SAN JUAN 17:13 - Dios Rimashcata Quillcashcami

¹³ Can maipi cashcamanmi rini. Ñuca shinallatac paicunapish yallita cushicuchunmi, cai pachapi cashparac cashna mañani.

Nuevo Testamento en Quichua Cañar 1996

¹³ Cunanca can maipi cashcamanmi rini. Ñuca cushi cashca shinallatac paicunapish yallita cushicuchunmi, ñucaca cai pachapi cashparac cashnaca mañani.

SAN JUAN 17:13 Iomraidhean Croise

NEHEMÍAS 8:10

Chai quipa paicunataca: «Cai punzhaca ñucanchic jatun Diospac chicanyachishca punzhami. Chaimanta alli micunacunata micuichic, mishqui vinotapish ubiaichic. Ima micunata mana chariccunaman micunata cachaichic. Mana llaquirinachu canguichic. Ashtahuanpish Mandac Diosmi cushichishpa sinchiyachin» nirca.

SALMOS 126:5

Huacashpa tarpuccunaca cushicushpami cosechangacuna.

SALMOS 43:4

Cambac altar cuchumanmi yaicusha. Canca ñucata cushichic Diosmi cangui. Ñuca Dioslla, arpapi tocashpami alli nisha.

SAN JUAN 13:3

Jesusca paiman Dios poderta cushcatapish, Dios cachashca shamushcatapish, paipacman cutina cashcatapish yacharcami.

SAN JUAN 15:11

Ñuca cushicuc shina cancunapish cushicuchun, shinallatac yallita cushicuihuan causachunmi, caicunataca nini.

SAN JUAN 16:33

Tucui caicunataca ñucahuan yallita cushicuita charichunmi nini. Cai pachapica llaquita apanguichicmi. Shina cacpipish, cai pacha mana allicunata ñuca atishcamanta ñucata crichic— nirca.

SAN JUAN 17:11

Ñucaca ña mana cai pachapi cagrinichu, cambacmanmi rigrini. Ñucata caticcunaca cai pachapimi saquirin. Jucha illac Taitalla, ima shinami canhuan shuc shinalla canchic, chai shinallatac paicunapish shuc shinalla cachun, cambac poderhuan cuidaiyari.

SAN JUAN 3:29

Shuc bodapica, noviaca noviopacmi. Noviopac ricsishcaca, novio rimashcata uyashpaca cushicunmi. Shinallatacmi ñucapish Novio rimashcata uyashpaca, yallita cushicuni.

SAN JUAN 7:33

Chaimantami Jesusca: —Ashacamanllami cancunahuan casha. Quipataca ñucata Cachacpacmanmi risha.

HECHOS 13:52

Chai pueblopi causac criccunaca Diospac Espíritu shungupi junda cacpimi, yallita cushicurca.

ROMANOS 14:17

Dios mandashca causanaca mana ubianata, micunata yuyashpalla causanachu, ashtahuanpish Diospac Espíritu ayudacpi, cashcata ruhuashpa, cushilla causanami.

GÁLATAS 5:22

Ashtahuanpish Diospac Espíritu yuyaita cushca causaccunaca cuyaccunami, cushi causaccunami, sumacta causaccunami, mana utca piñariccunami, llaquiccunami, cuccunami, Diospi shunguta churaccunami,

HEBREOS 12:2

Jesusta ricuc shina catishunchic. Paimantami crinapish tiyan. Paillatacmi alli cric cachun pushan. Paica quipaman yallita cushicuita japina cashcata yachashpami, cruzpi pingaichishca huañunatapish mana manchashpa huañurcalla. Chai quipaca Diospac alli maquimanmi tiyaringapac rirca.

1 JUAN 1:4

Cancuna cushicuita yallita charichunmi, caicunataca quillcanchic.

2 JUAN 1:12

Cancunaman imata nina cashcataca achcatami charini. Chashna cacpipish cai quillcapica mana quillcashpa cachagrinichu, ashtahuanpish ñuca quiquinllatac rishpami, cancunahuantac parlasha nini. Chashna parlashpami, ñucanchicca yallita cushicushun.