SAN JUAN 18:28 - Dios Rimashcata Quillcashcami

²⁸ Curacunata mandac Caifaspac huasimantaca, Roma llactata mandashpa tiyana huasimanmi Jesusta aparcacuna. Ña tutamantami carca. Chaimantami Pascua micuita micungapacca ama mapayashun nishpa, israelcunaca jatun mandacpac ucuman mana yaicurca.

Nuevo Testamento en Quichua Cañar 1996

²⁸ Curacunata jatun mandac Caifaspac huasimantaca, Roma*f** llactata mandashpa tiyana huasimanmi Jesusta aparcacuna. Tutamanta ña pacarimugricucpimi, pascua*f** micuita micungapacca ama mapayashun nishpa, israelcunaca*f** jatun mandacpac ucumanca mana yaicurcacuna.

SAN JUAN 18:28 Iomraidhean Croise

SALMOS 35:16

Burlashpami yallita llaquichirca. Ñucata piñashpami quirucuna caniricurca.

PROVERBIOS 1:16

Mana allita ruhuangapacca callpashpami rincuna. Huañuchishpa yahuarta jichangapacca utcami rincuna.

PROVERBIOS 4:16

Paicunaca ima millaita mana ruhuashpaca, mana sueñuncunachu. Pitapish mana pandachishpaca, sueñuitapish mana charincunachu.

EZEQUIEL 45:21

Huata callari quilla, chunga chuscu punzhapica Pascua fiestatami ruhuashpa, canchis punzhata levadura illac tandata micunguichic.

MIQUEAS 2:1

¡Aij, millaillata yuyashpa causaccunalla! ¡Sueñushpa ima millaita ruhuanata yuyariccunalla! Ña pacarimucpica, paicuna yuyarishca shinallatacmi ruhuan. Paicunaca sinchi mandac cashpami chashna ruhuan.

SAN MATEO 27:27

Shina cucpimi, soldadocunaca Jesusta Pilato mandashpa tiyana jatun ucuman apashpa, caishuc soldadocunata Jesuspac muyundipi tandachirca.

MARCOS 15:16

Chaimantaca Pilato mandana jatun huasi pungu pambaman Jesusta apashpa, soldadocunata tandachirca.

SAN LUCAS 22:66

Ña punzhayacpimi, Israel curacunata mandac curacunapish, cunac yuyaccunapish, mandashcacunata yachachiccunapish tandanacushca mandaccunapacman Jesusta aparca. Chaiman apacpica:

SAN JUAN 11:55

Israelcunapac Pascua fiesta punzhacunaca ñami caillapi carca. Chaimantami chai punzhacuna manarac chayamucpi, achca gentecuna chuyayangapac Jerusalenman rircacuna.

SAN JUAN 18:13

puntaca Anaspacman aparcacuna. Anasca Caifaspac suegromi carca. Caifasca chai huatapica, curacunata jatun mandac curami carca.

SAN JUAN 18:15

Simón Pedropish, caishuc yachacucpishmi Jesustaca catishpa rirca. Chai yachacucca, curacunata jatun mandac curapac ricsishca cashpami, Jesus-huan jatun mandac curapac huasi ucuman yaicurca.

SAN JUAN 18:33

Pilato pai mandashpa tiyana ucuman cutin yaicushpa, Jesusta cayashpaca: —¿Canchu israelcunata Jatun Mandac cangui?— nirca.

SAN JUAN 18:39

Shina cacpipish, cancunaca Pascua fiestapi shuc prezuta cacharichun ninatami yachanguichic. ¿Manachu israelcunata Jatun Mandacta cacharichun ninguichic?— nirca.

SAN JUAN 19:11

Shina nicpimi Jesusca: —Dios mana canman cushca cacpica, ñucataca imata mana ruhuai pudinguimanchu. Shina cacpipish ñucata japichicmi canta atishpa yalli juchayucca— nirca.

SAN JUAN 19:14

Pascua fiestapac allichirina punzha, chaupi punzhapimi Pilatoca israelcunataca: —Riquichic, caipimi Jatun Mandacca— nirca.

SAN JUAN 19:9

mandashpa tiyana ucuman yaicurca. Chashna yaicushpaca Jesustaca: —¿Maimantatac cangui?— nirca. Shina tapucpipish, Jesusca imata mana nircachu.

HECHOS 10:28

Chaipimi Pedroca: —Israelcuna, mana israelcunahuan mana tandanacuc cashcataca, cancunallatac yachanguichicmi. Paicunapac huasillamanpish mana chayarina cashcatapish yachanguichicmi. Shina cacpipish, Dios ñucaman ricuchishpaca: “Pitapish ama mana alli nishpa, millanguichu” nirca.

HECHOS 10:32

Cunanca, Jope pueblomanta Pedro nishca Simonta pushamuchun cachai. Paica carata ñutuyachic Simonpac huasipimi. Chai huasica mama cucha patapimi. Pai shamushpami, can imata ruhuana cashcata huillanga” nirca.

HECHOS 11:3

Paicunaca: —¿Ima nishpatac mana circuncisionta ruhuashca gentecunapac huasiman yaicushpa, paicunahuan micurcangui?— nirca.

HECHOS 3:13

Ashtahuanpish ñucanchic ñaupa taita Abrahamta, Isaacta, Jacobota Mandac Diosmi, paipac Churi Jesús alli nishca cachun alliyachirca. Cancunaca chai Jesustami huañuchiccunaman japichircanguichic. Pilato, paita cacharisha nicucpipish, cancunaca mana cacharichun saquircanguichicchu.

HECHOS 4:27

Chashna nishca shinami, cai pueblota mandac Herodesca Poncio Pilatohuanpish, israelcunahuanpish, mana israelcunahuanpish jucha illac Jesusta llaquichingapac tandanacurca. Diosmi Jesustaca Cristo cachun cacharca.

DEUTERONOMIO 16:2

Chai punzhapica Mandac Dios paipac shuti causachun acllashca pushtupimi ovejata, mana cashpaca vacata paiman cushpa huañuchinguichic.