SAN JUAN 15:2 - Dios Rimashcata Quillcashcami

² Ñucapi cac, mana pucuc ramacunataca tucuitami pitinga. Cutin alli pucuc ramataca ashtahuan pucuchunmi, sumacta allichinga.

Nuevo Testamento en Quichua Cañar 1996

² Ñucapi cac ramacuna mana p'ucucpica, tucui p'itishpami shitanga. Cutin alli p'ucuctaca ashtahuan alli p'ucuchunmi, mana allicunata anchuchishpa saquinga.

SAN JUAN 15:2 Iomraidhean Croise

JOB 17:9

Ashtahuanpish cashcata ruhuac runaca, cashcata ruhuashpa caticungallami. Ima mana allita ruhuac chuya maqui runaca ashtahuanmi sinchi tucunga.

SALMOS 92:14

Yuyac cashpapish alli granota pucuc yura shinami canga. Paicunaca verdinlla yuracuna shinami sinchi canga.

PROVERBIOS 4:18

Ashtahuanpish cashcata ruhuaccunapac ñanca achicyamucucmanta chaupi punzhacaman achicyacuc luz shinami.

ISAÍAS 27:9

Chashnami Jacobopac huahuacunapac yalli juchacunataca cungaringa. Paicuna rumimanta ruhuashca altarcunataca cabia rumita shina ñutuchishpa, Asera huarmi diosman riccha caspicunatapish, intiman riccha yanga dioscunatapish urmachishpa, Jacobopac huahuacunapac juchataca perdonanga.

ISAÍAS 29:19

Chaimantami cuyailla caccunaca cutinllatac Mandac Dios-huan cushicunga. Yalli huacchapish israelcunapac jucha illac Dios-huanmi cushicunga.

DANIEL 11:35

Shinallatac maijan allita yachaccunapish Dios acllashca punzha tucuringacaman mapa illac chuyayachishpa yuranlla cangapacmi huañunga. Chaipacca achca punzhacuna faltanracmi.

OSEAS 6:3

Mandac Diosta mashcashpa, paimanta yachacushunchic. Paica tutamanta inti llucshishpa achicyachic shinami ñucanchicpacman shamunga. Punta tamya, quipa tamya allpapi urmac shinami ñucanchicpacman shamunga» nincuna.

MALAQUÍAS 3:3

Paimi Levipac huahuacunataca chuyayachinga. Chaimantami curita, cullquita chuyayachic shina, juchacunata anchuchishpa chuyayachingapac tiyaringa. Cullquita ninapi rupachishpa, chuyayachic shinami mapata anchuchinga. Shina ruhuacpimi, cashcata ruhuashpa, Mandac Diosman ofrendata cunga.

SAN MATEO 13:12

Maijan alli yuyaita charicmanca, ashtahuanmi cunga. Chashna cucpica, ashtahuanmi charinga. Ashtahuanpish mana charicmantaca, pai ashalla charishcatapish quichungami.

SAN MATEO 13:33

Jesús cutin chimbapurashpa parlashpaca: «Jahua pacha Dios mandacucca, shuc huarmi quimsa taza harinata ashalla levadurahuan chapushpa, punguillichic shinami» nirca.

SAN MATEO 15:13

Chashna nicpimi Jesusca: —Jahua pacha ñuca Taita mana tarpushca yuraca, ima yura cashpapish sapindi pitishcami canga.

SAN MATEO 21:19

Jesusca ñan ladopi shuc higo yurata ricushpami, higota pactangapac cuchuyarca. Ashtahuanpish chai yuraca pangacuna jundashcami cashca carca. Chaimantami chai yurataca: “Jaicapi ama pucuchun” nirca. Chashna nincami, chai yuraca chaquirca.

SAN MATEO 25:29

Achcata charicmanmi, ashtahuan cushca canga. Chaimantami ashtahuan charinga. Cutin mana charicmantaca, ashalla charishcatapish quichushcami canga.

SAN MATEO 3:10

Hachaca ñami yura chaquipi churashca. Diosca tucui mana pucuc yurataca, sapipi pitishpami ninapi rupachinga.

SAN MATEO 3:12

Paica huairachinahuanmi trigota tamomanta chicanyachic shina ñalla chicanyachinga. Granotaca huacaichinapimi huacaichinga. Cutin tamotaca jaicapi mana huañuc ninapimi rupachinga» nirca.

SAN MATEO 7:19

Mana alli granota pucuc yurataca, tucui pitishpa ninapi shitanami.

MARCOS 4:20

Alli allpapi tarpushca muyu shinaca, alli huillaita shungupi chasquiccunami. Chaimantami shuc muyumanta quimsa chungata, maijancunaca sucta chungata, maijancunaca patsac granota pucuc shina tucuncuna— nirca.

SAN LUCAS 8:13

Rumi allpapi urmashca muyuca Dios rimashcata uyashpa cushilla chasquiccunami. Shina cashpapish mana ucuta sapiyashca cashpami, ashacamanlla crincuna. Chaica llaquicuna japicpica, mana catisha nishpa saquirincunami.

SAN JUAN 15:1

Jesusca: —Ñucaca alli pucuc uvas yurami cani. Ñuca Taitaca uvas chagrata tarpucmi.

SAN JUAN 15:16

Mana cancunachu ñucataca acllarcanguichic, ashtahuanpish ñucami cancunataca acllarcani. Cancuna rishpaca, allita, huiñaita pucuc yura shina causaichic, Shina causashpa, ñuca shutipi imata mañacpica, ñuca Taitaca cungallami.

SAN JUAN 15:3

Cancunaca ñuca yachachishcata uyashcamantaca, ñami chuyayashca canguichic.

SAN JUAN 15:6

Maijanpish ñucahuan mana cactaca, mana pucuc ramata shinami pitinga. Ña chaquicpica, tandashpami ninapi rupachingami.

SAN JUAN 15:8

Chashna alli pucuc ramacuna shina cacpimi, ñuca Taitaca jatunyachishca canga. Shinallatac ñuca yachacuccuna cashcatapish ricuchinguichicmi.

SAN JUAN 17:12

Cai pachapi paicunahuan cashpaca, cambac poderhuanmi cuidarcani. Can cushcacunataca tucuitami cuidarcani. Shucllapish mana chingarircachu, ashtahuanpish chingaringapac cashca runallami can quillcachishcapi nishca shina pactachun chingarirca.

ROMANOS 11:17

Maijan israelcunaca alli olivos yuramanta pitishca rama shinami. Cutin can mana Israelca, sacha olivos ramata pitishpa, alli olivos yurapi llutashca shinami cangui. Chaimantami canca chai sapimanta huiñashca yura shina, causaita japishcangui.

ROMANOS 11:22

Dios llaquic cashcatapish, llaquichic cashcatapish yachanami cangui. Diosca mana cazuccunataca llaquichishcami. Shina cashpapish cantaca llaquishcami. Diospac cuyaita mana cungarishpaca causanguimi. Mana yuyarishpaca canpish anchuchishcami cangui.

ROMANOS 8:28

Diosca, paita cuyaccunataca tucui ima ruhuanapipish allitami pushan. Paicunaca Dios munashcata ruhuangapac acllashcacunami.

1 CORINTIOS 13:1

Gentecunapac rimaitapish, angelcunapac rimaitapish ñuca rimashpapish, cuyaita mana charishpaca, chilin nic fierro, chilin nic platillo shinallami uyarini.

TITO 2:14

Paica juchacunata anchuchishpa tucui millaimanta quishpichingapac, shinallatac paipaclla cashpa imapish allita ruhuaccuna cachunmi, ñucanchicmanta llaquita apashpa huañurca.

HEBREOS 12:15

Pipish Diospac cuyaimanta ama caruyachun cuidanguichic. Maijanpish jayac yura shina gentecunata muspachishpa llaquichichun ama saquinguinchicchu.

1 JUAN 2:19

Chaicunaca ñucanchicpuramanta llucshishca cashpapish, mana ñucanchicpuratachu carcacuna. Ñucanchicpura cashca cashpaca, ñucanchicmantaca mana llucshinmanchu carcacuna. Chaicunaca mana ñucanchicpura cashcata ricuchunmi, chashnaca llucshirca.

APOCALIPSIS 3:19

Ñucaca tucui cuyashcacunatami rimani, shinallatac llaquichini. Chaimanta can juchayuc cashcamanta llaquirishpa Diosman cutirishpa, Diospaclla cai.