SAN JUAN 17:4 - Dios Rimashcata Quillcashcami

⁴ Ñucaca cai pachapica canta jatunyachishcanimi, shinallatac imata ruhuachun nishcatapish tucuchishcanimi.

Nuevo Testamento en Quichua Cañar 1996

⁴ Ñucaca cai pachapica canta sumacyachishcanimi, shinallatac imata ruhuachun nishcatapish ña tucuchishcanimi.

SAN JUAN 17:4 Iomraidhean Croise

SAN LUCAS 22:37

Ñucaca ninimi: Ñuca ima tucunamanta Dios quillcachishcapica: “Juchayuc runacuna shinami huañunga” nishcaca, pactanatacmi can. Ñucamanta Dios quillcachishcaca pactanami can— nirca.

SAN JUAN 12:28

¡Taitalla, cambac shutita jatunyachiyari!— nirca. Shina nicpi, jahua pachamantaca: «Ña jatunyachircanimi. Cutinpish ricuchishami» nishcami uyarirca.

SAN JUAN 14:13

Ñucapac shutipi imatapish mañacpica, ñuca Taita jatunyachishca cachunmi cusha.

SAN JUAN 14:31

Ñuca Taitata cuyac cashcata, Taita mandashcata pactachicusha. Cai pachapi causaccuna yachachunca, chashnallatacmi cana can. Jatarichic, caimanta jacuchic— nirca.

SAN JUAN 15:10

Ima shinami ñuca Taita mandashcacunata pactachishpa, paipac cuyashca cani, chai shinallatacmi cancunatapish ñuca mandashcacunata pactachicpica cuyasha.

SAN JUAN 19:28

Chai quipami, Jesusca tucuita pactachishcata ña yachashpa, Dios quillcachishcapi nishca pactachun “yacunayanmi” nirca.

SAN JUAN 19:30

Chai vinagreta Jesús ubiashpaca: “Ña tucuchishcami” nircami. Chashna nishpaca, umata huarcushpa, paipac espirituta Diosman mingashpa huañurcallami.

SAN JUAN 4:34

Shina nicpimi Jesusca: —Ñuca micunaca, ñucata cachac Diospac munaita ruhuanami, pai imata ruhuachun nishcata tucuchinami.

SAN JUAN 5:36

Ñuca ruhuashcaca Juan huillashcamanta yallimi ñucamanta huillacun. Ñuca Taita ruhuachun nishcacunallatami ruhuacuni. Chai ruhuashcacunami ñuca Taita pi cashcatapish, ñuca pi cashcatapish ricuchin.

SAN JUAN 9:3

Chaimantami Jesusca: —Mana paipac juchamantachu, shinallatac mana taita mamapac juchamantachu chashnaca tucushca, ashtahuanpish Dios munashcata cai runapi ricuchingapacmi, chashnaca huacharirca.

HECHOS 20:24

Huañuna cacpipish, ñucaca mana llaquirinichu, ashtahuancarin Dios cuyac cashcata Apunchic Jesús huillachun nishcatami huañuna punzhacaman cushicushpa pactachina cani.

2 TIMOTEO 4:7

Ñucaca Jesusta crinata mana saquishpami, macanacuipi alli macanacushpa mishac shina chai chayana cashcaman ña chayashcani.