SAN JUAN 16:21 - Dios Rimashcata Quillcashcami

²¹ Shuc huarmica sajuarina punzha chayacpica, nanaihuanmi llaquirin. Shina cacpipish sajuarishca quipaca, shuc huahua cai pachaman apamushcamantami tucui nanaita cungarishpa cushicun.

Nuevo Testamento en Quichua Cañar 1996

²¹ Shuc huicsa junda huarmica sajuarina punzha chayacpica, nanaihuan llaquirinmi. Shina cacpipish ña huahuata charishca q'uipaca, shuc huahua cai pachaman shamushcamantaca, tucui nanaicunata cungarishpami cushicun.

SAN JUAN 16:21 Iomraidhean Croise

GÉNESIS 3:16

Cutin huarmitaca: —Can huicsayuc cacpica, yalli nanaitami mirachisha. Yalli nanaihuanmi huahuata sajuaringui. Canca cusahuan canatami munangui. Cusami cantaca mandanga— nirca.

JOB 11:16

Chashna ruhuashpami cambac llaquicunatapish, yacu pasarishca shina mana yuyaringui.

SALMOS 113:9

Paimi mana huahuata chari pudic huarmitapish achca huahuayucta ruhuan. Huahuacunapac mama cashcamantaca yallitami cushicun. ¡Mandac Diosta alabaichicyari!

ISAÍAS 13:8

Yallita mancharingacunami. Paicunataca mancharina llaquicuna, nanaicunami japinga. Shuc huarmi sajuarina nanaihuan cac shinami nanachinga. Mancharinacushpami caishuc chaishuc ñahuita ricunacunga. Ñahuicunaca nina japiricuc shinami pucayanga.

ISAÍAS 21:3

Chaimantami ñuca huashaca nanacun. Shuc huarmita sajuarina nanai japic shinami llaqui japirca. Yallita llaquilla cashpami, mana uyai pudini. Yallita manchaihuan cashpami mana ricui pudini.

ISAÍAS 66:7

¡Manarac sajuarina punzha pactacpimi, huahuata sajuarirca! ¡Manarac sajuarina nanai japicpimi, cari huahuata sajuarirca!

MIQUEAS 4:10

Sionpi causaccunalla, shuc huarmi sajuarina nanaihuan shinami, yallita caparicunguichic. Cancunaca, caimanta llucshi rishpami, campopi causagringuichic. Chai quipaca, Babilonia llactamanmi chayanguichic. Chaipi cacpimi, Mandac Diosca cancunata piñaccunapac maquimanta quishpichinga.

MIQUEAS 4:9

Cunanca, ¿ima nishpatac yallita caparinguichic? ¿Manachu jatun Mandacta charinguichic? ¿Cancunata cunac runachu huañurca? ¿Shuc huarmita sajuarina nanai japic shinachu, cancunatapish nanai japirca?

GÁLATAS 4:27

Dios quillcachishcapica: «¡Mana huicsayuc tucuc, mana huahuata charic huarmi cushicui! ¡Sajuarina nanaita mana charic huarmi cushicushpa asiyari! Cusayuc huarmita atishpami, shitashca cac huarmica ashtahuan huahuacunata charinga» ninmi.

1 TESALONICENSES 5:3

Gentecunaca: «Cushillami sumacta causacunchic» nicucpica, jatun llaquica shuc huarmita sajuarina nanai japic shinami cungailla japinga. Chai llaquimantaca pipish mana quishpiringachu.