SAN JUAN 14:18 - Dios Rimashcata Quillcashcami

¹⁸ Mana cancunallata saquishachu, cancunapacman cutimushami.

Nuevo Testamento en Quichua Cañar 1996

¹⁸ Cancunallataca mana saquishachu, cancunahuan cangapacca cutimushami.

SAN JUAN 14:18 Iomraidhean Croise

SALMOS 101:2

Allita causanatami yachacusha. ¿Ima horastac ñucapacmanca shamugringui? Ñuca mandana huasipica allita ruhuanata shungupi yuyarishpami purisha.

SALMOS 23:4

Canca ñucahuanmi cangui. Chaimanta huañunalla amsa huaicuta ricushpapish imata mana manchashachu. Cambac taunahuan, cambac varahuan cuidashpami ñucaman fuerzata cungui.

ISAÍAS 43:1

Jacobopac huahua huahua Israel llactata callarichic Mandac Diosca: «Ama manchaichu, Ñucami quishpichircani. Cantaca shutipimi cayarcani, ñucapacmi cangui.

ISAÍAS 51:12

Mandac Diosca: «Ñucami cancunata cushichic cani. ¿Ima nishpatac cupa shina huañushpa chingariclla runata mañanguichic?

LAMENTACIONES 5:3

Taita illac huahuacuna shinami canchic. Ñucanchic mamacunapish viudami saquirishca.

OSEAS 14:3

Asiriocunaca ñucanchictaca mana quishpichingachu. Caballocunapipish mana montashunchu. Ñucanchicllatac ruhuashca dioscunataca jaicapi mana: “Caimi ñucanchic diosca” nishunchu. Taita mama illac huahuataca canllami llaquingui» nishpa mañaichicyari.

OSEAS 6:3

Mandac Diosta mashcashpa, paimanta yachacushunchic. Paica tutamanta inti llucshishpa achicyachic shinami ñucanchicpacman shamunga. Punta tamya, quipa tamya allpapi urmac shinami ñucanchicpacman shamunga» nincuna.

SAN MATEO 18:20

Maipimi ishcai, mana cashpaca quimsa ñuca shutipi tandanacucpica, ñucaca chaipimi cani— nirca.

SAN MATEO 28:20

Ñuca cancunaman mandashpa yachachishcacunata paicunapish cazuchun yachachinguichic. Ñucaca cai pacha tucuringacamanmi, cancunahuanca casha» nirca.

SAN JUAN 14:16

Ñuca Taitaman mañacpica, shuctac Cushichictami cachanga. Chai Cushichicca huiñaitami cancunahuan canga.

SAN JUAN 14:3

Ñuca rishpaca cancuna causanata allichishpami cancunata apangapac cutimusha. Maipimi ñuca causani, chaipimi cancunapish ñucahuan causanguichic.

SAN JUAN 16:16

Asha pacha quipaca ñucata mana ricunguichicchu. Shina cacpipish, asha quipami cutin ricunguichic— nirca.

SAN JUAN 16:33

Tucui caicunataca ñucahuan yallita cushicuita charichunmi nini. Cai pachapica llaquita apanguichicmi. Shina cacpipish, cai pacha mana allicunata ñuca atishcamanta ñucata crichic— nirca.

2 TESALONICENSES 2:16

Ñucanchicta cuyac Diosllatac, shinallatac pai cuyashcallamanta huiñai huiñaita cushi canatapish, cushicushpa shuyanatapish cuc ñucanchic Apunchic Jesucristollatac

HEBREOS 2:18

Paica, diablo pandachisha nicpi, pai llaquita apac cashcamantami, maijanpish chai shina llaquihuan caccunata, ayudangapac poderta charin.