SAN JUAN 16:22 - Dios Rimashcata Quillcashcami

²² Shinallatacmi cancunaca llaquiringuichic. Shina cashpapish, ñuca cutimucpica, cancunapac shungupi yallitami cushicunguichic. Chai cushicuitaca pi mana quichungachu.

Nuevo Testamento en Quichua Cañar 1996

²² Chai shinami cancunapish llaquiringuichic. Shina cashpapish ñuca cutin ricuricpica, cancunapac shunguca mai cushicungami. Chai cushicuitaca pi mana quichungachu.

SAN JUAN 16:22 Iomraidhean Croise

JOB 34:29

Dios upalla saquicpica, ¿pitac llaquichi pudingayari? Pai ñahuita pacacpica, ¿pitac catishpa ricui pudingayari? Paica jatun llactatapish, shuc runatapish chai shinallatacmi ricucun.

SALMOS 146:2

Ñuca causaipica Mandac Diostami alabasha. Ñuca causashcacamanca salmocunahuanmi Diostaca cantasha.

SALMOS 33:21

Chaimantami ñucanchic shunguca paimanta cushicun. Ñucanchicca paipac jucha illac shutipimi shunguta churashcanchic.

ISAÍAS 25:9

Chai punzhapi maijanca: «¡Riquichic, paimi ñucanchic Diosca! Paitami shuyarcanchic. Paimi ñucanchicta quishpichirca. ¡Paica Mandac Diostacmi! Paitami ñucanchicca shuyacunchic. ¡Pai quishpichishcamantaca yallitami cushicunchic!» ningami.

JEREMÍAS 31:12

Paicunaca Sión urcuman rishpami, yallita cushicushpa cantanga. Ñuca bendiciashca micunata, vinota, aceiteta, ovejacunata japingapacmi callpamunga. Paicunaca parcurishca huerta shinami cushilla causanga. Jaicapi ima llaqui mana tucungachu.

SAN MATEO 28:8

Chaimantami huarmicunaca manchaihuan cashpapish cushilla jutcumanta llucshishpa, yachacuccunaman huillangapac callparca.

SAN LUCAS 10:42

Tucuimanta yallica, shucllatami ruhuana cangui. Mariaca allitami yuyarishca. Pai chashna uyasha nictaca, pi mana jarcangachu— nirca.

SAN LUCAS 16:25

Chashna caparicpimi Abrahamca: “Huahua, can causacushpa allita causashcata yuyari. Ashtahuanpish Lazaroca llaquitami causarca. Cunanca caipica cushicushpami tiyacun.

SAN LUCAS 19:26

Chashna nicpimi, chai mandacca: “Ñucaca ninimi: Charicmanmi, ashtahuan cushca canga. Mana charicmantaca, ashallata charishcatapish quichushcami canga.

SAN LUCAS 24:41

Ashtahuanpish, paicuna yallita cushicuihuan cashpa, pai cashcata manarac cricpimi, Jesusca: —¿Manachu micunata caipi charinguichic?— nirca.

SAN JUAN 14:1

Jesusca: —Ama shungupi llaquiringuichicchu, ashtahuanpish Diostapish, ñucatapish cringuichic.

SAN JUAN 14:19

Cai pachapi causaccunaca asha punzhacuna quipaca mana ñucata ricungachu. Shina cacpipish cancunaca ricunguichicmi. Chaica, ñucaca causacunimi, cancunapish causacunguichicmi. Chaimantami ricucunguichic.

SAN JUAN 14:27

Sumac cushicui causaitami cuni, sumac cushicui causaitami saquini. Ñucaca mana gentecuna cushca cushi causaitachu cuni. Chaimanta ama llaquirichicchu, ama manchaichicchu.

SAN JUAN 16:16

Asha pacha quipaca ñucata mana ricunguichicchu. Shina cacpipish, asha quipami cutin ricunguichic— nirca.

SAN JUAN 16:20

Cancuna llaquilla cacpipish, huacailla cacpipish, cai pachapac causaccunaca cushicungami. Shina cacpipish, cancunapac llaquica cushicuimi tucunga.

SAN JUAN 16:6

Ashtahuanpish caicunaman chashna huillashcamantami yallita llaquiringuichic.

SAN JUAN 21:7

Chashna tucucpimi, Jesuspac mai cuyashca yachacucca Pedrotaca: —Paica Apunchic Jesusmi— nirca. Pedroca “Apunchic Jesusmi” nicta uyashcahuanmi, churanata churarishpa yacuman shitarirca. Challuata japicushcamantami Pedroca lluchulla carca.

SAN JUAN 4:14

Ashtahuanpish maijanpish ñuca cushca yacuta ubiacca, jaicapi mana yacunayachingachu. Ñuca cushca yacuca paipica huiñai causaita cuc, tucyacuc yacu shinami canga— nirca.

HECHOS 13:52

Chai pueblopi causac criccunaca Diospac Espíritu shungupi junda cacpimi, yallita cushicurca.

HECHOS 16:25

Chaupi tuta Pablo Silas-huan Diosta mañashpa cantacucpimi, caishuc prezucunapish uyarcacuna.

HECHOS 2:46

Punzhantami Diosta mañana huasipi tandanacuc carca. Shinallatac paicunapac huasicunapipish tandanacushpa, Jesús huañushcata yuyarishpa, cuyai shunguhuanmi micuc carca.

HECHOS 5:41

Mandaccuna cacharicpi, apostolcuna llucshishpaca, Jesusta caticushcamanta Dios llaquichichun saquishcamantami yallita cushicushpa rircacuna.

2 CORINTIOS 6:10

Llaquilla cashpapish, punzhantami cushicunchic. Huacchacuna cashpapish, taucacunatami chayucyachinchic. Imata mana charic cashpapish, tucuitami charinchic.

2 TESALONICENSES 2:16

Ñucanchicta cuyac Diosllatac, shinallatac pai cuyashcallamanta huiñai huiñaita cushi canatapish, cushicushpa shuyanatapish cuc ñucanchic Apunchic Jesucristollatac

HEBREOS 10:34

Carcelpi caccunamantaca yallita llaquirircanguichicmi. Cancuna jahua pachapi huiñai huiñaipac tucuimanta yalli allita charishcamantami ima charishcata quichucpipish, cushilla carcanguichic.

HEBREOS 6:18

Dios paipac shutipi cusha nishcamanta, cashcata nic cashcamantaca, cushicushpa shuyashpa, pai huacaichichun munaccunaca cushicuitami japishcanchic.

1 PEDRO 1:8

Cancunaca Apunchic Jesucristota mana ricushca cashpapish cuyanguichicmi. Cunan mana ricushpapish paita crishpami, yallita sumaimana cushicuita charinguichic.