SAN JUAN 16:2 - Dios Rimashcata Quillcashcami

² Tandanacuna huasicunamanta llucchishpa cachangami. Shinallatac cancunata huañuchishpa, Diosmanmi alli ruhuanchic nina punzhami chayamunga.

Nuevo Testamento en Quichua Cañar 1996

² Cancunataca tandanacuna huasicunamanta llucchishpa cachangacunami. Shinallatac cancunata huañuchishpaca, Taita Diosmanmi alli ruhuanchic nina punzhaca chayamungami.

SAN JUAN 16:2 Iomraidhean Croise

ISAÍAS 65:5

Chashna cashpapish: “Carupi caichic, ama cuchuyaichicchu. Ñucanchicca canta yalli Diospaclla chicanyachishcami canchic” nincunami. Chai gentecunaca rupacuc cushni shinami ñucataca punzhanta umata nanachin.

ISAÍAS 66:5

Mandac Diosta manchaccuna pai rimashcata uyaichicyari. Paica: «Ñuca shutita mañashcamanta millanayachishpa, llucchishpa cachashca cancunapac huauquicunaca: “¡Cancunapac cushicuita ricungapac, Mandac Diosca sumaimanami nishca cachun!” nincunami. Ashtahuanpish paicunaca pingaichishcami canga.

DANIEL 11:33

Chai llactapi alli yachaccunapish tauca gentecunatami allita yachachinga. Shina cashpapish maijan punzhacunatami espadahuan llaquichishca, rupachishca, prezushca, tucui imata quichushca llaquihuan cangacuna.

SAN MATEO 10:28

Cuerpota huañuchiccunataca ama manchanguichicchu. Cuerpota huañuchishpapish, almataca mana huañuchi pudingachu. Ashtahuancarin almatapish, cuerpotapish ucu pachaman cachac Diosta manchanguichic.

SAN MATEO 24:9

Chai punzhapica cancunata prezushpa mandaccunapacman apangami. Chashnami huañuchinga. Ñucata caticushcamantaca, tucui llactacunapimi piñanga.

SAN LUCAS 6:22

Runa Tucungapac shamushca ñucamanta gentecuna piñacpipish, llucchishpa cachacpipish, camicpipish, ima millaita rimacpipish, ¡cushicuichic!

SAN JUAN 12:42

Chashna cacpipish, mandac israelcunacamanmi taucacuna crirca. Ashtahuanpish tandanacuna huasimanta fariseocuna llucchishpa cachanata manchashpami, mana piman huillarca.

SAN JUAN 16:25

Tucui caicunataca chimbapurashpallami parlarcani. Ña mana ashtahuan chimbapurashpa parlana punzha chayamucpica, ñuca Taita ima shina cashcatatacmi huillasha.

SAN JUAN 16:32

Chai punzhaca chayamun, ña caillapimi. Cancunaca ñucallata saquishpa, caita chaita ringuichic. Shina cacpipish, mana ñucallachu cani, ashtahuanpish ñuca Taitaca ñucahuanmi.

SAN JUAN 4:21

Jesusca chai huarmitaca: —Mana cai urcullapi, mana Jerusalenllapi Diosta mañana punzhacuna chayamucunmi. Chaitaca crinami cangui.

SAN JUAN 4:23

Diosta ima shina mañana cashca shina mañana punzhacuna chayamucunmi, cunanllatacmi chai punzhaca. Diospac Espíritu yuyaita cucpimi, Dios ima shina cashcata yachashpa mañanga. Chashna mañaccunatami Diosca munan.

SAN JUAN 9:22

Fariseocuna: “Maijanpish ‘Jesusca Cristomi’ nishpa huillacpica, israelcunapac tandanacuimanta llucchishpa cachashcami canga” nishpami, ñaupaman yuyarinacushca carca. Chaimantami mandac israelcunata manchashpa, taita mamaca chashna nirca.

SAN JUAN 9:34

Shina nicpimi paicunaca: —Canca juchasapami huacharircangui. ¿Chashna cashca jahuachu ñucanchicta yachachisha ningui?— nirca. Chashna nishpami, paitaca tandanacuna huasimanta llucchishpa cacharca.

HECHOS 5:33

Shina nicta uyashpami, chai mandaccunaca piñarishpa, huañuchinata munarcacuna.

HECHOS 7:56

Chashna ricushpami, Estebanca: «Ñucaca jahua pacha pascarishpa, Runa Tucungapac shamushca Jesús Diospac alli lado maquiman shayacuctami ricuni» nirca.

1 CORINTIOS 4:13

Ñucanchicta mana allita rimacpipish, cuyai shunguhuanmi cutichinchic. Cunancamanmi cai pachapica imapac mana valic, tucuipac millana mapa shina tucushcanchic.

FILIPENSES 3:6

Chaicunata cazuchisha nishpami, tandanacushca criccunataca piñashpa llaquichic carcani. Mandashcacunata alli pactachic cacpimi, pipish ñucataca imamanta mana juchanchic carcacuna.

APOCALIPSIS 6:9

Pichcaniqui sellota Pactalla Oveja pascacpica, Diosmanta allita huillashcamanta huañuchishcacunapac almacuna altar ucupi cactami ricurcani.

JUECES 6:30

—Cambac churica Baalpac altarta tigrachishcami. Asera huarmi diosta yuyarina yuratapish pitishcami. Chaimanta paita canzhaman llucchi. Paica huañunami can— nirca.