SAN JUAN 17:1 - Dios Rimashcata Quillcashcami

¹ Chaicunata nishca quipa Jesús jahua pachata huichailla ricushpaca: —Ñuca Taitalla, ñucata japichina pachaca ñami chayamushca. Chaimanta cambac Churi canta jatunyachichun, cambac Churitapish jatunyachiyari.

Nuevo Testamento en Quichua Cañar 1996

¹ Chaicunata nishca q'uipaca jahua pachata huichailla ricushpami, Jesusca cashna nirca: —Ñuca Taitalla, ñucata japichina pachaca ñami chayamushca. Chaimanta cambac Churipish canta sumacyachichunca, cambac Churitapish sumacyachiyari.

SAN JUAN 17:1 Iomraidhean Croise

SALMOS 123:1

Jahua pachapi causac Dioslla, cantami huichai ricushpa mañani.

ISAÍAS 38:14

Golondrina shina, grulla animalcuna huacac shinami huacacuni. Paloma shinami llaquirishpa huacacuni. Ñuca ñahuihuanca huichai ricucunillami. Mandac Dioslla, yalli llaquihuanmi cani. Chaimanta ayudaiyari.

MARCOS 14:41

Jesús quimsa cutin cutimushpaca, paicunataca: —¿Cancunaca samarishpa sueñucunguichicllachu? Ña jatarichic, Runa Tucungapac shamushca ñucataca, juchayuc runacunapac maquipi churana horasca pactamushcami.

SAN LUCAS 18:13

Ashtahuanpish impuestota japic runaca carupi shayashpami, mana huichailla ricushpa, shungupi huactarishpa: “Dioslla, ñucaca juchasapami cani. Ñucata llaquiyari” nicurca.

SAN LUCAS 22:53

Punzhantami Diosta mañana huasipi cancunahuanca carcani. Chashna cacpipish, mana japircanguichicchu. Cunanca ñucata japina horas chayamucpimi, amsapi mandacuc supai yuyaita cucpi, ñucataca japinguichic— nirca.

SAN JUAN 11:4

Jesús chaita uyashpaca: —Chai ungüica mana huañuchic ungüichu, ashtahuanpish Diostapish, paipac Churi ñucatapish jatunyachingapacmi— nirca.

SAN JUAN 11:41

Jesús shina nicpimi, enterrashcata tapashca rumita cutichirca. Jesús jahua pachata huichailla ricushpaca: —Taitalla, ñuca mañashcata uyashcamanta pagui ninimi.

SAN JUAN 12:23

Shina huillacpimi Jesusca: —Runa Tucungapac shamushca ñucata jatunyachina punzhami chayamushca.

SAN JUAN 13:1

Pascua fiesta punzhacuna manarac chayacpimi, Jesusca cai pachamanta paipac Taitapacman rina horas chayashcata yacharca. Cai pachapica paita caticcunataca yallitami Jesusca cuyarca. Shinami tucuringacaman cuyarca.

SAN JUAN 16:32

Chai punzhaca chayamun, ña caillapimi. Cancunaca ñucallata saquishpa, caita chaita ringuichic. Shina cacpipish, mana ñucallachu cani, ashtahuanpish ñuca Taitaca ñucahuanmi.

SAN JUAN 7:30

Jesusta prezushun nicushpapish manarac prezuna horas cacpimi, pi mana japirca.

SAN JUAN 7:39

Jesusca, paita criccuna Diospac Espirituta chasquina cashcamantami chashna nirca. Jesusta Dios manarac jahua pachaman pushacpimi, Diospac Espirituca manarac shamushca carca.

SAN JUAN 8:20

Jesusca caicunataca Diosta mañana huasipi, ofrenda churana ladopimi yachachirca. Paita japina horas manarac chayamucpimi, paitaca pi mana japirca.

HECHOS 3:13

Ashtahuanpish ñucanchic ñaupa taita Abrahamta, Isaacta, Jacobota Mandac Diosmi, paipac Churi Jesús alli nishca cachun alliyachirca. Cancunaca chai Jesustami huañuchiccunaman japichircanguichic. Pilato, paita cacharisha nicucpipish, cancunaca mana cacharichun saquircanguichicchu.

1 PEDRO 1:21

Paimantami cancunaca Diosta cringuichic. Diosmi Cristotaca huañushcacunapuramanta causachishpa sumacyachirca. Chaimantami cancunaca Diospi shunguta churashpa cringuichic.