SAN JUAN 18:38 - Dios Rimashcata Quillcashcami

³⁸ Chaimantami Pilatoca: —¿Imatac chai cashcata ninaca?— nirca. Shina nishpami, Pilatoca cutin llucshishpa israelcunataca: —Ñucaca ima mana allita mana cai runapi tarinichu.

Nuevo Testamento en Quichua Cañar 1996

³⁸ Chaita uyashpa Pilatoca: —¿Imatac chai cashcata cazunaca?— nishpa tapurca. Shina nishpami, Pilatoca cutin llucshishpa israelcunamanca:*f** —Ñucaca ima mana allitaca mana cai runapica tarinichu.

SAN JUAN 18:38 Iomraidhean Croise

SAN MATEO 27:24

Tucui gentecuna mana uyashun nishpa, ashtahuan caparinacui callaricpimi, Pilatoca yacuta japishpa, maquita jahuashpaca: —Cai runata huañuchishpaca mana ñucachu juchayuc casha, ashtahuanpish cancunami juchayuc canguichic— nirca.

MARCOS 15:14

Chaimantami Pilatoca: —Cai runaca, ¿ima mana allitatac ruhuashcayari?— nirca. Chashna nicpicarin: —¡Cai runataca chacatailla!— nishpami, ashtahuan caparircacuna.

SAN LUCAS 23:4

Pilato curacunata mandac curacunatapish, gentecunatapish: —Cai runapica, ima juchata mana tarinichu— nirca.

SAN JUAN 18:33

Pilato pai mandashpa tiyana ucuman cutin yaicushpa, Jesusta cayashpaca: —¿Canchu israelcunata Jatun Mandac cangui?— nirca.

SAN JUAN 19:4

Pilato cutin llucshishpaca: —Riquichic, ima juchata paipica mana tarinichu, chaita yachaichic— nirca.

SAN JUAN 19:6

Chaita curacunata mandac curacunapish, Diosta mañana huasita cuidaccunapish ricushpaca: —¡Paitaca chacatailla, chacatailla!— nishpami caparircacuna. Shina caparicpimi Pilatoca: —Ñucaca paipica ima juchata mana tarinichu. Cancunallatac apashpa chacatagrichic— nirca.

HECHOS 17:32

Huañushcacunapuramanta causarinamanta Pablo huillacpica, maijanca burlashpa asircami. Cutin maijanca: «Shuc punzhami can huillashcataca ashtahuan uyashun» nircami.

1 PEDRO 1:19

ashtahuanpish Jesucristopac sumaimana valic yahuarhuanmi quishpichishca canguichic. Paica imapish mapa illac, sumaimana pactalla ovejata Diosman cushpa, rupachishca shinami carca.