SAN JUAN 14:28 - Dios Rimashcata Quillcashcami

²⁸ Cancunaca ñuca: “Ñuca rishpapish cancunapacman cutishami” nishcataca, uyarcanguichicmi. Ñuca Taitaca ñucata yallimi. Ñucaca Taitapacmanmi rigrini nishcamantaca ciertota ñucata cuyashpaca cushicunguichicmanmi.

Nuevo Testamento en Quichua Cañar 1996

²⁸ ‘Ñuca rishpaca, cutinllatac cancunahuan cangapac shamushami’ nishcataca, cancunallatac ña uyarcanguichicmi. Ñuca Taitaca ñucata yallimi. Chaimanta cancuna ñucata c'uyashpatacca, ñuca Taitapacman rina cashcata yachashpaca cushicunguichicmi.

SAN JUAN 14:28 Iomraidhean Croise

SALMOS 68:18

Mandac Dioslla, prezucunata apashpami, jahuaman rircangui. Gentecunamantapish ofrendata japircanguimi, mana cazuccunamantapish japina cashcatami japircangui. Paicunapac chaupipi mandangapacmi chashna japircangui.

SALMOS 68:9

Dioslla, achca tamyatami cacharcangui. Chashna cachashpami cambac chaquishca allpatapish nuyuchircangui.

ISAÍAS 42:1

Mandac Diosca: «Ñuca acllashca, ñucata servic runataca ñucami cuidasha. Paimi ñucataca cushichin. Paipimi ñuca Espiritutaca churarcani. Paimi jatun llactacunapica cashcata ruhuanamanta huillanga.

ISAÍAS 53:11

Paica, pai llaquita apashcaca mana yanga cashcata ricushpami, yallita cushicunga. Chai servicca allita yachac, cashcata ruhuac cashcamantami cashcata ruhuashpa, gentecunapac juchacunata aparinga.

SAN MATEO 12:18

«Caipimi ñuca acllashca servicca. Paitami ñucaca cuyani. Paimi ñucata cushichin. Paimanmi Espirituta cusha. Tucui llactacunapi cashcata ruhuashpa mandanamanta huillanga.

SAN JUAN 10:38

Ñucaca ñuca Taita mandashcallatami ruhuani. Ñucata mana crishpapish, ñuca ruhuashcacunata crichicyari. Chashna crishpami, ñuca Taitaca ñucahuan, ñucaca paihuan cashcata alli yachanguichic— nirca.

SAN JUAN 13:16

Servicca mana amota yallichu. Cachashcapish mana cachacta yallichu. Chaica chashnatacmi can.

SAN JUAN 14:12

Ñucaca Taitapacmanmi rini. Chaimantami maijanpish ñucata cricca, ñuca ruhuashca shina ruhuanga. Chaicunapish yallitami ruhuanga. Chaica chashnatacmi canga.

SAN JUAN 14:18

Mana cancunallata saquishachu, cancunapacman cutimushami.

SAN JUAN 16:7

Shina cacpipish, cancunapac allipac rinami cani. Chashna ñuca mana ricpica, cancunata Cushichicca mana cancunapacman shamungachu. Ñuca rishpami, paitaca cachasha. Chaica chashnatacmi canga.

SAN JUAN 20:17

Shina nicpimi Jesusca: —Ñucaca manarac ñuca Taitapacman huichai rinichu. Chaimanta ama ashtahuan tuparichu. Shina cacpipish ri, ñuca yachacuccunamanca: ‘Ñucaca ñucapacpish, cancunapacpish Taitapacman, shinallatac ñucapacpish, cancunapacpish Diospacmanmi huichai rigrini’ ninmi, nishpa huillagri— nirca.

SAN JUAN 20:21

Cutinllatac Jesusca: —Cushicuichic, ama manchaichicchu. Ima shinami ñuca Taita ñucata cacharca, chashnallatacmi cancunataca ñucaca cachani— nirca.

SAN JUAN 5:18

Chaimantami mandac israelcunaca Jesusta huañuchinata munarca. Mana samana punzhapi alliyachishcallamantachu piñai callarircacuna, ashtahuanpish “ñuca Taitaca Diosmi” nishpa Dios tucushcamantami ashtahuan piñashpa, huañuchisha nicurca.

SAN JUAN 7:33

Chaimantami Jesusca: —Ashacamanllami cancunahuan casha. Quipataca ñucata Cachacpacmanmi risha.

1 CORINTIOS 11:3

Shina cacpipish, Cristoca caripac uma cashcata, cutin carica huarmipac uma cashcata, Diosca Cristopac uma cashcata yachachunmi munani.

1 PEDRO 1:8

Cancunaca Apunchic Jesucristota mana ricushca cashpapish cuyanguichicmi. Cunan mana ricushpapish paita crishpami, yallita sumaimana cushicuita charinguichic.

APOCALIPSIS 1:11

«Ñucami callari A shina, tucuri Z shina callarichicpish, tucurichicpish cani. Cai can ima ricushcataca shuc libropi quillcashpa, Asia llacta canchis pueblopi causac tandanacushca criccunaman cachai. Chaicunaca Efeso, Esmirna, Pérgamo, Tiatira, Sardis, Filadelfia, shinallatac Laodicea pueblocunami can» nirca.