SAN JUAN 18:11 - Dios Rimashcata Quillcashcami

¹¹ Chaimantami Jesusca Pedrotaca: —Espadata maipi charicushcallapitac huacaichi. Ñuca Taita cushca cai jayac ubiana shina llaquitaca ¿manachu apana cani?— nirca.

Nuevo Testamento en Quichua Cañar 1996

¹¹ Pedro chashna ruhuacpi Jesusca: —Can charicushca espadataca maipi charicushcallapitac huacaichi. Ñuca Taita cai jayac ubiana shina llaquita cushcataca ¿manachu apana cani?— nirca.

SAN JUAN 18:11 Iomraidhean Croise

2 SAMUEL 16:10

Shina nicpimi, jatun mandacca: —Sarviapac huahuacunalla, ¿Caicunataca ñucaca ima ricunatatac charini? Mandac Diosllatac: “Davidta maldiciai” nishca cacpica, ¿pitac paicunataca “mana allitami ruhuacungui” ninga?— nirca.

SALMOS 75:8

Mandac Diosca pucushca jayac vinotaca paipac copa jundatami charicun. Chai vinoca tucuilayahuan chapushcami. Chai vinota pai tallicpica, tucui cai pachapi causac paita mana cazuccunami tucuringacaman ubianga.

EZEQUIEL 23:31

Cambac ñaña shinallatacmi mana allita ruhuashpa causarcangui. Chaimantami cambac ñañaman cushca ubiana shina llaquillatatac canmanca cusha.

SAN MATEO 20:22

Chashna nicpimi Jesusca: —Cancunaca imata mañacushcatapish mana yachanguichicchu. ¿Cancunaca jayacta ubiac shina llaquita ñuca shina apai pudinguichicchu?— nirca. Chashna nicpimi paicunaca: —Ari, apashunllami— nirca.

SAN MATEO 26:39

Jesusca ashata chainicman rishpa, pambacaman cumurishpa, Diosta mañashpaca: «Ñuca Taitalla, cai llaquita ñucamanta anchuchiyari. Shina cacpipish ama ñuca munashcata ruhuaichu, ashtahuanpish can munashcata ruhuai» nirca.

SAN MATEO 26:42

Cutinllatac Jesús mañangapac rishpaca: —Ñuca Taitalla, llaquita ñuca apanatac cacpica, can munashca shina cachun— nirca.

SAN LUCAS 12:30

Diosta mana cazuccunallami chashna llaquirishpa purincuna. Ashtahuanpish cancunapac Taitaca, cancunapac imalla illashcataca yachanmi.

SAN LUCAS 22:42

Pai mañashpaca: «Ñuca Taitalla, can munashpaca, cai jayac ubiana shina llaquita ñucamanta anchuchiyari. Shina cacpipish, ama ñuca munashca shina ruhuaichu, ashtahuanpish can munashcata ruhuai» nirca.

SAN JUAN 15:10

Ima shinami ñuca Taita mandashcacunata pactachishpa, paipac cuyashca cani, chai shinallatacmi cancunatapish ñuca mandashcacunata pactachicpica cuyasha.

SAN JUAN 17:24

Taitalla, cai pacha manarac tiyacpimi, ñucataca cuyashcangui. Chaimantami can cushcacunaca ñuca maipimi cani, paicunapish chaipi cachun munani. Chaipi cashpami ñuca jatunyachishca cashcata ricunga.

SAN JUAN 18:36

Shina nicpimi Jesusca: —Ñuca mandanaca mana cai pachapichu. Cai pachapi mandana cacpica, ñucata caticcuna macanacushpa, israelcuna japichun mana saquinmanchu. Ñuca mandanaca mana caipichu— nirca.

SAN JUAN 20:17

Shina nicpimi Jesusca: —Ñucaca manarac ñuca Taitapacman huichai rinichu. Chaimanta ama ashtahuan tuparichu. Shina cacpipish ri, ñuca yachacuccunamanca: ‘Ñucaca ñucapacpish, cancunapacpish Taitapacman, shinallatac ñucapacpish, cancunapacpish Diospacmanmi huichai rigrini’ ninmi, nishpa huillagri— nirca.

2 CORINTIOS 10:4

Ñucanchic macanacunaca mana cai pachapi tiyac macanacuna shinachu, ashtahuanpish Diospac podermi jatun pirca shina jarcaccunata tucui chingachipac can.

2 CORINTIOS 6:7

Chashnatac cashcata huillashpa, Diospac poderhuan imatapish ruhuashpa, macanacungapacpish, misaringapacpish cashcata ruhuashpami causanchic.

HEBREOS 12:2

Jesusta ricuc shina catishunchic. Paimantami crinapish tiyan. Paillatacmi alli cric cachun pushan. Paica quipaman yallita cushicuita japina cashcata yachashpami, cruzpi pingaichishca huañunatapish mana manchashpa huañurcalla. Chai quipaca Diospac alli maquimanmi tiyaringapac rirca.