SAN JUAN 15:20 - Dios Rimashcata Quillcashcami

²⁰ Ñuca: “Shuc servicca mana amota yallichu” nishcata yuyarichic. Ñucatapish llaquichircacunami. Cancunatapish llaquichingami. Ñuca rimashcata cazushpaca, cancuna rimashcatapish cazungami.

Nuevo Testamento en Quichua Cañar 1996

²⁰ ‘Maijan servicpish amotaca mana yallichu’ nishpa, ñacaman huillashcataca yuyarichic. Ñucatapish mana ricunachishpa llaquichircacunami. Shinallatacmi cancunatapish llaquichingacuna. Ñuca ima nishcata cazushca cashpaca, cancuna nishcatapish cazungacunami.

SAN JUAN 15:20 Iomraidhean Croise

EZEQUIEL 3:7

Ashtahuanpish israelcunaca can rimashcataca mana uyasha ningacunachu. Paicunaca ñuca rimashcataca mana munancunachu. Tucui israelcunami sinchi umacuna, rumi shungucuna can.

SAN MATEO 10:24

Yachacucca yachachicmanta mana ashtahuan yachacchu. Servicpish, amota mana ashtahuan yallichu.

MARCOS 10:39

Chashna nicpimi paicunaca: —Ari, chaita apashunllami— nirca. Chashna nicpimi Jesusca: —Ari, cancunaca jayacta ubiac shina, bautizaric shina llaquicunataca, ñuca shina apanguichicmi.

SAN LUCAS 2:34

Simeonca paicunata Dios bendiciachun nishca quipa, Mariataca: —Riqui, cai huahuataca achcacuna quishpirichun, cutin maijancunaca chingarichunmi Diosca Israelpi churashca. Pai Diospac munaita ricuchicpimi, yallita piñanga.

SAN LUCAS 6:40

Yachacucca yachachicta mana yallichu. Shina cashpapish tucuita alli yachacushpaca, yachachic shinallatacmi tucunga.

SAN JUAN 10:31

Shina nicpimi, israelcunaca Jesusta shitangapac rumita japircacuna.

SAN JUAN 11:57

Fariseocunapish, curacunata mandac curacunapish Jesusta japingapacmi, maijan ricushpaca, paicunaman huillachun mandarca.

SAN JUAN 13:16

Servicca mana amota yallichu. Cachashcapish mana cachacta yallichu. Chaica chashnatacmi can.

SAN JUAN 5:16

Samana punzhapi alliyachishcamantami mandac israelcunaca Jesusta piñai callarirca.

SAN JUAN 7:32

Fariseocunaca gentecuna Jesusmanta parlanacuctami uyarca. Chaimantami fariseocunapish, curacunata mandac curacunapish Jesusta japichun soldadocunata cacharca.

SAN JUAN 8:51

Maijanpish ñuca nishcata cazucca mana huañungachu. Chaica, chashnatacmi canga— nirca.

SAN JUAN 8:52

Shina nicpimi, mandac israelcunaca: —Cunancarin supaihuan cashcata yachanchictacmi. Abrahampish, Dios ima nishcata huillaccunapish huañurcami. Shina cacpica, ¿ima nishpatac canca “maijanpish ñuca nishcata cazuccunaca mana huañungachu” ninguiyari?

SAN JUAN 8:59

Shina nicpimi, paicunaca rumihuan shitangapac rumicunata japircacuna. Ashtahuanpish Jesusca miticushpami, Diosta mañana huasimanta llucshishpa rirca.

HECHOS 14:22

Chaiman chayashpaca, chaipi causac criccunata tucui shunguhuan Jesusta crichunmi cunarca. Shinallatac: «Tucuilaya llaquicunata apashpami, Dios mandacucmanca yaicuna canchic» nircami.

1 CORINTIOS 4:12

Ñucanchic quiquin maquihuan trabajashpami yallita shaicushcanchic. Ñucanchicta rimaccunataca Dios bendiciachun mañanchicmi. Llaquichicpipish, chai llaquita apanchicllami.

2 CORINTIOS 4:9

Mana ricushun nishpa llaquichicucpipish, Diosca mana saquinchu. Huactashpa pambaman shitacpipish, mana tucuchishca canchicchu.

1 TESALONICENSES 2:15

Diosmanta ñaupa huillaccunatapish, Apunchic Jesustapish, israelcunaca huañuchircacunami. Cutin ñucanchictaca piñashpami llucchishpa cacharca. Chashnaca Diostapish piñancunami.

2 TIMOTEO 3:12

Maijanpish Apunchic Jesus-huan shuclla tucushpa, paipaclla causanata munaccunaca llaquita apangami.

1 SAMUEL 8:7

Mandac Diosca: «Israelcuna imata mañashcataca ruhuailla. Paicunaca mana cantachu mana valichincuna, ashtahuanpish ñucatami yangapi churashpa, paicunata ama ashtahuan ñuca mandachun shuc mandacta charishun nincuna.