SAN JUAN 16:13 - Dios Rimashcata Quillcashcami

¹³ Cashcata nic Diospac Espíritu shamushpaca, mana paipac munaillamantachu rimanga, ashtahuanpish imata uyashcallatami huillanga. Chaimantami cashcata ruhuanata yachachinga. Shinallatac tucui imalla tucugricushcatapish yachachinga.

Nuevo Testamento en Quichua Cañar 1996

¹³ Cashcata nic Diospac Espíritu shamushpami, cancunamanca imapish cashcata yachachinga. Paica mana paipac munaillamantachu rimanga, ashtahuanpish ima uyashcallatami huillanga. Shinallatac tucui imalla tucugricushcatapish yachachingami.

SAN JUAN 16:13 Iomraidhean Croise

ISAÍAS 11:2

Paihuanmi Mandac Diospac Espirituca causanga. Chai Espiritumi alli yuyaitapish, alli yachaitapish, cunana yuyaitapish, fuerzatapish paiman cunga. Shinallatac alli yachana yuyaitapish, Mandac Diosta manchana yuyaitapish cungami.

JOEL 2:28

Cai tucuita ruhuashca quipaca, ñuca Espiritutami tucui gentecunapacman cachasha. Shina cachacpimi, cancunapac churicunapish, ushicunapish ñucamanta huillanga. Cutin yuyaccunaca muscungami. Quipa huiñaicunaca muscuipi shina ricungami.

SAN JUAN 12:49

Mana ñuca munaimantachu rimacuni, ashtahuanpish ñucata cachac Taita imata mandashcallatami huillashpa rimani.

SAN JUAN 14:17

Paica cashcata nic Espiritumi. Paitaca cai pacha runacunaca mana ricunchu, mana ricsinchu. Chaimantami mana chasqui pudin. Shina cacpipish, cancunaca ricsinguichicmi.

SAN JUAN 14:26

Chaica, Dios ñucapac shutipi cachagricuc Cushichic Espíritu shamushpami, tucuita yachachinga, tucui ñuca nishcacunatapish yuyachinga.

SAN JUAN 14:6

Shina nicpimi Jesusca: —Ñucami cashcata nicpish, ñanpish, causaita cucpish cani. Maijanpish ñucallamantami Diospacman chayanga.

SAN JUAN 15:26

Ashtahuanpish Taitamanta ñuca cachashca Cushichic Diospac Espíritu shamushpami, ñucataca ricsichinga. Paica cashcata nicmi.

SAN JUAN 16:12

Cancunaman imata ninata chariniracmi. Shina cacpipish, cunanca mana tucui entendinguichicchu.

SAN JUAN 3:32

Paica imatapish ricushcacunallata, imatapish uyashcacunallatami huillan. Shina cacpipish, pai huillashcataca pi mana crinchu.

SAN JUAN 8:38

Ñucaca, ñuca Taitahuan cashpa, ricushcallatami huillani. Cancunaca cancunapac taita nishcallatami ruhuanguichic— nirca.

HECHOS 11:28

Agabo shuti runa shayarishpa, Diospac Espíritu yuyaita cucpi, tucui llactacunapi ima mana pucucpi yarcai tiyanamanta huillarca. Chaica, jatun mandac Claudio mandacui punzhacunapimi, chashna tucurca.

HECHOS 20:23

Ashtahuanpish Diospac Espiritumi ñucataca: “Mai puebloman rishpapish, llaquitami apangui, carcelpi churashcami cangui” nishcallatami yachani.

HECHOS 27:24

Chai angelmi ñucataca: “Pablo, ama manchaichu. Canca Roma llactata jatun mandac Cesarpacman chayanguimi. Canmantami tucui canhuan riccunatapish huañuimanta quishpichisha” nirca.

2 TESALONICENSES 2:12

Cashcata nic huillashcata huillacpi mana crisha nishpa, mana allillata ruhuashcacunahuan cushicushcamanta, paicuna tucuillatac jatun llaquiman richunmi, chashnaca ruhuanga.

2 TESALONICENSES 2:3

¡Ima shinapish pi pandachichun ama saquinguichicchu! Chai punzha manarac chayamucpimi, Diosta piñaccunapish achca ricuringa, shinallatac llaquiman ric juchata ruhuac runapish ricuringa.

HEBREOS 1:1

Diosca tauca cutinmi ñaupa huatacunapica ñucanchic taitacunaman pai ima nishcata huillaccunata huillachirca.

1 JUAN 2:20

Cristo cancunaman Diospac Espirituta cushcamantami, cashcata nic huillashcataca tucui cancuna yachanguichic.

1 JUAN 2:27

Jesucristo cushca Diospac Espirituca cancunapimi causacun. Diospac Espiritullatacmi tucui imatapish yachachicun. Pai yachachishpaca, mana llullashpa chashnatac cashcatami huillan. Chaimanta pi yachachictaca mana mashcanachu canguichic. Diospac Espíritu yachachishca shina, Jesucristohuan shuclla causaichic.

1 JUAN 4:6

Ashtahuanpish ñucanchicca Diospacmi canchic. Diosta ricsiccunaca uyanmi. Mana Diospac caccunaca mana uyashun nincunachu. Shina cacpimi cashcata nic Diospac Espirituta charishcata, mana cashpaca llulla espirituta charishcata yachanguichic.

1 JUAN 5:6

Apunchic Jesucristo shamushcataca yacupish, yahuarpish ricuchinmi. Mana pai bautizarishca yacullachu ricuchin, ashtahuanpish pai huañushca yahuarpish ricuchinmi. Cashcata nic Diospac Espiritullatacmi caicunataca ricuchin.

APOCALIPSIS 1:1

Cai ricuchinataca Jesucristo paipacta ruhuaccunaman utca ima tucuna cashcata huillachunmi, Diosca curca. Jesucristoca angelta paipacta ruhuac Juanpacman cachashpami caicunataca huillachirca.

APOCALIPSIS 1:19

Can imata ricushcatapish, cunan ima tucushcatapish, shinallatac quipaman ima tucuna cashcatapish quillcai.