. Ñuca callupish chaquishpami, palancarapi llutarin. Huañushpa allpa tucuchunmi saquishcangui.

ISAÍAS 53:10

Chaica, Mandac Diosmi paita llaquichinata munarca. Ñucanchic juchacunamanta animalta tucui rupachic shina, pai tucushcataca quipa miraicuna ricungami. Shinallatac unaitami causanga. Mandac Dios munashca shinami causanga.

ISAÍAS 53:12

Chaimantami Diosca paitaca alli nishcacunahuan pacta churanga. Sinchi runacunahuanmi quichushcacunataca chaupinacunga. Chaica, paica huañungacamanmi yallita llaquita aparca. Paica achcacunapac juchata aparishpami juchayuc shina tucurca. Juchayuccunamantami mañarca.

DANIEL 9:24

Israelcunapacpish, Diospac acllashcacunapacpishmi canchis chunga semanacunata chicanyachishca tiyacun. Chai semanacunapimi mana cazunatapish, juchata ruhuanatapish saquinga. Shinallatac chai semanacunallapitacmi mana allita ruhuashcatapish pichanga, huiñaita cashcata ruhuanga. Muscuipi shina ricushcatapish, Dios huillachishcatapish sellanga. Shinallatac Diospac caccunata aceitehuan cahuishpa ashtahuan Diospacllata ruhuanga.

DANIEL 9:26

Sucta chunga semana quipa Dios cachashca quishpichicta huañuchicpica, imata mana charic saquiringachu. Shuctac jatun mandacpac gentecuna shamushpami, Jerusalentapish, Diospaclla chicanyachishca ucutapish tucui tucuchinga. Yacu jundashpa shamuc shinami tucuchinga. Jatun macanacuita tucuchingacaman llaquichinami tiyacunga.

ZACARÍAS 13:7

Tucuita Mandac Diosca: «¡Espadalla, michictapish, ñuca ricsiccunatapish llaquichingapac jatariyari! Chai michicta can chugrichicpi, ovejacuna caita chaita ricpica, ñucami huahua ovejacunata llaquichisha.

SAN MATEO 20:28

Chai shinallatacmi Runa Tucungapac shamushca ñucaca, mana servichingapac shamurcani, ashtahuanpish servingapac, huañushpa achcacunata quishpichingapac shamurcani— nirca.

SAN MATEO 27:50

Jesusca cutinllatac sinchita caparishpaca huañurcallami.

SAN MATEO 3:15

Shina nicpimi Jesusca: —Cunanca bautizailla. Ñucanchicca Dios mandashcatami pactachina canchic— nicpimi, Juanca bautizarca.

MARCOS 15:37

Jesusca sinchita caparishcahuan huañurcallami.

SAN LUCAS 22:37

Ñucaca ninimi: Ñuca ima tucunamanta Dios quillcachishcapica: “Juchayuc runacuna shinami huañunga” nishcaca, pactanatacmi can. Ñucamanta Dios quillcachishcaca pactanami can— nirca.

SAN LUCAS 23:46

Jesús sinchita caparishpaca: —Taitalla, cambac maquipimi ñuca espirituta mingani— nirca. Shina nishpaca huañurcallami.

SAN JUAN 10:11

Ñucami alli michicca cani. Alli michicca, ovejacunamanta huañuna cacpipish huañungalla.

SAN JUAN 10:18

Pipish ñuca causaita mana quichungachu, ashtahuanpish ñucallatacmi cusha. Huañungapacpish, causarinatapish poderta charinimi. Chashna ruhuachunmi, ñuca Taitaca mandarca— nirca.

SAN JUAN 17:4

Ñucaca cai pachapica canta jatunyachishcanimi, shinallatac imata ruhuachun nishcatapish tucuchishcanimi.

SAN JUAN 19:28

Chai quipami, Jesusca tucuita pactachishcata ña yachashpa, Dios quillcachishcapi nishca pactachun “yacunayanmi” nirca.

SAN JUAN 4:34

Shina nicpimi Jesusca: —Ñuca micunaca, ñucata cachac Diospac munaita ruhuanami, pai imata ruhuachun nishcata tucuchinami.

ROMANOS 10:4

Maijanpish crishpalla Dios chasquishca cachunca, Cristollami mandashcacunata pactachirca.

ROMANOS 3:25

Diosca gentecunamanta yahuarta jichashpa huañuchunmi Jesucristotaca cacharca. Jesucristota crishpallami quishpirinchic. Ñaupaca, Diosca mana piñaric cashpami, ñucanchic juchacunata perdonarca.

1 CORINTIOS 5:7

Pascua punzhapi levadura illac, cunanlla ruhuashca tanda shina cangapacca, mana alli levadurataca shitanami, canguichic. Chashna cachunmi, Pascua punzhapi Diosman cushpa, pactalla ovejata huañuchishca shina Apunchic Jesucristoca ñucanchicmanta huañurca.

FILIPENSES 2:8

Chashna aichayuc cashpapish Diosta cazuc cashcamantami, paillatac cruzpi chacatarishpa llaquita huañuchichunpish, mana misarishpa saquirca.

HEBREOS 12:2

Jesusta ricuc shina catishunchic. Paimantami crinapish tiyan. Paillatacmi alli cric cachun pushan. Paica quipaman yallita cushicuita japina cashcata yachashpami, cruzpi pingaichishca huañunatapish mana manchashpa huañurcalla. Chai quipaca Diospac alli maquimanmi tiyaringapac rirca.

HEBREOS 9:22

Mandashcapi nishca shinaca, animalpac yahuarmi juchacunata pichana carca. Animalpac yahuarta jichashpallami, juchata perdonana carca.